اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
15-Mar-2010, 12:46 PM | رقم المشاركة : 11 | |||||
|
الدجـــــــــــــــــــيماا
هلا يابعدي .. وهذا من طيبك زلا عزيت الا من عزك يالغالي .. ــــــــــــــــــــــــــــــــــــــــــ س1/ البطاقة الشخصية ؟؟ فواز بن عايش السعيدي الهذلي . س2/ متى كانت بدايتك ؟؟ من كم سنه . س3/ متى كان أول ظهور .. ومن أول من قابلت .. ومن أول من قابلت من الشعراء الكبار ..؟؟ تقدر تقول ماجا ظهور الى الان .. واصلا انا لا ابحث عن الظهور .. اليوم الاعلام يتناول فيتامينات بالنسبه للشعراء اللي قابلتهم واااجد .. واكثرهم من خريجي شاعر المعنى .. س4/ شاعر تقتدي به .. وشاعر يعجبك في اسلوبه وتمكنه .. ؟؟ عبد الله المسعودي رحمه الله ... والشاعر اللي يعجبني :رشيد الزلامي ومحمد المسعودي وحبيب العازمي .. س5/ ابيك ترد على البيت التالي بحكم اني ارى انك تحذي حذوه : ههههههه ابشر ابشر .. انت وابو فايح توارد خواطر وجه الشبه بينك وبين السناني طرح واسلوب مايفرقك عنه غير الاسم ولا النهج نهجه ..... وجه الشبه زين واللي مامعه ذالوجه منكوب وان كان انا زي ابن متروك جاللقلب مهجه
|
|||||
|
|
15-Mar-2010, 12:57 PM | رقم المشاركة : 13 | |||
|
شبل مرجحين الموازين // مرحبا ومسهلا بالمميز فواز السعيدي الله يبقيك ولايشقيك .. 1 / في طاروقك مع الشاعر علي الشهراني (الراي السديد) لماذا لجأت الى اسلوب فرد العضلات مع ان المعنى كان سامي ويناقش قضيه حديثه ايام لعب القاف ؟ الشهراني لعبت معه اكثر من قاف اعتقد .. حدد وعطني البيت اللي تقصده وابشر بالاجابه الوافيه .. وعلمني بالمعنى وشهو . 2 / من من الاعضاء في المنتدى ترتاح للعب معه ؟ ومن تتحاشا اللعب معه ؟ انا لا اتحاشى احد نهائيا .. العب مع اللي اعرفه واللي ما اعرفه خصوصا اذا اعجبتني بيوته .. بالنسبه لشاعر ارتاح للعب معه : بدون تحديد اسماء ... الصراحة الاغلبيه شعااااار وينحسب لهم حساب شكرا ودمت بخير العفو يالغالي |
|||
|
|
15-Mar-2010, 01:14 PM | رقم المشاركة : 15 | |||
|
سرحان 511 .. مرحبا 1000 بسفير هذيل لدى الهيلا الشاعر فواز السعيدي شاعر جزل ولكن بما انه تحت دائرة الضوء فليصبر على جور الاسئله وليجب عليها بعدله ههههه ماش جور ان شاء الله ....... الله يبقيك ولايشقيك ياسنايدي 1- قلت: للشطيطي انا لو انّي عذرتـك ماعـذرك القصيـد=((بغيت اسوّي نعي واعلن عشانك حداد !!)) الا ترى ان عجز البيت ينطبق عليه قول قائل: ( ياحافر حفرة الزهلول كبرها وادر انك فيها)؟ لاحظنا في هذا البيت ان الصفه في هذا البيت لاتنطبق على المقابل فقط بل على جميع الطرفين الواصف السعيدي والموصوف الشطيطي ادري وش تقصد ... ولكن المعين لاينضب .. هذا القاف كان مع الشطيطي عندما حضر للمنتدى بعد فترة انقطاع طويله .. وانا زي اللي يقول : نحسب انك ميت واثرك حي يعني المعنى حول المنتدى وحضوره ... وانت نظرتك اتجهت الى خارج المنتدى , ورغم ذالك المعنى اللي انت تقصده لاينطبق على هذيل بتاتا .. وانت تعلم جيداا اسباب الغياب . 2- اراك دائما لاتغلق الثغرات المتباعده في ابياتك ومنها ماسبق ذكره في الفقره(1) يمكن ,, ويمكن لا .. 3تركيزك على المقالب وان كنت احتفظ على لفظ مقلب يضعف سيطرتك على المحاوره وعلى المعنى الاساس ماهو تعليقك المحاوره حتى لو كانت على معنى قبلي او اجتماعي او دعاوي ومشاكل بين قبايل .. او .. او ... الخ لااااااااااااابد ان يتخللها مقلب او اكثر .... صدقني 4-تلجأ دائماً الى الخروج عن اطار الموضوع والهبوط الاضطراري عندما يشتد الوثاق .. السبب؟ يقول محمد المسعودي : اعطيك مهله وحّده واضربك ضربه فالصميم .. فكر فالبيت ومعناه دمت بخير واعذرنا على التقصير ماحصل قصور الله يسلمك ياسنايدي .. |
|||
|
|
15-Mar-2010, 01:46 PM | رقم المشاركة : 16 | |||
|
الشاعر المبدع / عيد العازمي ...
