القدس تبكي !

[وصل العطياني؟؟؟]

يا عيني اللي تنثر الدمـع مـدرار=دمعه ورى دمعه دموووع الغبينـه
يا عين دمعاتك على الخد كالنـار=وسّمتي الخديـن صـارت مبينـه
ربعي يقولون انت وش فيك محتار=الهـم للرجـال ينقـص سنينـه
إن كان همك بنت نعطيك واختـار=بنت الأصايل مع شجاعـه فطينـه
قلت الحقيقه سيف والسيف بتـار=السيف حده لا ضـرب عارفينـه
أبا اشرح اعلومي ولا عندي اسرار=ابا اشرح اعلومي عساها حسينـه
خلوني امضي والفلك دار وانـدار=أواه لـو تنفـع ركبنـا السفينـه
أبكتب احساسي ولو صار ما صار=احساس شاعر قام ينضح جبينـه
هات القلم باكتب على نفسي اقرار=أنا الحزين وعاشـقٍ لـه حزينـه
القدس تبكي سوروهـا بالأسـوار=وادموعها بلـت شـوارع مدينـه
تبكي صلاح وتبكي الجيش جـرار=وتبكي عمر مفتاحها فـي يدينـه
من بعدهم ذقنا العزاير والأمـرار=افعولنـا والله افعـولٍ مشيـنـه
المسلين اعدادهـم فـوق مليـار=لكن فـي الميـزان ذرة اطحينـه
هبو على الطاغي ترى الوقت دوار=يمكن تدور الدايـره فـي كبينـه
إن كان ما قام العرب مثل الاعصار=واللي على درب الخطر مهلكينـه
حنا العرب بركان خامـد ولا ثـار=يا عزتي للقدس صـارت رهينـه
محملين اهمـوم واحـزان واوزار=وكلٍ يقول اليـوم يـا الله تعينـه
وحنا العرب فالبحر نشبه لمحـار=كـلٍ يبـي المحـار دره ثميـنـه
يا ليتني يا ليتنـي داخـل الغـار=يوم الرسول وصاحبـه ساكنينـه
عشنا القهر عشانا مع صيفنا الحار=صرنا كما زيتٍ بوسـط المكينـه
يا لايمي ما عندي اسرار واعـذار=اترك هزيل القول وامسك سمينـه
القدس ضاعت والعرب تلعب الطار=لا تزعلون القرش نسمـع دنينـه
حنا العرب نطرب اليا حطو الـزار=وانشجع المهبول نسمـع رطينـه
حنا العرب ياحبنا وقـت الاسفـار=ما همنا إلا الجو وايضا السكينـه
عشنا على الترفيه واسراف وابذار=نعيـش يـوم ويـوم متغافلينـه
سلامكم لعبه كمـا القـط والفـار=القط مثل اللي محاصـر سجينـه
والمشكله في ايدينكم يا بو عمـار=ما تفهمون الدرس ما انته اذهينـه
الدرس واضح لكن اتزيد إلاصرار=وتسـوي الهدنـه تراهـا عفينـه
العهد ينقض والعهد عنـد بـوار=مهما يطول الوقت يرجـع حتينـه
السيده ترقص على انغام واوتـار=وتدلل الخايـن وتعـرف ضمينـه
تعرف ادروب الحق لكـن بنكـار=ذيبه ومسعوووره ونفسٍ ضغينـه
حطت لنا في داخل الـدار مسبـار=والفكر معه إلتف والنفـس شينـه
الدرب واضح ما على دربنا اغبار=شاهد شهد وأشهد على شاهدينـه
هذا كلام اللي قرأ بيـن الأسطـار=تاريخ يبكي ما مضى من سنينـه
بكى بكى حتى فقـد كـل الأنظـار=يمشـي بعكـازه وحالـه مهينـه
قام أيتذكر فعل ماضيـن الأشبـار=والشمس ما غابت على مشرقينـه
قام أيتذكر ضربة السيف لا جـار=والخيل واللي شال رمحه ضمينـه
خلاص وقّف يا قلم خـل الأعـذار=ما تنفـع الأعـذار بعـد الغبينـه

منقول الحسام

التوقيع

na111na@hotmail.com

[داهية عتيبة]

الله الله

عز الله انه صادق في كل كلمة قالها


والله غبينه من جد



تسلم أخوب وصل على النقل الرائع


وصح لسان الشاعر



تحياتي..

[الدهاسي]

صح لسانك ياوصل
وانشاء الله ينفك اسر القدس

يعطيك العافيه

[دريد ابن الصمة]

الله اكبر .... الله اكبر... الله اكبر

صح لسان قايلها





سلمت يمين ناقلها




حقق الله مقاصدها

تقبل تحياتي .....

[@عريب الساس@]

خــلاص وقّــف يــا قـلــم خـــل الأعـــذار=مـــا تـنـفـع الأعـــذار بــعــد الغـبـيـنـه

قصيده تعبر عن حال الامه ومابها من مأسي نسأل الله ان ينصرها بنصراً من

عنده انه ولي ذلك والقادر عليه,, انت دائماَ رائع ياوصل العطياني فشكراً لك

على هذه القصيده وصح لسان شاعرها,,,,

وتقبل تحياتي اخوك/

@عريب الساس@

[ابو ضيف الله]

جــزاك الله كــل خيـر يا وصـل وبارك فيك

صـدق ان القـدس تبـكي مار مـن يسـمع ولا يجــيب

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[وصل العطياني؟؟؟]

داهية عتيبة


لاهنت وشاكر لك مرورك / الكريم




تحيااااااااتي