نايف صقر ( .. غوايات .. طروق .. فحل ))

[وحي العقل]

/
/
/
/
الصقر نايف صقر .. لبضع دقايق فقط أتى على شاطي الراحه .
وقال عليه مالم يقال منذ ثلاث سنوات .. فلله دره من شاعرٍ عظيم

كان الشعر في إنتظارك من زمان ومن قديـم الأزل=يسايـر النـاس والجـلاس ويجامـل مقاماتهـا
سلام ياللي توسع كل بـال وكـل صـدر محفـل=وتسر الاعيان يالضيف الشرف وتجمـل أوقاتهـا
مليون شاعر علشانك ويفـداك النقـض والفتـل=وتـدوم للقافيـه ترعـى بيارقهـا وساحاتـهـا
وانـا تـرانـي ياابو خالد غـوايـات وطــروب وفـحـل=وتوحي لي الشارده والـوارده عـن كـل نياتهـا
اسبح مثل حـوت وسط البحر وابـري القـوس وارعى الحمـل=حتى يجي كبش ويقول الحسن ف خـدور رباتهـا
وقفني الوقت وأبكاني زماني في مشـارف طلـل=وابشرك عيني إعتـادت علـى حبسـي لعبراتهـا
واعرف اهرول مع السكة واعـرف اجمـح واعـرف اهـذل=واطير فردٍ لحالي .. لا أخلت الاسـراب وكناتهـا
وأحتاج لي سحر فـي وصفـك وشرحك وضـرب الرمـل=وأحتاج الارقام وحدود الوهـم وأحتـاج لوثاتهـا
جلالة الأبجديـه عاجـزٍ سلطانهـا وانـت أجـل=مـن كـل الأذكـار والافكـار يامتيّـم بنيّاتـهـا
وإنكان زايـد تكـرر فيـك زايـد لايـزال ويظـل=وحيد الأزمان لوعـادت علـى العربـان كرّاتهـا
من فآخر الجود غيره وأفحمه معه الصخا والبـذل=وأنساه ( ماكان بالإمكان ) وانسى ( كان أخواتها )
يالماجد الألمعي مدحـك يبيلـه ملحمـات وحيـل=وخشية من المؤمنين الصابرين ومـن فراساتهـا
عزيت شآن الشعر وأنزلك شآنه في أعـز النـزل=وساربك في كل الارض وخلّد إسمك في مفازاتهـا
تستاهل الصعب منّه والعوالـي يالجنـاب السهـل=ياللحيـة الغانمـه ياخشمهـا الشـمّ وشنباتهـا
انت العرب مودعتك فروعها وجموعها كل أصـل=وديوانهـا وأمنّتـك الخيـل أعنتّهـا وصهواتهـا
ولا يعوّل على اللي في حياتـه ماعليهـا معـول=ولايلم الجمـوع مـن الجهـات مفـرّق أشتاتهـا
تجوهرت روح ابوخالد وهي بين الرجـا والامـل=حتى بنيّ ياس تبني مجدهـا فـي سبـع أماراتهـا
غيثٍ يسح الذهب والـدرّ سحّـه للبـرد والنفـل=ويجـدد الأرض ورجـال الكـرم يرفـد مرواتهـا
نصفه شعر وأمنيات وضعف نصفه مكرمات ونبل=وروحه وطن كل شكوى وإستغاثه مـن رحاباتهـا
كأن ربي نـزع منـه التعـب لايشتكـي والملـل=وأعطـاه روحٍ تجـلاّ فـي عناهـا وف كلافاتهـا
يبلسم آلام ويسـد اللـزوم وكـل نقـص وخلـل=ولايعتذر عند حاجه فـي رخـا الدنيـا وشدّاتهـا
قبله نحسب التعالي والتجهّم من سمـات البطـل=وعقبه عرفنا الكرام مـن التواضـع وإبتساماتهـا
قد حملّه زايـد إحلامـه وهمّـه والأمانـي طفـل=والحلم سلاّه عن طيش الشباب وعـن حماقاتهـا
سفينتك ياخليفه للموانـي ماأبحـرت ف الضحـل=من رفعت إشراعها ياشراعها وأعمـاق مرساتهـا
سفينتك راسيه في كل مـوج وكـل خطـبٍ جلـل=وتواجه الريـح والأحـداث وتكاسـر حساباتهـا
تقودها جنبك محمد عضيـد وفـال خيـر وجبـل=في جيوشها طاعة أمرك طال عمرك وف مطاراتها
ويعانق السرب ويقـود الكتايـب ويتقـدم رتـل=ويشارك الجنـد دايـم فـي خنادقهـا وثكناتهـا
رجّال دوله ودوله من رجال تجسّـدت فـي رجـل=في دولةٍ فـي خليفـه وحـدّت بالريـح راياتهـا
تلقاه في كل ميتم وإحتفـال وكـل ورشـة عمـل=ويحب يرفـع مـن أقـدار الرجـال ومعنوياتهـا
واحة كفوفه وأصابع راحتينه فـي يدينـه نخـل=ويمدّهـا للجميـع وتحتهـا مـن كـل تمراتهـا
صافي كأنه نبع يجري على شعبـه وكنّـه عسـل=يجري على الناس دايم في ضماها وف مراراتهـا
له همةٍ لو تدب ف كل حدب وكـل عجـز وشلـل=تعـزز الـروح ليـن تقـوم وتحـيّ شجاعاتهـا
زاد النظر بعد وآفاق وجعل جـلّ إهتمامـه لأجـل=مستقبـل أجيـال ربـي ماخلـق لليـوم جدّاتهـا
من رحمته يتقي من رحمته يآطـا بيـوت النمـل=ويعطف على الظبيه اللي تستجيره فـي فلواتهـا
لولاه قاسي من الرحمـه فـؤاده ذاب حتـى ذبـل=ولولاه باسـم علـى الشـدات مابـدد جهاماتهـا
وجه الهدى والهدايا والبشاير له وهـدي السبـل=ومايسبق العاصفه ومن الحـرار الشقـر هدّاتهـا
لوغاب يخشى العزيز إنه يهون مع الزمان ويـذل=وأرقاب الاجواد ماتعتـق ولاتصلـح خصوماتهـا
عليه ماتعرض الدنيـا ولايعـرض عليـه الفشـل=ورجال الاعمال ماتومي علـى راسـه سفاراتهـا
ومن الهوى والمحبـه ماتجنّـى وإستبـد وقتـل=ولايذبـح العاشقيـن الصادقيـن ألا صباباتـهـا
يابوظبي لك تحت قلبه غزال ولك عريـن ووعـل=يرعـاك دايـم مـع عينـه معاودهـا ولفتاتهـا
هذا والاقمـار تكمـل ف الليالـي والاهلّـه تهـل=وأعمارها في مصابيـح الظـلام وفـي محاقاتهـا