لاهنت يالغالي وهذا من طيبك .. - افتتحت موقع خاص لك الم ترى تجربة من سبقك بهذا المجال انها ليست بالناجحه اول شي يومك داري .. ليش ماتسجل فالمنتدى ... هاذي بحق ,, وتراني مسوي دعوه لجميع الهيلا .. والاعلان موجوود في اعلى الصفحه الرئيسيه للمنتدى .. ... اساسا يابو طلال انا ماني صاحب الفكره .. الفكره حطها في راسي واحد من الاصدقاء واقنعني بها وتوكلنا على الله وسوينا المنتدى .. والله يكتب اللي فيه الخير .. والفكره ستنجح اذا سعدنا بانضمام الشعراء اللي مثلك وشرواك يابو طلال . - هل وصل فواز لمايطمح اليه من خلال تواجده الميداني! لا - السعايده اغلبهم شعار من شاعرهم الاول بنظرك؟ عطالله السعيدي - شاعر تتمنى مقابلته ؟ وشاعر تخشى مقابلته فالميدان اتمنى مقابلة حبيب العازمي .. ومستور العصيمي .. ومصلح بن عياد .. ومحمد السناني .. وانا لا اخشى شاعر ابدا بمشيئة الله . - تقييمك لنفسك قد يفيدك اكثر من نقد الاخرين لك . اين تصنف شعرك بعد ماقدمت من عطاء شاعر مبتدئ . - اقوى طاروق مقالب لك ياليت توافينا به ههههههه والله مدري يابو طلال .. هذا قاف مع ابو فلاح ... ــــــــــــــ اثـر تاثيـر القطـار يسابقـه قـبـل ايتـحـرّك والخبر جت به " سبق" مدري مع الرّجل السّبوقي !! وانـت تاثيـره علـى الحـرّه تعرفـه مايـغـرّك قبل مـا مـرّ الدّيـر جنـدل " 3000" روقـي !! علي فلاح أنت لو قلت الحقيقه , قلت لك ( لله درّك ) مار حنّا ما نصدّق غير رجّـالٍ صدوقـي ما يمرّ ديارنا راس القطار اللـي يمـرّك و لا يجنّب عنك سوّاق القطار اللي يسوقي فواز السعيدي والله انّـي ماتعسلـج نيّـتـي يالـلّـي تـفـرّك حسبي الله فوق من خـلاّ عصاكـم للشّقوقـي !! الجهـل منّـا يجـرّك والطّمـع مـنّـا يـجـرّك واصبح القانون : " ياذرعان من دون الحلوقي " !! علي فلااح لو تعرف الحاجه اللي تنفعك و اللي تضرّك ما تلاسن باللسان اللي يلاطخ فالشدوقـي انت يا فوّاز في ريع النـدم دايـم مقـرّك بين خلق الله تنومس بالعباه أمّ الفتوقـي فواز السعيدي البلا فام الخلا اللـي كـل ماجاتـك تعـرّك البيوت الها معاني والمعاني فالطّروقـي !! كل روقي من هل الحرّه رسم حـدٍّ مشـرّك ناس ترسم بالخيام وناس ترسم بالزّنوقي !! علي فلااح و الله إنّي داري إنّ اكثر علومي ما تسرّك خلّ كبدك تحترق و القلب من قبل امحروقي انت وش دخّلك فينا عوّد لبحـرك و بـرّك لا تسمّع للرعـود و لا تعايـن فالبروقـي فواز السعيدي ياجملـنـا يامثـنّـا يامـعـقّـل يـامـبـرّك حوق من هرج السّعه ياصامل الزّندين حوقي !! الطمع دفّ الجهـل يمّـك وزاد الشـرّ شـرّك منت سارق لك قطار ارجوك هوّن يالسروقي !! علي فلااح فـرك خشمـك فالمواقـف ,,, فيـه أنـا الـرجـل الـمـدرّك بعـد ربّـي حـطّ لــك خـشـمٍ مـثـل خـشـم السلـوقـي يالسعيدي من عتيبه في ديرها زاد حرّك روح يالفحّام و ابتاع الفحم في كلّ سوقي فواز السعيدي ليت لك موجه يابن ثعلـي نوجّهـك ونفـرّك لين تاصف خشمك اللي دامره كثر النّشوقي !! ديرتي دار الحـرم ياللـي بغيـر الله تبـرّك يالرّجال اللّي تبيعون الحلـوب ام الغبوقـي !! علي فلااااح يالسعيدي قبل ما اشيلك على الصدّام ( حرّك ) يوم تضحك شاربك منتوف ما هوب محلوقي أنــت مـثــل الـمـوتـر الـلــي باشتـراكـاتـه مـشــرّك لـوّ تعـصـى ابــوك و امّــك مــا نـقـول انّــه عقـوقـي - دام عزك ويشرفنا تواجدك معنا شاعرا وضيفاً واخا واسف على الاطــــــــــــــــــاله الله يعزك ويغليك وانا سعيد بتواجدي هنا مع اخواني |
|||
|
|
15-Mar-2010, 02:21 PM | رقم المشاركة : 18 | |||
|
مرحباً ومسهلاً بضيف هذا اللقاء وشاعر الادب والحكمة / فواز السعيدي والشكر لك ياوحي العقل على هذا الاختيار الموفق.
سؤالي للشاعر فواز: هل تعتقد ان شعراء الانترنت العمالقة المتواجدون في بعض المنتديات قد تختلف وتضعف شاعريتهم في الميدان؟ ام ان المستوى ثابت سواء في الانترنت او الميدان؟ |
|||
|
|
15-Mar-2010, 04:48 PM | رقم المشاركة : 19 | |||||
|
يا سلام سلم فواز على الكرسي مرحبا مليار والاسئله فالطريق
|
|||||
|
|
16-Mar-2010, 06:31 AM | رقم المشاركة : 20 | |||||
|
شكرا لك ياوحي العقل
وفواز السعيدي من خيرة أعضاء المنتدى شاعر مميز بشعره واخلاقه نتمنى له التوفيق فقط تسجيل حضور تحياتي للجميع
|
|||||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|