(( شمـــــــــــــر والجيره ))

[عبدالرحمن الهيلوم]

جيـــــــــرة شمّــــــــــر
بسم الله الرحمن الرحيم
حسن الجوار من الامور اللتي حث عليها الاسلام
ومن الامور اللتي اهتمت بها العرب
فتغنت بها
ولله الحمد شمر كغيرها من القبائل اهتمت بهذه الخصله فاشتهرت بها
يقول الفليحي السليطي الشمري يوصي ابنه:

اللي يحشم الجار قسمٍ من الناس
بليـهـان شـيـال الـحـمـول الثقـيـلـه
الجـار لوهـو نــازحٍ عـنـك بالـسـاس
الـزم مــن الـدانـي بـكـل الوسيـلـه


وتقول الحربيه:



نطيت انا المستقلي
مـن نايفـات العـدامـا
لـيـت شـمـر هلـلـي
دخيـلـهـم مـايـظـامـا


يقول عموش الحربي بالاسلم من شمر عندما رحلوا عنه:

لا ولله الا شـــدوا الـبــدوا يـاذيــاب
كـــــلٍ تـنــحــر دار حـــــيٍ يـــــودّه
تفـرقـوا عـقـب المقاطـيـن هـــراب
وكـلٍ حكـا باللـي جـرى لــه يـعـدّه
اقفت ضعون اللي يفكون الانشاب
وخـلـوا كلاثـيـم الوجـيـه الـمـصـدّه
شدوا هل الهدلا عريبيـن الانسـاب
يـامــن كـــلٍ عـــد بـاصـلـه وجـــدّه
للجار والمسكين يضفون الاسـلاب
مامـثـلـهـم لـلـجــار حــــي نــعــدّه
وعن الضرر كنه على راس مرقـاب
قـمــرا عـلـيــه بـلـيـلـةٍ مـجـرهــده
منزحـه عـن دارهـم كــل الاجـنـاب
يــــوم كــــلٍ لــــه عــــدوٍ يــضـــدّه
خيالهم يضرب على الموت ماهـاب
يفضي جموع الصم لو هي مسدّه



ويقول رميح الخمشي بالتومان من شمر كذلك عندما رحلو عنه

يـالـيـت مـايــم الـطـويـلـه تـعـنـيـت
اللي تعزل "جلاعده" عن "جليعيد"
هليّـت فـوقـه عـبـرةٍ حـيـن عـديـت
طويلـةٍ تاخـذ عـلـى القـلـب وتـزيـد
ماينفـعـن كـثـر المـنـا لـــو تمـنـيـت
وعزي لمـن مثلـي جـداه التواجيـد
شفت الضعاين غلسٍ حين راعيـت
مغـرورقـات كـنـهـن هـمــل الـغـيـد
اقفـو بهـا التومـان يرعـا بـهـا هـيـت
يرعـى بـهـا الاشـقـح بلـيـا تحـاديـد
ترعـى بضـف مرفعـة **ّـر البـيـت
تتلـي مقزيـن الحـريـب المساعـيـد
ترعى بظل حـراب **ابـة الصيـت
اللي على شهب النواصي مواريـد
ان غـربــو لـوقــه لـــزور الـبـراريـت
وان جنبو لهـم الضواحـي مسانيـد
تسقـيـن يــادار لـهـم كــل ماجـيـت
غـرب الهشـوم وقبلـةٍ مـن تخـاديـد


ويقول ابو جري المطيري بالفضيل من عبده:

ياجري دن لي القلـم كـان تشفيـن
قلبـي علـى قـرب الاجاويـد عـاوي
هات الدواة وهات لي مـن يحاكيـن
مـــادام بـالــي للتـمـاثـيـل نــــاوي
نـقـول قــولٍ للـشـيـوخ القديـمـيـن
بـريـك هــو والعرفـجـي والـفـراوي
شدو هل المعروف ياجـري مقفيـن
هــل الـربــاع محـرقـيـن الـقـهـاوي
شالوا على العتلات ماهن قعاديـن
طوال الخطا ماهن رحايل شـواوي
ياجـري دوك العجـل راحـو مقفـيـن
دونك سلفهم مع هكا الريـع هـاوي
استجنبوا ياجـري مثـل الشياهيـن
يتـلـون قطـعـان صـخــاف مـهــاوي
خيـل وقطعـان عليهـن تـقـل طـيـن
وكـل افتـخٍ قـرمٍ شـجـاع صـخـاوي
يتلون من يصبر على العسر واللين
شيـخ علـى عسـر الليالـي يــلاوي


