بعد طول غياب عن الموقع هذي قصيده

[فلاح الهاجري]

	بسم الله الرحمن الرحيم يقول من بدعه على غيره اصعيـب راهـي ونهجـه مايغيـر مـسـاره شـرد معانيـه ماتحتـاج تعـريـب امعـربـه ماعربتـهـا الأثـــاره صمخ البيوت اللي مافي بدعها عيب تطلق السان اللـي براسـه نعـاره فـرايـد مافنـدوهـا اللـواعـيـب اللـي شرايدهـم علـى غيـر أداره شعـار تلفـاز وطبايـع رعابـيـب تحـت شعـار ان التقـدم حضـاره وانا ماني ضـد الحضـاره ولانيـب راضي على وضـع الرقيـب ورداره الشعر أدب والبدع معنـى وترتيـب واللـي يجيـده ماينقـص وقــاره اما يخلـد بأسـم راعيـه فالطيـب والا بـلاش امـن اللغـى والعيـاره ماهـو بمقيـاس لعكـف الأشانيـب اللـي مراجلهـم تـذب الـصـداره لكن واهـس والطـواري غياهيـب يسج معهـا اللـي بصـدره حـراره كثرة أعلـوم اقريبيـن المحاضيـب وكل بدع لـه سالفـه مـن مـداره أحد يقول ان قولنـا مالـه امصيـب واحـد يقـول انـه كسرنـا بغـاره وأحد نسب ساسه وهو ساسه ايعيب وأحد يقول ان فعلنـا حكـي حـاره وحنـا ماننظـر للحكـي والأكاذيـب نشـوم مـن كلمـة ردي العـبـاره لولا الحـدب ومعكفـات المشاعيـب يمدي كلتنا السـن كـلاب المغـاره قـوم خلقنـا للمسـيـر معـازيـب وعوق الحوار اللي تهيـزع فقـاره كرمان مانخلـف اسلـوم المواجيـب ولانحسب احسـاب ربـح وخسـاره وظفرين لامن غثربـن المشاريـب واليـا تقدمـنـا مافيـنـا بــواره خزنة ظفر ماحـن بخزنـة دواليـب من قو مافي روسنـا مـن سطـاره مقدامنـا شافـي حصـان الأطاليـب شيـخ براسـه حلـم رأي وقشـاره لاشب ضوه فـوق روس المراقيـب ربط عـدوه ماغـلا مـن أقشـاره لاقـاد جمـع محمـد والمخاضيـب وشريـف والنبـاب جتنـا أخبـاره ميرادنا يشبع بـه الطيـر والذيـب وسو على اللي فـي فـؤاده نمـاره كم شيـخ قـوم حولتـه المعاطيـب بكفـوف عيـال تـزيـد الـمـراره وكم من عقيد طاح واخلى المراكيـب وعليـه يبكـن البـنـي بـغـزاره مانلتفـت للـي ليـا قـام ماهـيـب الا على اللي فـوق راسـه الامـاره خـلان أشـده مروييـن المحاديـب مانتقـي لاصـار للعـلـم شــاره اليـا تعزوينـا بحـرش العراقيـب سود عليهـا اوسـوم ربـع نـداره نرعـى بهـا قفـر لنبتـه نبانيـب عشبه من الوسمي يشعشع خضـاره هواجـر والسـاس ماعنـه تجنيـب من روس قحطان ومـن قعـر داره ادروعنا اللي ضربهم صعب واتعيـب وحنا محازمهـم علـى اول شـراره حامين نجد امطوعيـن الاصاعيـب وكسيرهم يبطـي ماتجبـر اجبـاره مركاضهم منه البزر يلحقـه شيـب وتاريخهم مجـد مايحجـب استـاره للطيب ساس وللحرايـب مشاهيـب وكـل قحطانـي للوفـا شـب نـاره علـى مدايحهـم تزيـد المكاسيـب وأشوش من بيت مايخدش أجـداره قحطان لا اهتزت اسروج المهاذيـب اهتـز نجـد والعـراق وجــواره افعالنـا مانبتدعهـا مـن الجـيـب يشهد لنـا التاريـخ بـأول قـراره ندرى الخوي من بد كل الاصاحيـب ولانحـسـه فالحـكـي والـنـزاره ولجارنا احلى من لبن شمـخ النيـب ندمـح أكبـاره وأنتحمـل اصغـاره الهاجري لا منـه خـاوا الاجانيـب تلقى ضويـه فـوق راس الزبـاره عجل على المخبـا ولايعلـم الغيـب ونفسه على كسب المعالـي امجـاره من غير قاصر في فالأصول المجاذيب الطيـب ولعـه والمراجـل مـنـاره وفي فعلنـا مافيـه شـك ولا ريـب وقـول بليـا فعـل عـده خسـاره مافالحكيـا فـود ياهـل المكاتـيـب الشرح واضـح والحقيقـه شعـاره اليا بغيت الطيـب يامـدور الطيـب رافق بنـي هاجـر وتلقـى شنـاره

[عبدالرحمن الهيلوم]

كفوووووووووو يالذيب

صح السانك
ومنور المنتدي

[فدا لعتيبه]

صح لسانك


المنتدى نور



دمـــــــت بخيــــــــــر

[ابوزعبه]

ونعم والله بقحطان وكفو

[ممدوح العقرب]

صح لسانك يالغالي ...


مبدع .. ما شاء الله عليك