[مرزوق حمدان العتيبي]

..
.
احسنت يا وحي العقل على حسن انتقاءكـ
وصح لسان الصقر .. نايف . فهو رمز من رموز قبيلتنا العزيزه
ومبدعيها ...

الف شكر ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مرزوق الجعيد]

قصيده

انجرف فيها نايف صقر حتى كاد ان يقلد ابن الذيب

وفيها ابيات تجاوزت الخطوط الحمراء



بكل صراحه

بالغ في المدح بشكل غير طبيعي

وأحتاج لي سحر في وصفك وشرحك وضـرب الرمـل

وأحتـاج الارقـام وحـدود الوهـم وأحتـاج لوثاتهـا

يالماجـد الألمعـي مدحـك يبيلـه ملحمـات وحـيـل

وخشية مـن المؤمنيـن الصابريـن ومـن فراساتهـا

[وحي العقل]

وألف شكر يامرزوق لك

[أبو مرحبا]

قصيده رائعه

صح السان الشاعر الكبير نايف صقر


لاهنت على النقل الموفق

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[رمح برقاا]

صح لسان ابو صقر بطل والله وشاعر جزل

[وحي العقل]

/
/

كنت هنا ,,, عائد لاشكركم على ردودكم ,,,
واستمتع بالشعر الحقيقي مرة اخرى

[فواز الدهاس]

- أبدأ بذكر الله العظيم ، ثم أثني على كلامك يا وحي العقل ،

فنائف صقر هو صقر الإبداع .

[ابراهيم الزراقي]

الله اكبر يابو صقر

يحيا الشعر ويحيا الابداع

قصيده فيها من الشعر الشي الكثير

ابداع منقطع النظير

استمتعت بسماعها والآن بقرائتها




.......وحي العقل اشكرك على النقل الموفق

[خالد الرويسي]

كلام يجمد ع الشارب