من اللي أكل المقلب الشعري الزلامي وإلا ابن شايق ! .. أتحدى جميع الأعضاء

[نادر العش]

السلام عليكم ورحمة الله وبركاته

مساءكم عاطر و سماءكم ماطر



هذه محاورة بين الشاعرين رشيد الزلامي وعبد الله بن شايق القحطاني .. قبل سنتين تقريبا ً في المنطقة الشرقية .. وفي مناسبة زواج للقحاطين .. وكان الموجود من الشعراء " رشيد الزلامي وملفي المورقي = فلاح القرقاح وابن شايق " ..

كانت ليلة جميلة وابدع فيها الشعراء جميعا ً وليس غريب على جميع الأربعة .. وقد أخذت المحاورة طابع التحدي نوعا ًما لأن الشعراء من قبيلتين وكلهم فحول شعر ! ..

ولكن هناك بيت يوجد فيه " خبث شعري " أو بمعنى آخر " لغم " أو بمعنى آخر " مطب صناعي " ـ خطير جدا ً ـ في إحدى محاورات تلك الليلة .. ولم انسى ذلك البيت الذي يحتوي "الخبث الشعري" من ذلك الحين إلى الآن ..

س: هل تعلمون لماذا لم انساه ؟
جـ: لأنه من شاعر كبير لشاعر كبير ..



ولكي لا أطيل عليكم فــ " اللغم " في هذه الردية بين الشاعرين / رشيد الزلامي و عبد الله بن شايق .



ولأنه لغم عجيب في تركيبه ومعناه و جمال تمويهه .. فأنا لن أكشفه لكم !

وأريد منكم الإجتهاد في إكتشافه



فأينكم يامعشر المحللون والمفسرون من قبيلة قحطان وقبيلة عتيبة !

كل واحد منكم يدور في ابيات شاعر قبيلته




هذي هي المحاورة :





رشيد :

سلام تسليم في حفلة عزيز الجناب=من لابة ٍ نقطع الفرجة على شانها
أنا ليا شفت برق ٍ في عروض السحاب=أقول جعله على قحطان وأوطانها

ابن شايق:

يامرحبا بالنيابة عن وديع الركاب=إدخل بيوت العرب مع كل بيبانها
تدعي وانا ادعي عسى بعض الدعى يستجاب=جعله يخيّل على الحرة وعتبانها

رشيد:

ماني بغلطان فيكم ياوجيه الذياب=شجرة وفاء لو تطول وتكثر اغصانها
ماني بداعي عليكم جعلكم للذهاب=أبلشتوا الناس صاحيها وقشرانها

ابن شايق:

أنا أحسب انك مشيّب واثر توّك شباب=لكن معيي على الخوخة ورمانها
أنا أحسب إنك غدير السيل وأثرك سراب=تسرق عشى أم اليتاما بين ورعانها

رشيد:

تراي ما احطها بين الذرا والزهاب=أبعد هدف بندقي وأرفع بنيشانها
يوم إني أعرفك قلبك مثل قلب الغراب=واليوم عودت حية يلمظ لسانها

ابن شايق:

أنت متغيب وليتك باقي في الغياب=ماتنشد الناس صاحيها ومجنونها
دم العرب حار والدنيا مرض والتهاب=واللي يشوف الجنايز يحضر اكفانها

رشيد:

ذيك السنة قلت ابن شايق تربى وتاب=وأثره يحوف العرب ويشيل قدحانها
الله يسلط على الخياط راع الثياب=ما وسّع اكمامها ماعرض ابدانها

ابن شايق:

انا ليا تبت لله ما ابغي إلا الثواب=وإلا أنت صابر على نارك ودخانها
الله يعذبك يا ثوب الكبك بالعذاب=ياليت ذاك الملون غير الوانها

رشيد:

دنياك فيها الخطا دنياك فيها الصواب=والباخرة في البحر معروف ربانها
لكن وش رايكم نحرف مسير الركاب=ننحر جبال السراة نشوف عربانها

ابن شايق:

صحيح كلّش يصير وحاسب ٍ له حساب=وبعض البواخر ورا الغبة وحيتانها
النجم حول السما وإلا أنت حول التراب=والمورقي قايلٍ لي عانها عانها

( إنتهى ..





في انتظار ردودكم لإكتشاف اللغم !


إن شاء الله تحصلون الذاهبة .. وكل ٌ منكم يجد ضالته







.

آخر تعديل نادر العش يوم 13-Jul-2007 في 11:20 PM.

[طلال الثبيتي]

تسجيل حضور يامبدع ..

ولي عوده ..

[راع الحميّا]

الزلامي

ذيك السنة قلت ابن شايق تربى وتاب=وأثره يحوف العرب ويشيل قدحانها
الله يسلط على الخياط راع الثيـاب=ما وسّع اكمامها ماعـرض ابدانهـا

ابن شايق

انا ليا تبت لله ما ابغي إلا الثـواب=وإلا أنت صابر على نارك ودخانها

اعتقد حسب علمي المتواضع ان الابيات اعلاه
هي اللي نزلت شوي وصار فيها محارش
الا ان البيت الثاني للزلامي لم يجد الرد الوافي من ابن شايق
اما الاول فاعترف فيه ابن شايق بمهنته واقر على الزلامي بانه خشير له لكنه لم يتب بعد

[نادر العش]

..


شاكر لك ياطلال مرورك ..





..


اخوي راع الحميا


كل واحد يبي يرد يختار البيت اللي فيه اللغم ويفسره تفسير واضح ويبين اللغم للجميع الأعضاء ..



