تركي ولد نايف بعيد المناطيس = ماكر حرارً لدّبايل غذاها
اللي ليا رد البرى للأراويس = هل الشعار اللي طويلاً سناها
الشاعر الكبير والفارس مسعود بن شبلان (رحمه الله
الأمير/ تركـي بن نايف بن مـارق الضـيـــط ،،،،،، (رحمه الله)
هو تركي بن نايف بن مارق بن صنيتان بن شالح الضيط احد رجالات قبيلة عتيبه اللذين عرف عنهم التقوى والورع كان رحمه الله قائما بشئؤن قبيلته لايالوا جهدا في خدمتها وقضاء شئؤن افرادها تجدهم في مجلسه ومن حوله يستنيرون برائه فقد اشتهر بحصافة الرائ والرؤيا لايفتا يسدي النصيحه وياخذ المشوره يتوجه به حيث يقصده القاصي والداني ويقضي جل وقته في المساواه بين المتخاصمين ويساعد المحتاجين.
كان رحمة الله عليه مضيافا لايكاد ينفك مجلسه من الضيوف يستقبلهم بالترحاب ويودعهم بمثله.
شيخ من نسل اهل عمهوج ورث الأماره عن أبيه وعن جده الأمير مارق الضيط أستلم مشيخة القبيله بعد وفاة والده الأمير نايف وأستلم هجرة الجمانيه وكان أميراً لقبائل المزاحمه وأميراً للجمانيه في حوالي عام 1396 ه.
قيلت فيه الاشعار والتي كانت توثيق الباديه آن ذاك وقيلت فيه المدائح ولوكانت قليلة في من مثله .
قال فيه الشاعر المؤقر شباب بن فايح العضياني عندما حصل خلاف بين الأمير تركي وأحد الأشخاص
ياصغير كيف بالله عاندت الأمير = بالأمور الي صعيبات ما أنت بقدها
ضيغميً عالي المستوى ماله نضير = راسيً مثل الجمل للحمول وضدها
من سلالة مذهب الترك بالسيف الشطير= لو سطا في شامخات الجبال يهدها
يوم تاريخ القدايم وكلاً له مصير =شاهداً له قضبة السيف يوم يشدها
هو ورث عمهوج منهو على الخطه يسير= زاد في حبل الشرف والشجاعه مدها
ورثه مارق وربعً يفكون النشير =يوم عجلات المحارف سريعً ردها
مثل يوم الحرمليه ويوماً فالجرير = والجموع الي تحشد الجموع لضدها
يوم راعية الجمل هلة الدمع العبير= من مغازير المدامع تغشى خدها
وأيّست من ربعها عقب ماقر القرير = تلتفت للي من الطيبين يردها
مالحقها كود مارق وملحاقه خطير = عقب قفت وأيسة من ذخاير جدها
وأخترق بالسيف من دونها جمعً غفير= وقص يمنى الي يسوق الجمل وأرتدها
في نهاراً حنظليلاً يشيب به الغرير=كم صبي ذرقت الرمح مرواً حدها
من عوايدهم يفكون بالسيف الأسير = باالرهاف اللي يشيل الجماجم حدها
والله أنك من قليل مراجلهم فقير = لا تعرضلك حيوداً عمقً سدها
والكلام الي ذكرته كفايه وتعبير = لو نعد أفعالهم بالقلم ماعدها
حقا يستاهل المديح من كان للجود موجود واعتلى صهوة المجد فتناثرة من حوله عباراة المديح وازدانت به ونثرت رياحينها .
فهذا شاعر اخر وهو الشاعر عيد بن محيميد العصيمي يقول في قصيدة له
ياركب الي يوم دار الكفر سار = يشبه لموجً رادفته الهبوبي
ملفاه من يذبح مجاهيم الأوبار = كبار الضهور ملوهدات الجنوبي
تركي ولد نايف ليا صار ماصار = وأفعول جده عن فعوله تنوبي
يقود مزحم من مشاكيل وخيار = يومً نجد أمطوقً بالحروبي
ياماسقا الأتراك من قاس الأمرار = وعمهوج من دم الرجال مخضوبي
وهذا الشاعر فهد بن مقحم الروقي يسجل ويدون بعض من مآثره رحمة الله عليه
يا أهل المواتر سلمولي على الضيط=تركي ولـد نايـف لـزومً تجونـه
أمير مزحم يوم حـذف المخابيـط=أبمدحـه والـنـاس مايجهلـونـه
أمـارتـه ماجاتـلـه بالغوالـيـط=الا بيـومً والـعـرب يعرفـونـه
جاته بيومً فيـه حـذف وتخابيـط=وعدوهـم لا طـاح مايرحمـونـه
سلطهـم الله للمعـاديـن تسلـيـط=والنبت لوهـو بالخطـر يرتعونـه
تركي مقـرً للكـرم والمصافيـط=يشهد على ماقـول نـاسً يجونـه
خيره يجي سوقات ماهوب تنقيـط=يشدى الخيال ليا أستهلـت مزونـه
ياكثر مافرط مـن المـال تفريـط=يـومً ولـد اللاش مالـه يصـونـه
ومشيدً بيتـه علـى فـن تخطيـط=وبابه مشـرع والعـرب يدهلونـه
يحلها وأن جـات نشبـه وتوريـط=وليـا تشعـب رايهـم يذكـرونـه
ياشوق غروً يمشط الراس تمشيـط=يمشط على زين الردايـف قرونـه
ياعود موزً ناعـم وسـط تحويـط=والخـد بـراقً لمرفـي مـزونـه
تقلط على كـل العماهيـج تقليـط=بالقـدر والشيمـه وزينـه ولونـه
وشاعر اخر يدون بعبارات تفلق الصخر لمن كانت افعالهم تفتت الصخر يقول الشاعر هذال بن محمد العضياني في قصيده له لم أجد منها الا هذه الأبيات
الضيط تركي على المشروع نزالي = سهم المنايا ليا جا الضيق وازحامه
أميرنا كلنا أولنا مع التالي = عمهوج اله كل أسداً وقع أبهام
يضربه اللي عليه الدرع والشالي = ليا أعترض للمعادي عجل أعدامه
يضربه الداب الأسود كل من عالي = نجمً يقض اللحم والدم وعضامه
إن التاريخ الذي خلفه لنا شيوخ القبيله بأفعالهم العظيمة، يتطلب الوقوف عنده زمنا لا يسعه هذا المقال، فرسان قدموا تضحيات جسيمة وكانوا القدوة والمثل وقدموا صورا رائعة في الجسارة والإقدام، والبذل والعطاء والإيثار.