ويقول ساكر الخمشي بالطواله من الاسلم وارسله للشيخ ضاري]:

طيـت راس معـمـردٍ وقــت الادمــاس
وعرفـت رقــي الـرجـم مـابـه لـنـا زود
لازان شـوفـك لازمٍ شـفـت الاونـــاس
لازم تشـوف اللـي ورا الجـرع ابالـدود
القلب مشتان يبـي نـاسٍ مـن النـاس
لو سيرو بي من مشاري على سعود
وجدي على اللي طبخته مالها قياس
لاجــا يقلبـهـا عـلـى الـجـمـر مـرجــود
كنـه يصالـي مـن رعـايـا بــن حــواس
صـكـو بـهـا الـرعـيـان والـجــو مـــارود
يـــاوي مـحـمـاسٍ ويـــاوي حــمــاس
تحـيـيـك صـفــرا ماباطاريـفـهـا ســـود
لاولا سبـيـلٍ نطعـسـه يقـعـد الــراس
لاطـق لامنـه حضـب عــود مــن عــود


وقصيدة الاحمدي بالعليان من عبده من شمر

لاواهني ياحمود من فارق الـدوم
نبـي عربنـا ... يـم اطاريـف رمــان
ياحـمـود والله ماعليـنـا بـهـا لـــوم
مستانس اللى وسط نزل العليان
ياحمود كني عندهم باشت الروم
ومـزودن وزنـي علـى كـل ميـزان

هذه شاعرة من الدهامشه من عنزه تمدح الرخيص من الزميل من سنجاره من شمر على حسن الجوار والجيره اثناء وجود الدهامشه عندهم تقول الدهمشيه

ردوا سلامـي علـى نــواف
وسلم علـى جملـة ربوعـه
نعميـن يــا نــازل الاطــراف
ويزنل على الخوف بنجوعه
(رخايصـه) طيبهـم ينشـاف
قصـيـرهـم راهـيــا بــوعــه
والاجنبي عندهم مـا خـاف
مـع حشمـتـه زاد منفـوعـه
وأبو الخلاوي بطيبـه طـاف
لـه رايـه الطـيـب مرفـوعـه
قرم يقود السلـف بأسـلاف
لأضعـان وأضعـان متبـوعـه



وهذه قصه جرت علي معتاد بن روضان الوهبي الحربي القصة ابتدات عندما تجاور معتاد بن روضان الحربي والعليان من عبده من شمر علي (اوثال) بضواحي عيون الجواء في القصيم واستمرت هذه الجيره ثمانية اشهر وهم يتساعدون ويتسامرون وعندما اقترب موسم نضوج ثمر النخيل استاذنه العليان من شمر بالرحيل والعوده الي ديارهم في جبل رمان في نواحي حائل وبعد رحيلهم تذكر معتاد جيرتهم وحبهم له وتسامرهم وقصصهم فتهيض وقال هذه الابيات يذكرهم ويذكر حسن معشرهم واخلاقهم ويذكر شيخهم معشي الذيب (مكازي ابن سعيد) وهذه بعض من ابيات القصيده

البـارحـة بالقـلـب شـيـبٍِ وتشـيـيـب
والقلب مـن طـاري التفاريـق شابـي
شـدوا عربنـا فـوق عـوج المصالـيـب
امس الضحا شفت الرحايل اتجابـي
والـرجـل قـامـت تحـتـرف للمراقـيـب
ماهـو هـوى الـي زاهــي ٍ بالثيـابـي
لاولاد عــلــي مـدلـهـيـن الاجـانـيــب
مــع نـزلـهـم كـثــرة ثـــلاث الـنـوابـي
عشران للطيب ومن يشتهي الطيب
والـــلاش عـصــر الـهــلالات هــابــي
راحـوا لغـرس جدودهـم بالشخانيـب
يـطـلـع ولا تـفـجـر عـلـيـه الـجـوابـي
غيـدٍ بـروس مشمـرخـات العراقـيـب
غيـد بــروس مشمـرخـات الهضـابـي
يامن خبـر قـدم بشاتـه علـي الذيـب
عشـاه يــوم انـحـت علـيـه الكـلابـي
هـــذا كـــلام ولا بـهـرجـي تـكـاذيــب
وتلقي شهودي مـع مثابـي جوابـي


