أعظم رجل عرفته الدنيا

[بيت القصيدة]

هذه الابيات قلتها بمناسبة استظافة الحرس الوطني لمعرض سيرة اعظم رجل وطاء الثرا محمد بن عبدالله صلى الله عليه وسلم

[منصور الثبيتي]

الحمدلله ختمنا معرض السـيـــــــــــــــره =سيرة محمد ولد هاشم رسول اللــــه
اللي نصلي عليه بكل تكبيـــــــــــــــــــره = الصادق المصتفى خير البشر كلــــــــه
اللي سما بأمته هديه وتبشيـــــــــــــــره = يرشد غشيم البشر للدين ويدلــــــــــــه
صلاة في مسجده تسوى الف في غيره =فضل(ن) عظيم(ن) وكل الناس تفطن له
بقلوبنا مختلف حبه وتقديــــــــــــــــــــره = لو عذربوا به عداء الإسلام والملــــــــــــه
وحيوا معي صاحب الفكرة وتدبيــــــــــره = الله يجزيه من خيره ويجزلـــــــــــــــــــــه
اللي بذل جهد ماريح مشاويـــــــــــــــره = الدين يتعب على شانه ويبذلـــــــــــــــــه
مصخر(ن) للنبي وقته وتفكيــــــــــــــره = مستهوته لفة الاسواق مع خلــــــــــــــــه
والشكر موصول مع مسكه وتعطيــــــره = والعود الأزرق وفنجال(ن)من الدلـــــــــــه
للقايد اللي يسر الصدر تعبيــــــــــــــــره = الدين يدعم نشاطاته ولا ملـــــــــــــــــــه
ومن الحرس شكر لاصتفت طوابيــــــــره = للي سعى فيه من دقه ليا جلـــــــــــــــه
وصلاة ربي عدد ماخط من سيــــــــــــره = على محمد ولد هاشم رسول اللـــه

صح السانك ...!

شاعر مبدع تحياتي ...!

القصيده غير موجوده أولى ...!

[بيت القصيدة]

صح بدنك مشكور على مرورك : حصل خطأ عند الكتابه ماقصرت

[مهنـا العتيبي]

صح لسانك

ولكن لي عتب عليك

نايف بن عبدالعزيز ليس اعظم من الانبياء والرسل

اتنمى منك تغيير عنوان القصيده

[بيت القصيدة]

صح بدنك ياخوي مهنا والقصيده في نبينا محمد صلى الله عليه وسلم وليس في نايف رحمه الله

اشكرك على مرورك الجميل ماقصرت أرجع واقرأ القصيده مره ثانيه لاتاخذ العنوان فقط .

[بيت القصيدة]

آمل من مشرف القسم حذف واحدة من المشاركتين لأنها نفس القصيده نزلتها بالخطأ مرتين والحين أرد هنا وهنا ههههههه نبي وحده بس

[عثمان الثبيتي]

صح السانك وبيض الله وجهك والله لايحرمك الاجر

هذا والله الشعر اللي في محله مشكور الله يعطيك العافيه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[مهنـا العتيبي]

ولكن

ابياتك في الشخص المذكور اللي مدري من هو ملك او امير ...

اكثر من ابياتكـ في رسولنا محمد صلى الله عليه وسلم


كيف تقول القصيده في الرسول ؟

[فهيد الايدا المورقي]

بيت القصيد صح لسانك على الجزاله


وصلي الله وسلم على سيد البشر


تحيتي

[بيت القصيدة]

المشاركة الأصلية كتبت بواسطة مهنـا العتيبي

ولكن

ابياتك في الشخص المذكور اللي مدري من هو ملك او امير ...

اكثر من ابياتكـ في رسولنا محمد صلى الله عليه وسلم


كيف تقول القصيده في الرسول ؟

يا اخي الكريم منهو الشخص المذكور ؟ القصيده مشاركه ضمن برنامج حفل معرض سيرة محمد صلى الله عليه وسلم , وتكلمنا في بدايه القصيده عن النبي صلى الله عليه وسلم واثنينا في القصيده على صاحب فكرة استضافة المعرض وشكرنا قائد اللوء على دعمه للمعرض حيث حظر الافتتاح والختام . وسلامتك ومافيه شخص غير هأؤلا ؟ اشكرك اخوي مهنا على حرصك تقبل تحياتي