إن العام الف واربعمائه وثلاثة عشر كان عاما لم ينساه الجميع حيث فقدت قبيلة عتيبه ركن من اركانها بكت عليه القبيله بأسرها وحزنت عليه ايما حزن فتبلور ذلك الحزن على لسان شعرائها .
فقد قال الشاعر الشيخ فيحان بن سلطان بن محماس الشغار هذه الأبيات يرثي بها الشيخ فيقول
يالله ياجابر عزا كل مصيوب=تجبر عزانا في فقيد القبيله
تركي ولد نايف ذرا كل منيوب=الضيط من يشكي العيل يلتجي له
شيخ تبنا المجد من حد شلهوب=مجد تنميه السيوف الصقيله
لاهنت ياعمهوج بالكف مقضوب=من عقب تركي في يدين تشيله
تاريخهم من ماضي الوقت مكتوب=ويقطعك ياهرج ضعيف دليله
ضلع ملاذ لروق عن كل شاذوب=ومنصى لمن يشكي من الوقت ميله
شيخ على ربعه والأجناب محسوب=كفه ثناه مع القبايل ثقيله
من حسن حظه عن الأجواد محبوب=بالخير وان جابو مجاله دعي له
منه النقا ينسب وبالجود منسوب=ترفع له البيضا بعالي الطويله
وخلاف هذا موفي كل ماجوب=وبيديه حل العقده المستحيله
أمر الله الغالب.. ولاهوب مغلوب=اليا جاالقدر مافي يد العبد حيله
الصبر عند مفاجا الأقدار مطلوب=وأكبر حدث عند القبيله رحيله
والشاعر سلطان بن حزام ايضاً سجل رثائه للشيخ بهذه القصيده
مرحوم يالي كلبونا بكيناك = كلن بكاك كبارهم والصغيري
كل القبيله حزنت يوم فرقاك = يوم الفراق الي علينا عسيري
يبكيك منهو ساعة الضيق ينساك=ياعون منهو لاذبك يستجيري
ويبكيك من حليت ضيقه ليا جاك = وتقوم بالوجب بليا شويري
ياشيخنا ودعت ربعك ودنياك = يقبل عزانا يالوداع الأخيري
ياشيخ يالي ماتعدد مزاياك = تركي ولد نايف ونعم الأميري
الضيط يعرف بين ذولا وذولاك = له ماقفً في كل خطبً شويري
لك عادة بالطيب تكسبه يمناك= وعلى علوم الطيب دوم المسيري
الله يجعل جنة الخلد مثواك = محفوف بالرحمه وحسن المصيري
في جنة الفردوس مغفوره خطاك = تشرب من الكوثر مع أحمد خشيري
ونختتم الموضوع برثائيه سجلها الشيخ فيحان بن ناصر الشغار في فقيد عتيبه الأمير تركي بن نايف الضيط
البارحه جتني دواكــيك وافــــكار = وقمت اتقلب لين بان الصباحــي
من واحدا شفته كتم عني اســـــرار = وليا نشـــــدته قال منته بصاحي
لحيتهــــم وش صايرا هات الاخبار= قالوا نخاف انك تزيد الصــــياحي
يفداك من هو واحدا جته الاقــــــدار = في عصر يوم السبت زاد انجراحي
يادار وين اللي سـكن فـــيك يــادار = بالله يادار الفـــنا وين راحـــــي
اقفى عن الصدقان واقفى عن الجار=عساه من اللي يكسبون الفلاحي
شيخا ولد شيخا ليا ردوا الـــــــشار = ياما على الاجناب شن الصباحي
فيده من القطـــــعان حصات الاوبار = وضــحا تناحى قلوها وشاحي
وصلاة ربي عد هطــــــــال الامطار= على نبين قادنا للصــــــــلاحي
رحم الله شيخنا واسكنه فسيح جناته رحل وخلفه في زعامة القبيله أخيه الأمير بدر بن نايف بن مارق الضيط وخلفه في هجرة الجمانيه اخيه الأصغر الأمير شالح بن نايف بن مارق الضيط
رحل شيخنا وخلف من بعده ابنائه اللذين ساروا على نهجه وهم الشيخ / عمر بن تركي بن نايف الضيط والشيخ / سعود بن تركي بن نايف الضيط والشيخ الشاعر / نايف بن تركي بن نايف الضيط.
منقول مع التحيه للهيلا.
« آخـــر الـــمـــشـــاركــــات »
11-Jan-2008, 05:13 AM
الأمير / تركي بن نايف بن مارق الضيــط . أحد شيوخ عتيبه (رحمه الله)
العرض العادي