وهذه قصه اخرى :نزل الشاعر عبدالله فراج السبيعي وأربعة بيوت من جماعته على فخذ الوريك من الجحيش من الأسلم من شمر 0فقامو في حقوقه خير قيام ، حتى أنهم يقدمونه على أنفسهم بالموارد وفيما يحتاجون اليه ، وقد جلس عبدالله ومن معه مدة سبع سنواة وهم في عشرة وصداقة ، وكانو اذا ما جاء الليل أجتمعو يتبادلون السوالف والأشعار ويتبادلون ذكر المعروف والجميل فيما بينهم ، ولكن الدنيا لا تصفو لأحد تجمع وتفرق حسب الظروف أو متطلبات حلالهم 0رجع الشاعر السبيعي الى قبيلته فتذكر جيرانه الوريك وتذكر فرقاهم وما أسدو اليه من جميل وحيث أن الطيّب لا يجحد المعروف ، فقال هذه الأبيات يخاطب ولده سعود وقد أمتلأت عيناه بالدموع :

البـارحـة سـهـران مــا جـانـي نــواد
دمــوع عيـنـي فــوق خــدي كثـيـرة
أمـضـي الـسـاعـات وأعـــد بـعــداد
الله يــاعــلام خــافـــي الـســريــرة
ياعـل عيـن مابكـت عـقـب الأجــواد
عسى العمى ياسعود يدخل نظيرة
جيرانـنـا ياسـعـود مـاهـم بـالأوجـاد
ويــــا دعـــــو جـيـرانـهــم لـلـبـريــرة
قصيرهم يقعد على فـراش وشـداد
وياخـذ زمـان وكــل منـهـم عشـيـرة
ومـجـالـس حـلــوة ووجـيــه جـــداد
وجـيــه تـجــدد والـمـراجـل كـثـيــرة
ياطيبـهـم للـجـار وأنـحــاز لـلأضــداد
يـفـرح بـهــم بـــوش تـذيــر نـشـيـرة
وريكـات الياركبـو علـى الخـيـل وراد
ويامـا وقـع بنحورهـم مــن عشـيـرة
مـــا صـفــح مركـاضـهـم بـالـتـصـداد
مركاضـهـم ينـطـح شـبـاة المـغـيـرة
يــاوي جـيـران بـهــم ربـــح وأفـــواد
واقفـايـتـي عـنـهـم علـيـنـا كـبـيــرة


وهذه قصه اخرى حصلت على حربيه حينما جاورت الجعفر من عبده من شمر وكانو الجعفر مع اميرهم نهار الرزني المهم المره تذكرت جيرتهم بعد رحيلها عنهم وقالت هالقصيده :

يـاعــم عـيـنــي بـالـرزانــا مـشـقــاه
عيـت تـود النـوم وهـي جـوف حـيـه
أهــل بـيـوت (ن) بالـعـوالـي مـبـنـاه
أهـــل بـيــوت (ن) مـالـجـو بـالـزويـه
أرقـاب أركـاب أضيوفهـم دوم محنّـاه
ريـــف النـشـامـا يـالـفــو بـعـشـويـه
ولاداورو جـــاراتـــهـــم بـــالـــرديّـــاه
أيـضـاً ولـهـم أهــل العـلـوم الـرّديــه
نـهــار أبـــو عــايــد كـالـبــدر حـلـيــاه
قـلـيــل مـثـلــه بالـنـشـامـا حـلــيــه
خمسين كبش وحايل (ن) ذبح يمناه
سـمّــى علـيـهـن كـلـهـن بضـحـويـه
وكم حايل (ن )للضّيف يجدع شواياه
دب الـدّهـر بالـنّـار تـلـقـى الـشّـويـه
ولاقاس سمن الظرف وهـزه بيمنـاه
ولاقــــال ذا لـلـبـيـع أحــرزيــه لــيــه
معـروفـهـم يـاعــم مـاعــاد نـنّـســاه
شكـران فضـل الأجـواد حقـن علـيـه

ملطوش ...

[محمد النفيعي511]

[الفراتي]

ونعم بشمر والله
ويستاهلون

لاهنت يالهيلوم

[هايس القعيط]

ماعليك يازود يالهيلوم

والله ونعم بمن ذكرت
كل يعد ما واجه والاجواد عدوى ما شافوا

عنزة ومطير وحرب وسبيع وعتيبه كل به حقه

[سنجـار]

لو ما الطنايا لابتي والسناعيس ::::لاقلب عتيبي واعتزي في عتيبة

[ممدوح الروقي]

تستاهل قبيله شمر كل ماقيل فيها والله ونعم بالطناياوالسناعيس

[عبدالرحمن الهيلوم]

شكرا للمرور يالغالين