يازمـان صـار لـفـروخ الـدجـاج

[@عريب الساس@]

يازمـان صـار لـفـروخ الـدجـاج =والمـغـنـي والمـمـثـل والـعـمـيـل
صارت الدنيا مثل سوق الحـراج = اختلط فيها الكديش مـع الاصيـل
حتى من جانا قبـل عاميـن حـاج = قام يظهـر لـه مـع العالـم صهيـل
انحسب من عندنـا لـو كـان داج = فـي المحافـل اطلـق لسانـه يعيـل
لا بغا حاجه يشـاور (ام سـراج ) = لو يخالف تغسل شراعه غسيـل
والاجانب جوك مـن كـل الفجـاج = شـئ مكفـولٍ وشــئ بــلا كفـيـل
يتـعـلـم فـيــك طـبــه والــعــلاج = ان نجح ولا عسى عمرك طويل
في بلدنـا صـارت العيشـه همـاج= وش تمشي وش تخلي بالصميل
وين ما حطيت رجلـي بـه سيـاج= لا اراضـي ولا بيـوت ولا نخيـل
ماني طالب عيشةٍ في قصر عاج = ولا ابي نهـرٍ تحـت بيتـي يسيـل
ودي لـو اعيـش وافــل الحـجـاج = ودي اظهر شئ فـي قلبـي نزيـل
ديرتي بصبـر ولـو فيهـا عجـاج = في ثراها اموت مـا اشـد الرحيـل
ما تجي الدنيا على كيف ومـزاج = اتـعـدل يـــوم وبـعـشـرة تـمـيـل

[روقاوي]

والله قصيدة معبرة عن الواقع , تسلم .|110|

[داهية عتيبة]

مشكووور اخوي عريب الساس


لاهنت طال عمرك


قصيدة رائعه


تحياتي .

[دريد ابن الصمة]

يا زمانا صار لفروخ الدجااج = = = والمغني والممثل والعميل

صارت الدنيا حراجا في حراج = = =اختلط فيها الكديش مع الاصيل



اخوي عريب الساس الف شكر وتحيه لك على هالقصيدة الرئعة

تحياتي لك

اخوك / دريد ابن الصمه

[@عريب الساس@]

الاخوان/روقاوي-وداهية عتيبه-ودريدابن الصمه لكم مني جزيل الشكر على

مروركم على على مشاركتي،،،،،،


وتقبلوا تحياتي اخوكم/

@عريب الساس@

[فـارس الدغيـلبي]

قـــــصـــــــيـدة معبره
لا تـحتـــاج تفسير ولكن هذا هو الزمن ولو دامت لغيرك ما وصلت اليك



تقبل تحياتي

[@عريب الساس@]

اسعدني مرورك يا فارس الدغيلبي،،والله يكفينا شر الزمان وميلاته,,,

وتقبل مني فئق الاحترام والتقدير اخوك/

@عريب الساس@

[فيصـل العضياني]

لاهنت وصح السانك على القصيده الجزله

ماقصرت

[@عريب الساس@]

ومن قال ما هان وصح بدنك اخوي الروقي شرفني مرورك على مشاركتي,,,,,,


وتقبل تحياتي اخوك/

@عريب الساس@

[ابن مشيب]

من روائع الاشعار , قصيدة في غاية التصوير والتعبير...........


لاهنت يا @عريب الساس @