مقنوص ( قصة مميزة)

[أبو فهد]

منقول / ملتقى الحوار العربي

تبدأ القصة عندما قابلت صاحبها وهو جارنا بالسكن ــ يعني من عيال الحاره , وهو شاب في العشرينات من عمره طويل أبيضاني وملامحة جميله ــ قابلته مرة عند سيارته وسلمت عليه وشفته مع اغراض وأكياس كثيرة ومن باب المزاح قلت له :
ــ ماشاء الله وش كل هالأغراض ناوي تعرس ..!؟ رد عليّ وملامحة غير سعبدة :
ــ اي والله خلاص نويت اتزوج ..! فقلت له :
ــ مبروك . طيب وش فيك كانك زعلان .. شكلك مغصوب على هالعرس .. ولا العروسة مهي اللي عالبال ..!!
فقال : لا والله بس مادوي أعرس لسا بدري ,,
المهم بعد مادار بينا الحديث راح لحال سبيلة بدون ان يفصح لي عن السبب الحقيقي الذي جعلة يكتأب من هذة الزواج .
وبعد كم يوم قابلته وبعد ماسلمت علية سألته :
ــ هاه أخبارك ياعريس..!؟ متى العرس ان شاء الله ..!!؟ فرد علي وبملامح تختلف عن المرة الأولى :
ــ عرس أي عرس وأي زواج خلاص كل شئ تفركش.. ــ يعني مافي عرس ولا يحزنون ــ ,,!!
فقلت له : خير ليش وش اللي حصل توكم مايمديكم تزعلوا من بعض >>عاد انا فيني لقافة غير طبيعية احب أعرف كل شئ .
فقل لي : اسمع أصل العرس هذا كنت مغصوب عليه ,, وبحكيلك القصة من أولها لآخرها ,,
قلت له : هات اللي معك فضفض لي يمكن همك ينزاح , فقال اسمع :
البنت هذة اللي كنت بتزوجها كنت اعرفها من مدة هي جارتنا وبنت ... فلان ... ــ الله يستر عليها ــ في البداية كنت اكلمها بالتليفون ثم تطورت العلاقة بينا وصرنا نتواعد ونطلع مع بعض فكانت تقول لأهلها اني بروح عند صديقتي فلانة أو بطلع السوق مع فلانه أو بروح العرس مع فلانه ــ كلها اكاذيب على الاهل اللي مشغولين عنها بمشاغل الدنيا ــ فكانت تطلع معي وتخيل ياأخي انا وهي لوحدنا بالسيارة بنت وولد فتاة وشاب وثالثنا الشيطان فتوقع كل شئ .. وأي شئ ــ وكأننا زوجين حميمين ــ ــ ولا حول ولا قوة الا بالله ــ ومرت الأيام على هذة الحالة فما يمر الأسبوع الا واطلع معها مرة او مرتين , الى ان جاء اليوم اللي ننكشف فيه ــ فحبل الكذب والخطيئة قصير جداً ــ ذاك اليوم قررت انا وهي نطلع فقالت لأهلها انها بتروح السوق مع وحدة من صديقاتها فطلعت ورحت انا وهي لمكان بعيد شوي عن البيت نسينا خلالها الوقت والزمن والاهل والفضيحة والحارة وكل شئ نسينا كل شئ ,, رجعنا بعد منتصف الليل بساعة ــ يعني الساعة وحدة بالليل ــ راحت لبيتها ولقيت أهلها حاسوا الدنيا عليها حتى انهم بلغوا الشرطة وراحت الدوريات تبحث في كل مكان ,, ولما رجعت البنت مسكها ابوها ضرب لحد ما اعترفت بكل شئ وقالت انها طلعت معي أكثر من مره ,, فجاءت الشرطة لبيتنا واخذوني وهناك استلموني ضرب الله لايوريك ــ والله تستاهل أكثر من الضرب ــ والمهم وبعد الواسطات واللذي منه اتفقنا وبدون فضايح اني اتزوجها , بالأول انا رفضت اني اتزوجها ولكن بعد ماغصبوني الاهل عليها رضيت بالأمر الواقع , وبعد ماحددنا يوم العرس , رفضت هي الزواج مني لانها علمت اني كنت رافض لفكرة الزواج منها لولا ان أهلي وأهلها غصبوني , فاخذها كبريائها ورفضت , فانا حصلتها حجة ورفضتها وكل واحد راح لحال سبيلة ,,
..................................................

طبعاً لو رجعنا للقصة بنحصل المسؤول الاول هو الأب فكيف يسمح لبنته تطلع لحالها وهي فتاة في عز الشباب وبعض المرات تحصلها تطلع بدون أذن منه ,, أي أب هذا وين المسؤولية ..!؟ وين دور رب الأسرة الي حثنا عليه رسولنا الحبيب علية أفضل الصلاة والتسليم كلكم راع وكل راع مسؤول عن رعيته ,........
يمكن لدرجة انه يشوفها مرات جاية من برع ولا حتى يسألها من وين جيتي ..!! ياأخي انت أب انت مسؤول امام الله وستسأل عنها يوم القيامة , فهذة امانة فاياك ان تفرط فيما أءتمنك عليه الله .
والله العظيم تستغرب من بعض الأباء وحتى الأزواج يشوف بنتة او زوجته طالعة للسوق وهي بكامل زينتها , وين الدين وين الحشمة وين الخوف وين الغيرة وين راحت كل هذة الأشياء ,, !!؟؟ الأب أو الزوج بامكانه أن يأمرها أن تحتشم وتتقي ربها الذي خلقها , فالأب يحاول قدر الامكان انه يربي ابنتة وأولاده على الدين والأخلاق الفاضلة وان يعلمهم ان هذا غلط وهذا صح ويذكرهم ان هناك جنة ونار ,, والزوج أيضاً ان يكون حازماً مع زوجتة فاذا مارءاها بدأت تنحرف أو تنجرف الى تيار غير سليم عليه أن يزجرها وأن يحذرها وان يكون معها حازماً بقدر الامكان ,,
الله يستر على بناتنا وبنات جميع المسلمين .

[الابرق]

اخي ابو فهد بيض الله وجهك على هذه المشاركه الممتازه .

اخوك الابرق