الشيخ متعب بن زقيع وقصته مع المطيري

[ابن زقيع]

السلام عليكم ورحمة الله وبركاته


هذه احدى قصص الشيخ متعب بن زقيع رحمه الله

تعريف بشخصيته..!

هو الشيخ متعب بن زقيع رحمه الله
الاخ الاكبر للشيخ ذعار بن زقيع
ويسبقه كثيرا بالعمر
قتل وهو في مقتبل شبابه ومقتله قصه مشهوره سنوردها لاحقاعندما اخذ ابوه بثاره

كان معروف بالشجاعه والكرم رغم صغر سنه
وهو لم يتجاوز السابعه عشره من عمره
وكان من شدة باسه وشجاعته لايذهب مع اباه في مغازيه
كان يذهب وحده وعندما يعاتبه اباه ا قائلا لماذالا تذهب معي
ير عليه قائلا:

ان رحت معك قالو الناس اللي فعل وكسب انت يابوي وانا ابي فعلي لحالي

في ذات يوم خرج الشيخ وحده وله وجهه وصادف في طريقه صاحب ابل
ونزل عليه وشرب عنده حليب
بعد ان عرفه بنفسه وصاحب الابل طلع مطيري من بني عون

وعندما اراد الذهاب قال للمطيري اذا احتجت شي لايردك الالسانك


وفي ذات يوم غزة احدى قبائل عتيبه على المطران واخذت مجموعه من الابل

من ضمنها ابل المطيري وهو لايملك غيرها وضافت به الارض

وذكر الشيخ متعب بن زقيع وكلامه له

فانشد قصيده لايحضرني منها الابعض الابيات
وهو يستنجد به خصوصا وبقبائل طلحه من الروقه
وساورد من القصيده مايخصنا ويخص قبيلتنا

يقول المطيري:

لاواذلولي اللي غدت لي ذلولاه=راحت وراحن جل ذودي ثماني
نادي بصوتٍ كل طلحه توحاه=توحيه طلحه كل قاصي وداني
نادي على متعب براس القلولاه=تبيني من فوق حزمٍ بياني
ونادي لعبدالله زبون المخلاه=وزقاع مرذي سايجات البطاني

الى اخر القصيده ويقول فيها

وان كان من قطنان ماجات مداه=والها على كل الغضابين عاني

وعندما وصلت القصيده للشيخ كان
في وضع حرج حيث ان الابل كانت عند احدى قبائل عتيبه
ولايستطيع ان ياخذها بالقوه بسبب القرابه والدم

وذهب اتجاه القبيله وعندما وصل لها عرف بيت اللي اخذ الابل وذهب له
ولم يكن صاحبه موجود
ووجد عنده فرس اصيله وهي ركوبة الفارس وصاحب البيت

وكما هو معروف ان الفرس اغلى مايملكه الرجل.

فامتطى الشيخ صهوتها واخذها من البيت
ولحقو به فرسان القبيله وهم لايعرفون من هو
ولم يستطيعوا اللحاق به لمهارته في ركوب الخيل وفروسيته

وذهب بها لقبيلته وعند وصوله ارسل لصاحب الفرس
وقال له الفرس مقابل ابل المطيري

واتى صاحب الفرس بالابل
واخذها متعب بن زقيع رحمه الله وردها للمطيري
واعطا صاحب الفرس فرسه.



ملاحظه


عبدالله اللي ورد اسمه في القصيده

هو الفارس المعروف

عبدالله بن الجازي الغضباني رحمه الله


تحيتي للجميع

[مشاري الحبردي]

سلمت يمناك يابن زقيع ....
ونعم بالغضابين ولاتسدهم

[عبد الكريم العازمي]

والله ونعم بالغضابين فخذ لا يستهان به

ونعم بمتعب وأبوه ولاهنت طال عمرك

آخر تعديل عبد الكريم العازمي يوم 07-Jan-2011 في 04:56 PM.

[خالد بن مورق]

ونعم والله

[ابن زقيع]

المشاركة الأصلية كتبت بواسطة مشاري الحبردي

سلمت يمناك يابن زقيع ....
ونعم بالغضابين ولاتسدهم

وانت سالم


لاهنت وانا اخوك

ولاعليك زود

[الامير حريبيش]

ونعم والله عسى الطيب من ربعنا

[أبو طالع العتيبي]

تسلم يمناك