قوات الامن الخاصه تضرب نواب مجلس الامه الكويتي في ندوة الحربش

[ابو محمد الدعجاني]

المشاركة الأصلية كتبت بواسطة ابو نادر

يالدعجاني تقول سود الله وجه المسلم وهو جارك وابن عمك ويحبه الغريب قبل القريب لصدقه
وهو من اوائل الناس الذين دافعوا عن السيدة عائشة وما ذكرك لسيده عائشة هنا وما مناسبته هل هو لذر الرماد في العيون عن ما يغيض به صدرك
انا عارف ان الاسماء التي ذكرت قبله وما بعده وما سبقتها بسود الله وجه لكل نائب هي مقصدها المسلم لكن لتوريه وضعت اسمائهم
لكن حب من شئت واكره من شئت يالدعجاني

يا العصيمي لو فيني غيض على المسلم كان جيته في بيته وماهو بعيدن عني وقلتها له في وجهه ولا علي منه ما جلست اكتب في منتدى .



لكن ابشرك الحين فيني غيض عليه وعلى كل الاعضاء اللي معه مخلين عيال القبايل تنطق وتنهان على سواد عيونهم بسبة حصانه تنرفع وكلب مثل الجويهل هم وراهم ماطلعوا للجويهل يوم الخالديه وطقوه الاعضاء ليه يخلون المساكين تنذبح على جريرتهم .


والله لو فيهم رجال شريف كان قال نعم انا كشفت فساد على الحكومه وبروح للمحكمه واواجه مصيري وافك بني عمي من هالمسخره اللي تصير لهم والله لتزداد شعبيتهم اكثر واكثر لكن ماهمهم الا السمعه والصيت والبلع بميزات الكرسي الاخضر وخلوا الناس ينظحك عليهم بالهتافات وينطقون بدالنا .



قسم بالله ثم قسم بالله مافيهم الشريف مادام وصلت لها الحد ودريتوا ان الحكومه بعيونها الشر فكوا الناس من البطش هذي حكومه ان بغت شي سوته طرقن عن خشومهم ولجل عين تكرم الف عين لجل عين هالناس اسكتوا وروحوا للمحاكم .


لكن وش تقول مابان فعلهم يوم خاسر الخبيث ويوم الفرعيات بالصباحيه والناس ماش مع الخيل ياشقرا .

آخر تعديل ابو محمد الدعجاني يوم 09-Dec-2010 في 02:36 AM.