أما بالنسبة للمعاني فكل بيت من ابياتهم يحمل اتهام وهجوم على الشاعر المقابل ..





أتمنى أن تكون الردود تحديدية على اللغم وتوضيحه وتحليله ..




أشكرك جزيل الشكر اخوي / راعي الحميا .





.

[مخاوي العتبان]

هلا والله بنادر العش

مواضيعك كلها مميزه كما انت متميز

دمت لنا طال عمرك

واعتقد ان البيت الملغم هو من الزلامي

ماني بداعي عليكم جعلكـم للذهـاب .... أبلشتوا الناس صاحيهـا وقشرانهـا

[فتى وادي الرشا]

اشكرك يانادر العش على مواضيعك المميزه وبيض الله وجهك

تحيتي لك

[ذيب الجهني]

رشيد :



سلام تسليم في حفلة عزيـز الجنـاب


من لابة نقطع الفرجةعلـى شانهـا


من وجهت نظري في اول بيت بدى الزلامي ألاغام . سوف أوضح الغم

بلون الاحمر لقوته . هل عرفتو معنى الفرجة الملغمه




ابن شايق:



يامرحبـا بالنيابـة عـن وديـع الـركـاب

. . . . .إدخـل بيـوت العـرب مـع كـل بيبانهـا


لم يحسن ابن شايق الرد أبن شايق مع أحترامي الكبير له





رشيد:



ماني بغلطان فيكم ياوجيـه الذيـاب

. . . . .شجرة وفاء لو تطول وتكثر اغصانها



الدليل رد الزلامي له حينما قال . ماني بغلطان فيكم ياوجيه الذياب .

وتحويله الرائع لشجرة وفاء لو تطول وتكثر أغصانها . وهاذى تنبيه لبيته

الاول وتوضيح قصده . هل عرفتو ماهي شجرة وفاء . هي تخص صاحبت الفرجه . ويستمرون بالخذ والرد


أكتفي بهاذى والبقيه لأعضاء الكرام

والله أعلم

[ابو فايح]

موضوع رائع جدا نريد الاكثار من مثل هذه المواضيع لان الفائده منها كبيره جدا اما ن ناحية اللغم الموجود في الابيات الحقيقه اغلبنا ليسوا شعراء وليس من السهوله فهم مايدور بين هؤلاء الفطاحله ولكن بما انك اردت التحدي فسوف اتوقع لعلني اكون مصيبا فمن وجهة نظري ان اللغم مجود في هذا البيت:

لكن وش رايكم نحرف مسير الركاب^^ننحر جبال السراة نشوف عربانهـا

فكلمة عربانها اعتقد انها لغم والمعنى في بطن الشاعرولي عوده للموضوع ان شاء الله.

التوقيع

عالم تويتر abofayeh@

آخر تعديل ابو فايح يوم 14-Jul-2007 في 03:23 AM.

[نادر العش]

.



لن أحكم على أي رد هل هو صحيح أم خاطئ .. حتى أرى مشاركات الأعضاء الآخرين .. !


لأنني لو قلت أن ردودكم غير صحيحة فالجميع سيذهب لأبيات غيرها وينحصر اللغم في ابيات معينة ..





شاكر للجميع التفاعل ..




.

[لماح]

أولا أشكر الاخ نادر العش على الموضوع الجميل ..

وأتمنى أن يكثر من هذه المواضيع التي تحمس الأعضاء و تجعلهم يتفاعلون فيما بينهم ..


أما من ناحية اللغم أو المعنى المدفون فالحقيقة المحاورة تعج بالمعاني الكثيرة ..

وأتوقع أن المعنى موجود في هذين البيتين واسمح لي اخوي نادر فلم أستطع أن افسرها ..

ولكن أتوقع أن المعنى يميل للنزول قليلا ..

وهي :

ماني بغلطان فيكم ياوجيـه الذيـاب = شجرة وفاء لو تطول وتكثر اغصانها
ماني بداعي عليكم جعلكـم للذهـاب = أبلشتوا الناس صاحيهـا وقشرانهـا

وعندي ملاحظة على بيت رشيد اللي يقول فيه :

ماني بداعي عليكم جعلكم للذهاب = أبلشتوا الناس صاحيها وقشرانها

كيف يقول رشيد : (ماني بداعي عليكم ) !!

ثم مباشرة يتبعها بدعاء عليهم في قوله : ( جعلكم للذهاب ) ؟؟؟!!!



يعني يقول ما راح ادعي عليكم ثم يدعي عليهم مباشرة في نفس البيت وفي نفس الشطر !!!!


هنا تناقض قوي ورهيب من الشاعر رشيد الزلامي ؟؟!! وأنتظر تفسيره منك أخوي نادر ..


فإما يكون ذكاء من رشيد أي أنه ( مطب صناعي )

او أنه غفل عنها ..


وهناك ملاحظة أخرى على القافية .. وذلك في بيت ابن شايق :

متغيب وليتك باقي فـي الغيـاب = ماتنشد الناس صاحيهـا ومجنونهـا

لاحظوا كلمة (مجنونها) .. القافية كلها على ( انها ) إلا هذي الكلمة !!!

فهي على ( ونها ) فهل غفل ابن شايق عن ذلك ؟؟؟؟

أو أنه يجوز الإتيان بها ؟؟


أنتظرك أخي نادر ..


ومرة أخرى أشكرك على الموضوع ..

آخر تعديل لماح يوم 14-Jul-2007 في 10:04 PM.