محاورة نارية حصلت عليها في احد المنتديات
بين شاعر متمكن من شعراء واعضاء من منتدى الهيلا وهو
الشاعر / سعود العصيمي
وشاعر اخر لايدري هل من اعضاء منتدى الهيلا ام لا
ولكن اعجبتني هذه المحاورة وحبيت انقلها لكم.
سعود العصيمي=
ياللي تدور على العتبان الك كم يـوم=تعال عطنا علومـك ياجهنـي كلهـا
ان كان الك عندنا دعوى وعلم والزوم=فل القضيـه علينـا وابشـر بحلهـا
ناصرالجهني =
حاضر في وقت اللزم ما أغيب و قلبي عزوم=و إليـا عقـدت الحبـال أجيـك و أحلهـا
القافلـه روّحـت و العافيـه مـا تــدوم=و الشجـرة المايلـه مـا ظلّلـك ظلـهـا
سعود العصيمي=
الليل لاتجمع الدعوى فرنجي وروم=صل الصلوات ياناصر على حلهـا
القافله مالحقها في زمنها سمـوم=وام الكبائر كفانا الله مـن غلهـا
ناصرالجهني =
ما أتبع حضارات تبعدنا عن أهل السلوم=أودي فروضي الخمسـه و لا أختلهـا
من طاح فالحفرة البقعه ما أظنه يقـوم=و أم الكبائر تعـرف اللـي محصلّهـا
سعود العصيمي=
السلم مصيون مار العلم حرب النجوم=وش معك ضده من العـده يقابلهـا
لو العوافي ياناصر للابنـادم تـدوم=اتحصل الناس مرتاحة تحـت ظلهـا
ناصرالجهني =
لا صنت سلمك حذارى فالبحر لا تعوم=خصومنا فالمواجه دوم يرثـى لهـا
ما فات في دربكم يا سعود زاد الهموم=و لا ألوم روحك من اللي دايم يعلهـا
سعود العصيمي=
انتم خصوم ليا جوكم عتابه رخـوم=راجع سجلك ولد العين وافطن إلهّـا
مافات والآن سم(ن) الّك دفاع وهجوم=ريّح ضميرك من العتبان واحسنلهـا
ناصرالجهني =
عز الله إنّ خصوم و كل أبونا قـروم=لو كان صفت عتيبـه ضدنـا كلهـا
ترى وداع الخصم ما هو سوات القدوم=و ما في ضميري يظل و فزعتك خلّها
سعود العصيمي=
اصغر عتيبي يسري له ثلاثين قوم=من فزعتك ياوسيع العرف ويذلّها
الله يسترك ياناصر بزين الهـدوم=وعلومك الفاضيه ماني بفاظلهـا
ناصرالجهني =
بدري عليكم ليا صارت بوعد و ختوم=ليسري صغيركم و دموعـه يهلهـا
يثبت تاريخ العرب أفعالكم بالرقـوم=و دروب جدك ليا إنك جيتها تدلهـا
سعود العصيمي=
اخلفت وزنك وهي ماجت لفرك الخشوم=الله يامقشـرك راعـه وش أعملـهـا
مايجتمع فالليالي حـر أشقـر وبـوم=والهينـه فـي حياتـي مـا تنازلهـا
ناصرالجهني =
راسي رواس الجبال مناطحات الغيوم=و يا ضعيّف الحيل حذرى لا تخايلها
يا سعود لا تغرك عتيبه بذيك العلوم=القدس لو جيتها ما أنـت بمحتلهـا
14-Apr-2009, 01:18 PM
محاورة قوية
العرض العادي
