سلطان الجذع والاختبار الصعب أمام المورقي والسناني !!!!

[وحي العقل]

/
/



في امسية من اماسي الصيف الجميلة التي جمعت الموهوب سلطان الجذع
مع العملاقين ,,, ملفي المورقي ومحمد السناني .... عثرنا على هذا الطاروق
في اروقة الشبكة العنكبوتيه ,,,

سلطان الجذع

مرحبا ترحيبةٍ تقضي الوجوب اللي عليه = قبلها علم الرجال اللي يغطي ما بعدها
يالسناني قبل احط الوسم في خد المطية = ماعليك الا ياابو تركي تفك عقال يدها

محمد السناني

البقا ياراعي الترحيب والهقوة قويه = والوجوب اللي على الرجال مايحصى عددها
تدري ان الضيف ماله فالامور الداخليه = ان وسمتوا حقكم ,,, وان كان راحت مافقدها

سلطان الجذع

الخيال اللي سرى نوه على نجد العذيه = بعد بكرة تتعلم به جهينه في بلدها
نعتبرك من اطيب الرعيان راعين الرعيه = مير لاتطوي البيوت اللي نبا نرفع عمدها

محمد السناني

الخيال اللي سرى في نجد رحمه عالمية = ياحليل المزنه اللي وبلها يسبق رعدها
الرعيه ضفها ملفي وقدمها هديه = مادريت ان الخلوج تحن وتدور ولدها

سلطان الجذع

خل عندك ياوسيع المعرفه للخير نيّه = انت عينك مغتشيها دمعها والا رمدها
ابو وافي يعطي الجزلة ويستاهل خويه = بارك الله في عدودٍ ماتخيّب من وردها

محمد السناني

لايصيبك شك والذمة من الذمة بريه = واعرف ان اللي يدور له على حاجة وجدها
اطلب الرجال تصبح من عفيف اليا الحويه = الرجل عنده صلاحيات غيره يفتقدها

سلطان الجذع

لاتقول الحسنة اللي في عيون العقل سيه = الحبال معقدة لكن مدري من عقدها
قبل لااطلب صامل الوقفات ماقصرت يديه = السباع الضاريه من عصر تركض لك جهدها

محمد السناني

انت لاتخطي ولاتقبل من العالم خطية = والشهادة تنقذ المسلم اليا منه شهدها

بعد ذلك قام المورقي مخاطباً السناني /
الحمد لله بنينا دايم على الساس العزاز = مانلتفت لاهل السوالف والعقول الحايرة
السناني :
انا ادري انك رجل تشعر بالفخر والا عتزاز = مير الزمن دوار وظروف الليالي دايره

تلى هذا الطاروق مجموعه من الطورايق بين شاعرنا وهذين العملين ,,,
اتمنى ان اراها في هذا المنتدى او في غيره ,,, لأتي بها




منقول بتصرف





أخوكم : وحي العقل

[عمر الدغيلبي]

الله يبيض وجهك يا وحي العقل

عز الله أنك جبت لنا صيد ثمين من الشبكه العنكبوتيه

والشاعر سلطان الجذع مبدع

وقادر على مواجهة العمالقه بجداره

ونتمنى أن نراه دائما ً في الساحة الإعلاميه

ونرجوا من مشرفين القسم تثبيت هذا الموضوع

تكريما ً للأسطوره

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[محمد بن غازي]

الأسطوره أسطوره على أسمه .... سلمت ياوحي العقل ...

[صاهود]

سلطان ماتخيب الهقاوي فيه شاعر

يكفي اني معجب في شاعريته هههههههههههههههه

للامام ياسلطان ان فكك اللة من خبث المكاتب راح يصير لك شان كبير

[سـعـد الـعـصـيـمـي]

اولا .. بيض الله وجهك على حسن الأختيار

.

.

سلطان الجذع شاعر متمكن بمعنى الكلمه

وكل من يعرفه يحرص على متابعته

الله يوفقه ويزيده نجاح

[فايز بن سرحان الثبيتي]

وحي العقل \سلطان الجذع




تواجد متميز على كل المستويات


تحيتي للابداع

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[مرزوق حمدان العتيبي]

.
.

ابداع غير مستغرب من الاسطوره

..

لاهنت ياوحي العقل ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[قادح شرار]

تألُق الأسطوره شئ معهود ...

ونتمنى له التوفيق ..

[محمد ابن رووق]

الحمد لله بنينا دايم على الساس العزاز

[بندر المرشدي]

سلطان يمتلك جميع ادوات الشعر


إذا نزل للميدان تألقه مضمون

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه