قصيدة عن الأمير : صلال بن شبيب بن حجنة - الهيـــــــــــــلا *** منتدى قبيلة عتيبة

الهلالــــــــي · 07-Mar-2006, 03:53 AM

السلام عليكم ورحمة الله وبركاتة

من مكتبتي

قال الشاعر عودة بن بن زله الصقري رحمه الله
هذه القصيدة يثني على صلال بن حجنة النفيعي
بعد ان جاور الحجن وشاهد طيب افعالهم فقال
يشيد بكرمهم وحسن قربهم:

البارحه بالكبد مثل الملايل
... اللي دخل بالقلب تسعين هاجوس
يا الله يا منشي ثقيل المخايل
... تفرج لقلب عن هوا البال منكوس
بلاي انا لا قيل مخطي وعايل
... وهرج يورد بالصناديق مدسوس
ولا يسقي العطشان شرب المشايل
... ولا ينفع الخايب إلى جاك حسوس
يوريك نجوم الليل ضهر القوايل
... وإلى طلبته حاجة تقل مضروس
خطو الولد لو طاب ما من صمايل
... يبي الكرم والطيب ويقطع الروس
مار الردى والطيب لهن دلايل
... رجم طويل يدهله كل قرنوس
عيوا على الشيمة عيال الحمايل
... ما هو طمع بفلوسنا مار ناموس
عيال الحجن اللي تحوش النفايل
... عدٍ نهار الضيق لا يبسن رسوس
ما طاوعوا بالجار قولاٍ وقايل
... يوم النواظر حكيها رفت ورموس
بمربع يرمون كبش وحايل
... يوم ألردي للضيف مايمغر الموس
من ذربة العتبان هل الفعايل
... ماطبهم عرق الهكاري مع العوس
حماية الساقات يوم الدبايل
... ان جتك بالفرسان دكلة وكردوس
كم ابلج بالكون يشفي الغلايل
... من دون شقح دلهن كل عاسوس
وادلالهن الجرسان مع الفلايل
... يرعن قرار بالصحاصيح مانوس
قلته وانا مجناي من صلب وايل
... كم فارس بنحورهم طاح مديوس
حنا الصقور مزبنين الدخايل
... ان كان كلحت الشفايا عن ضروس
ما نقبل العيلات والحق مايل
... حنضل على كبد المعادين ممروس
با ما عزلتا دقها والجلايل
... ويا ما عدينا باللواهيب واشموس
ويا ما وردنا جيشنا للثمايل
... ويا ما حدرنا من مراقيب واطعوس
كم واحد نوطاه والدم سايل
... خلي عشا لمهرفل الذيب مفروس
ولا تحتكر الطيب دون القبايل
... خشر به الاجواد والعلم مدسوس

وسلامتكم..

مرزوق حمدان العتيبي · 07-Mar-2006, 08:29 AM

..
.
والله ومليون نعم بالحجن يستاهلون المدح
اول وتالي ...
وصح لسان الشاعر..
والله يعطيك العافيه يالهلالي ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
حط حبه في كياني ماتغيّره السنيني = وانثني من دون عرضه بالذراع وباللساني

@Marzouq_MHD

09-Mar-2006, 03:22 AM

والله والسبعة انعام بالحجن كلهم ولا يكفيهم

وياليت تتحدث لنا عن الحجن كلهم في مقال مفصل يالهلالي

واكون ممنون وشاكر لك

تحياتي لك يالهلالي ....................

ابن مشيب · 10-Mar-2006, 07:33 PM

انعم واكرم بالشيخ صلال بن شبيب بن حجنة , شيخ خُلدت مأثره , ولمع نجمه , واتسعت شهرته , كيف لا وهو ابن الشيخ والفارس الكبير شبيب بن بادي بن حجنة , رحمهم الله رحمةٍ واسعة , ورحم الله اموات المسلمين

قصيدة معبرة فيمن يستحقها

سلمت يالهلالي

تحياتي