( من شيم الطنايا ) مع عـنزه وابن هــذال ....!!!

[اخو رثعه]

( من شيَّم الطنايا . مع عنزه )


حصلت معركة من معارك شمر الكثيرة مع عنزة .

وكانت عنزه بقيادة طلال بن هذال أحد كبار شيوخ عنزة

وشمر بقيادة غاطي بن جبرين أحد كبار شيوخ شمر

ودارت رحى المعركة الضارية بين القبيلتين .

فأصيب طلال بن هذال أصابة بالغة في رجليه

و عندما علم الشيخ / غاطي بن جبرين بإصابه ابن هذال

منعه وحماه من القتل .

ثم قاموا شمر بجبر رجل طلال الهذال على عادة أهل البادية .

وأستمرت الجبارة والمدوات أربعين ليلة كل ليله يذبحون له خروف من الغنم

حتى جبر مصابه .

وعندما تشافى ابن هذال قال هذه الأبيات :



الحمد لله يـوم ربي فرجلي
..............................من عقب مانا واقع(ن) في خطرها

في ساحة الميدان ربي عرجلي
.............................علمي بروحي واقع من ظهرها

لولآ أبن جبرين المسمى رجعلي
...............................غاطي بن جبرين ندي قهرهـا

ربعه مصاويط العجاج أفزعتلي
.........................أهل بيوت سالم(ن) مـن نحرهـا

عشرين من روس الغنم ذبحتلي
.........................شمر هل الطولات كل(ن) شكرهـا


المصدر :

ديوان فهد العجمي
الطبعه الأولى
ص [ 59 ]

.

آخر تعديل اخو رثعه يوم 19-Jun-2010 في 06:42 AM.

[ولدعساف]

بيض الله وجهك .. ونعم بالطنايا ونعم بالويلان !!

,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[المقاطي.]

لله دركم ياهل الشمال

والله ان لكم محبه بقلبي

وانتم اهل شيمه وطيب بكل الامور

[الحر2010]

المشاركة الأصلية كتبت بواسطة المقاطي.

لله دركم ياهل الشمال

والله ان لكم محبه بقلبي

وانتم اهل شيمه وطيب بكل الامور

ونعم فيك يالمقاطي وانتم اهل الكرم بدون شك

[سنجـار]

لاهنت يالغالي ..ولك اطيب التحايا .

[خيال العشوى مطرفي]

ونعم هذي فعول الطيبين الكسير مايعلى عليه الصوت
وشمر اكيد من الطيبين اهل الفعول والصفات الكريمه
بس للاسف في عضوين مايبون ينهجون نهج جدانهم وابائهم هل الطيب

تقديري

[الياسر المانح]

والنعم بشمر وعنزه . . . . . . هذه شهامة الفرسان
واليوم فقدت للاسف حتى شهامة الجيران
وما نقول الا الله المستعــــــــــــــــــــــــــــــــــــان

[وائلي]

ماهو غريب الطيب بين شمر وعنزة

وهذا خلف الاذن الشعلان يلتجي له ابن عدلان الشمري بعد ان قطع ابن رشيد يديه الثنتين يلتجي للشيخ خلف الاذن .
ويبقى معزز مكرم عند الشعلان ويقال ان خلف غندما يقلط على الطعام كان يضع جاره الشمري مبتور اليدين يضعه بجانبه على الصحن ثم يلعفه من الطعام كما يلعف طيره .
ويقال انه يوصي شقيقه شاهر الاذن في حالة غيابه ان لايترك جاره وان يقوم في نفس المهمة .

وقد قال عجلان ابن رمال من شيوخ شمر متدحاً خلف الاذن الشعلان

يـــاراكـــبٍ حــمـــرا عـــلــيــها الهتيمي***حـــطّ القــطــيــمــي فـوق ساقه وداره

حمرا تضيم الدّو مـاتــســتــضـــيـــمـــي***تــلــقــا العــتاري حــاشــيــاتٍ عــذاره

مشتاه من عــذفــا إلــى أم الصــريــمــي***ومــربــاعــهــا اللــّبــّه تــقطِّف قراره

تمشي مع الــمــركــوز وقــت الجـهـيمي***والــظــهــر حــط رعــون كــبـدٍ يساره

حمرا وكن ضــلالــهــا لــه جــريــمـــي***تــخــطّف الــثــايــه بــتــالــي نـــهــاره

ملفاك صيّاد الشــيــوخ الــعـــديـــمــــي***إن ضــيّــعــت شــقــح العــشاير حواره

اللي قصيره كـــل يـــومٍ حــــشـــيـــمــي***مايقهر الــرحــلــى إلــى جــا مــــداره

والضيف عنده في جـــنــان الــنــعــيـمي ***يلقى الكرامــه قــبـــل يــبــدي خــبــاره

وان صار بالمشتى لـــيــال الــصـريمي ***ذبّاح نـــابــيّـــة القـــرا مــن بـــكــــاره

وعوق العديم ولايــهــاب الـــغـــريــمــي***كــم فـارسٍ أهــفــاه مـــاوخـــذ ثـــاره

عيال الشيوخ مــنــوخــيــن الـخـصيمي***يازين طبعه عــقــب هــاك الســطـــاره

وقبٍ ليا جا الصبح جــالــه رهــيــمــــي***عــلـيـهن اللي يــدحـــمـــون الســمــاره

[اخو رثعه]

المشاركة الأصلية كتبت بواسطة ولدعساف

بيض الله وجهك .. ونعم بالطنايا ونعم بالويلان !!

,,

ووجهك يابن عساف ، وماعليك زود طال عمرك

لاهنت

[اخو رثعه]

المشاركة الأصلية كتبت بواسطة المقاطي.

لله دركم ياهل الشمال

والله ان لكم محبه بقلبي

وانتم اهل شيمه وطيب بكل الامور

ماعلاك زود يالمقاطي

ويشهد الله على محبتكم يالهيلا أنها في قلب كل (شمري) .

لاهنت

آخر تعديل اخو رثعه يوم 20-Jun-2010 في 08:57 AM.