حنا عتيبه مرجحين الموازين

[مرزوق بن دحيم]

كانو هنا يانجد بدوً مقيمين=اهل القيم واهل الوفا والشهامه
واهل البيوت اللي على المنزل الزين=فوق النبا ماهي بحدر العدامه
واهل الطروش اللي تدك الميادين=والوسم فوق ارقابهنه زعامه
هاذي مفاليها من اول وهالحين=لو شافها الطماع تبرد عظامه
كم صاح فيها النجر وسط الدواوين=صيحة كرم ماهيب صيحة رخامه
والحيل يزهاها الشحم فالصواوين=فيهم كرم ربي صفات وعلامه
ياطيبهم في حزة العسر واللين=ربعن لهم فالطيب ذروة سنامه
ابيوتهم تثبت كما سور بكين=وتشبه لضلعان الحجاز ابمقامه
افعالهم وصلت ليا الغرب والصين=وارصادهم يرصد ويرسل كلامه
والحين امدبها النظر وين لياوين=يرجع عليه بنهزام وملامه
ساعه وقفت وكنها عدة اسنين=صحتني انفاس الانين والامه
لايانفود السر لا تدمع العين=دمعك عليه مثل يوم القيامه
هنا وطينا بالقدم والزمن شين=وعدونا ما يهتني في منامه
حنا عتيبه مرجحين الموازين=اليا احتدم عج الرمك والتحامه
مانشجب ولاننكر الفعل وندين=نقلط وكنا قالطين الكرامه
ماهيب حب خشوم ومصافح ايدين=يوم يرمل لابسات اللثامه
نرسي كما ترس الرواس الظلاعين=وسيوفنا تارد على كل هامه
لياثار عج الخيل مثل البراكين=بالدم نغسل جوها من عسامه
وملبسينك ياتلع العنق عقدين=وموشحينك بالشرف والسلامه
حنا رجال اللي رفع راية الدين=عهدن علينا مايثنى كلامه
يقولها معزي بعد فتح بابين=باب السلام وباب حصن اليمامه
والله لولا رجالن الهم براهين=ماعاد للدين الحنيف احترامه
الله عطاني شعب يوصف بثنتين=مطاعة الله ثم طاعة ايمامه
ابشرع ربي ثم بحكم السلاطين=يبقى الوطن شامخ وحنا حزامه
ولا سجدنا غير لله امطيعين=ولله علينا طاعته والتزامه
وختامها جعل السحاب الودادين=يمطر على خد العذيه كرامه

مرزوق بن دحيم

التوقيع

الحر عينه يم روس الطويلات=ماهيب عينـه مثل عين الجراده يقديّ أكبر منـه راي وقنـاعات=الشـور شوره والمراجل شداده

[الرويل الأول]

صح لسانك وبيض الله وجهك

دائماً مبدع كعادتك

تقبل مروري

[مرزوق حمدان العتيبي]

..
.
شامخه مثل شموخ مرزوق بن دحيم
صح لسانكـــ مدد بلاعدد ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[يوسف العازمي]

صح لسان الشاعر : مرزوق بن دحيم

وصدق يووم يقول

حــــنـــــا عــتــيــبـــه مــرجــحــيـــن الـــمـــوازيـــن


ومشكووور على النقل و لاهنت

[أبن حشيان]

مرزوق ابن دحيم


قصايد ه شامخه شموخ الجبال ولادري لماذا لايلقب بشاعر


المحير في الامر منهو المقيم او المميز في قوت المفردات


اوتنسيق البيت تلو الاخر مثل قصايد اخونا مرزوق دحيم



عموما تقبل مشاعري نحوك

ولك جزيل الشكر

[فهد العازمي العتيبي]

...


صح لسانك

ولاهنت ،،،

التوقيع

للتواصل على تويتر https://twitter.com/falotaibi5115 ،،

[متعب الند]

صح السانك ..........................قصيده جزله..................




وبيض الله وجهك..........

آخر تعديل متعب الند يوم 21-Jul-2011 في 04:24 PM.

[نشمي مقعد نايف العتيبي]

كفوووو كفوووو



اشهد بالله ان ماورد في القصيده

اثر في نفي اشياء كثيره



لاهنت