ينزع ثياباً على جسمي تغطيني ( مؤثرة جداً )

[ابن مشيب]

بسم الله الرحمن الرحيم

اليكم هذة القصيدة المؤثرة لشاعر: عبدالعزيز العتيبي

حولت فالقبر بيديني ورجليني=قبل اقرب الناس في قبري تحولني
جيت المكان المخيف وشفتة بعيني=يارب يامثبت الضلعان ثبتني
عزالله انة مكاناً منظرة شيني=حير عقولاً ذهيناتاً وحيرني
مالوم انا الناس لو راحو مجانيني=العقل من ظلمةً فالقبر ينجيني
الدار عقب السعة تقريب متريني=والعرض شبرين يالله لاتعذبني
قمت آتخيل ليا حل القضا فيني=واشغلت نفسي بذكر الموت وشغلني
لابردت اطراف جسمي وشخصت عيني=جاني ملك موت يقبض مايشاورني
محدً من الناس ياقف بينة وبيني=ماعنة مجناب لامنة دنا مني
مدري من اللي على يدينة يوديني=يم المغسل عساس انة يغسلني
ينزع ثياباً على جسمي تغطني=يالله دخيلك ليا جيتة وكفني
يالله عليك اعتمادي لاتخليني=لاصرت فالقبر مابة من يونسني
ابوي ماهوب في جنبي يواسيني=ولافية اماً علي اتروف وتحني
صكو علي اللحد بالبن وطيني=في حفرةً مظلمة كلاً رحل عني
ثم جلسوني انا وفي قبري اثنيني=اصواتهم كالرعد والكل ينهرني
وانفاسهم كاللهب يالله تنجيني=وابصارهم مثل برقاً لاح فالمزني
القبر للملتزم ورد ورياحيني=لة مدةً يحتري راعية ويحني
ولا على المنحرف نار ودخاخيني=زودً على الضيق فية يضيق ويوني
يالله بزادً على الطرقة يكفيني=صيام وقيام واعمالاً تقدمني
اعمال خيرً بها تثقل موازيني=لاعرضت النار بإذن الله تنجيني
هذا الذي من عذاب القبر ينجيني=يوماً محدً من العربان ينجيني
ياغافل الموت ماخلى السلاطيني=محدً نجي منة لا إنسي ولاجني
راحو ملوك العرب والهند والصيني=فرعون وينة وكسرى وين علمني
مسكين يالي طردت المال مسكيني=تشري قصور البلد وتبيع وتبني
مردك الموت لو عندك ملاييني=شف وين قارون كانك ماتصدقني
وياللي ماشوفك مع صفوف المصليني=وش مشغلك عن عمود الديني علمني
شيابنا الي تثنو بالحواجيني=ماردهم يالمفرط فارق السني
كفرً صريح مثبتاً بالبراهيني=قالة نبي البشر حذرى لاتجادلني
يالله اني طالبك في تالي اسنيني=الصاحب الي على الطاعة يعاونني
لاشاف فيني قصورً مايخليني=بالموت والاخرة دايم يذكرني
بالكلمة الطيبة والمنطق الزيني=من قلب صادق ليا زليت حذرني
يارب عطفك ولاطفك لاتخليني=اغفر ذنوبي يارب الكون ورحمني

غفر الله لة ولمن اعان على نشرها

[الــوآفــي]

الله يرحمنا برحمته

شكرا لك يابن مشيب

الله يغفر لنا ولكل مسلم

[((الدلبحي))]

تسلم يابن مشيب
صح السانك والسان عبدالعزيز
يعطيك العافيه

[مشتــــاق]

ياغافـل المـوت ماخلـى السلاطينـي=محدً نجـي منـة لا إنسـي ولاجنـي
راحو ملوك العرب والهنـد والصينـي=فرعون وينة وكسـرى ويـن علمنـي
مسكين يالي طـردت المـال مسكينـي=تشري قصـور البلـد وتبيـع وتبنـي
مردك المـوت لـو عنـدك ملايينـي=شف وين قـارون كانـك ماتصدقنـي

اللهم هون علينا عذاب القبر وادخلنا جناتك



قصيدة تجعل المسلم يتذكر ما فات ويحسب لما سيكون


ابن مشيب

جعلك الله من الجنة مع الصديقين والشهداء

[ابن مشيب]

اخي العزيز/ ذيبان

لاشكر على واجب , واسعدني مرورك وردك الكريم......


تحياتي......

[ابن مشيب]

اخي العزيز/ ((الدلبحي))

ومن قال سالم وغانم , وصح بدنك , واسعدني مرورك وردك الكريم.....


تحياتي.....

[ابن مشيب]

اخي العزيز/ مشتــــاق

جزاك الله خير , وجمعني الله وإياك وجميع المسلمين في جنات النعيم , وسعدني مرورك وردك الكريم.....


تحياتي....

[وصل العطياني؟؟؟]

مؤثرة جداً جداً ...

لاهنت يا بن مشيب ..


تحياااااااااتي

التوقيع

na111na@hotmail.com

[شيباني نت]

يالله اني طالبـك فـي تالـي اسنينـيالصاحب الي على الطاعـة يعاوننـي
لاشـاف فينـي قصـورً مايخليـنـيبالمـوت والاخـرة دايـم يذكـرنـي
بالكلمـة الطيبـة والمنطـق الزيـنـيمن قلب صـادق ليـا زليـت حذرنـي
يـارب عطفـك ولاطفـك لاتخليـنـياغفر ذنوبي يـارب الكـون ورحمنـي


تسلم والله يابن العم
قصيده جدا مؤثره


اللهم ارحمنا واغفر لنا




ابن عمك شيباني نت

[صـويب الرمـــش*]

ألاخ ابن مشيب ,, شكرا على القصيده وصح لسان قائلها
وعز الله انها مؤثره .

مااقول غير ان الله يحسن خاتمتنا ,,,,,,
تقبل تحياتي