قصيدة للشاعر/حبيّب العازمي فى الشيخ/عبدالمحسن التوم

[الفراهيدي]

قصيده للشاعر العلم / حبيّب العازمي في مدح عبدالمحسن التووم بعد جهده
بالوجه والجاه في عتق رقبة ثلاثة اشخاص ابتليوا بقضيّة قتل ..

سلام الله على زبـن الدخيـل مـورد الهيـاب=عقيـد القـوم قايدهـا ليـا رفـت بيارقـهـا
ليا شبـت شبايبهـا ودقـت طبلـة الحـراب=حضوره يفرح الصدقـان والعـدوان يشرقهـا
هـذا التـوم مـع الأصـحـاب والأجـنـاب=طلع صيته مثل شمس الضحى من يم مشرقهـا
على وضح النقا بادي ٍ بصيته عالي المرقـاب=وثيقة مجـد فالماضـي وفالحاضـر موثقهـا
ليا جات اللزوم الحاضيه حضر فيهـا ماغـاب=ومـن طيبـه ولـو تكثـر مطاليبـه يحققهـا
صليب الراي حلال المشاكـل معتـق الأرقـاب=ثلاث أرقاب مرهونه لحـد السيـف وأعتقهـا
بذل ماله وجاهه ليـن حررهـا مـن الأجنـاب=ونـال الطيبـه والطيبـه قـدمـه مسبقـهـا
هذا الحصن الحصين لمن جالـه ذرا وحجـاب=بإرادة من يفرجهـا علـى العبـد ويضيقهـا
ليا منه بذل جاهـه بجاهـه يـدرك الأسبـاب=ولا ياكـم نـاس ٍ ورا البيـبـان وأطلقـهـا
أحد مبلي بـلاه الله بدعـوىً مالهـا مجنـاب=تحملهـا وقـام أبهـا وهـو ماهـو بطايقهـا
وتخلـوا عنـه ربعـه وصـك دونـه بــاب=ودونـه واحـدٍ مـن دونـه البيبـان مغلقهـا
مالـه جـدا ألا عضـة الإبـهـام بالأنـيـاب=وقع في مشكلـه والمشكلـه طالـت طرايقهـا
ولولا فزعة اللي فزعتـه يحسبلهـا بحسـاب=خطير أنـه يقضـي العمـر فيهـا مايفارقهـا
لكن الله فرجلـه يـوم جـاه مفكـك الأنشـاب=بعد جـاه الخصيـم اللـي للأخصـام يرهقهـا
وخاصم دونه الأخصام وساند دونهـم بعتـاب=وجابه مـن ورا البيبـان والأخصـام خلقهـا
وأحد مطلوب دين ولا معـه مايوفـي الطـلاب=تمادى لان روحه في حـلال النـاس وهقهـا
وأحد من قلت الدنيـا وقـل المراجـل شـاب=مغيـر أتصافقـه دنيـاه بالفقـر ويصافقهـا
وجا الأول مع الثاني لراع الجـود والترحـاب=كريم ٍ فالكـرم لـو يجمـع الأمـوال ينفقهـا
وعطاهم من حلاله عقب ضيفهم ثلاث وجـاب=وكـل ٍ راح ويديـه مـن الخيـرات مغرقهـا
هذا موجز ملخص عن فعول معـرب الأنسـاب=فعول ٍ يدري الأدنى والأقصـى عـن حقايقهـا
حقايق والحقايق مثـل نـور ٍ فالدجـا جـذاب=يدل اللـي تضيـع فالـدروب وفـي مفارقهـا
أقوله والعرب تدري عن الصادق من الكـذاب=ونـاس ٍ تدعـي بالـزور ربـي مايوفقـهـا
ضعيفين النفوس اللي يبيعون الزمـن بتـراب=على شان اللحايـس فالبلـد شبـوا حرايقهـا
يثيرون الفتن ويلاحقـون النـار بالمشهـاب=وهم مامنهـم اللـي كلمتـه بالحـق ينطقهـا
ولا منهم ولا واحد حضر فالماقـف الغصـاب=علايـق والعـرب ماهـم فيهـا ألا علايقهـا
لكن الروس دايم روس ماتقرن مـع الأذنـاب=وروس العرب تعرف ولـوا ماتقـرا بطايقهـا
ولا ياكم رمي ٍ علـى غيـر السنـع ماصـاب=عوافي يارمـاةٍ لـو رمـت هطـفٍ بنادقهـا
لكن بعض الدعاوي مالهـا قـاري ولا كتـاب=خطيه والخطيـه تعشـق المخطـي ويعشقهـا
ومن جاب الخطيه على راسه جالها مضـراب=قبل ياصفها على غيره علـى نفسـه يطبقهـا
سوى أنه من حدا الأقصين ولا من حدا الأقراب=علوم مسيلمه الكذاب ما أفلـح مـن يصدقهـا

وسلامتكم

التوقيع

AL-frahedi@hotmail.com

[سهم العضيان]

صح السان الشاعر العلم حبيب وصح السان نا قلها
وما قصرت يالفراهيدي على النقل الجميل والفين نعم بشيخ الحفاه بني عمنا وما هي غريبه عليهم البطولات

[السّامي]

الله يـعـطـيـك الـعـافـيـه

وصـح لـسـان شـاعـرنـا الـكـبـيـر حـبـيـب الـعـازمـي

قـصـيـده جـزلـه

والـنـعـم فــي شـيـخ قـبـيـلـة الـحـفـاه (الــتــــــــوم) غـنـي عـن الـتـعـريـف


تـحـيـاتـي لـك يـالـغـالـي اخـوكــ الـنـفـيـعــي_الــنـيـــــــر

[أبو مرحبا]

الفراهيدي


صح السانك والسان الشاعر الكبير حبيب العازمي


لاهنت على النقل

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[الأمــير]

الفراهيدي


صح لسان حبيب


وشكرا على النقل

والنعم والله في ابو غازي الله يرحمه

[ابن مشيب]

انعم واكرم بالحفاة وفي الشيخ التوم , قبيلة عرف رجالها بالشجاعة والشهامة , قصيدة رائعة , والاروع انها من الشاعر الكبير حبيب العازمي , سلمت وسلم بنانك يالفراهيدي



تحياتي

[ابـن نـعـيـس]

صح لسانك ولسان ابو فيصل


والله وسبعه انعام بالتوووم وبالحفاه كلهم




لاهنت



تحياااااااااااااااااااااااااااااااااتي

التوقيع

[الفراهيدي]

سهم العضيات

النفيعي النير

قخص

ذيـــب الحنــابج

ابن مشيب

ابن نعيس


صحت ابدانكم

وشكرا على المروركم الكريم

تحياااااااااتي

[أبن مسلم]

الفراهدي

صح لسان أبوفيصل


والتوم شيخ ويستاهل المدح


وسلمت يمينك على نقل هذه الدره


تحياتي

[الفراهيدي]

أبن مسلم


صح بدنك.. مشكورر على مرورك


تحياااااااااااااتي