موضوع مهم لزوم تدخلون وتشوفونه

[@عريب الساس@]

اليكم ماقال السفيه من كذب وتزييف /////////////////////////////

الساحة العربية : الساحات الساحة المفتوحة هذا ما حصل بين البرادعي وكتاب العتيبي في المستشفى العسكري قطاع طرق



أنا .. والوظيفة .. واللواء كتاب العتيبي ... (( طيب الله ثراكم )) تخرجت من الجامعة انا واخوية سعد (( واقفا علينا البعير انا واخويه سعد ))
تخرجت انا من قسم التغذية .. واخوي سعد تخرج من قسم التاريخ .... كانت فرحتنا بالتخرج لا توصف .... وقد كان من ضمن دفعتي ثلاثة نت قبيلة ((عتيبه )) هم - نواف وعادل وملفي - كان تقديري جيد وتقدير العتبان مقبول ...

نواف توظف في جامعة الملك سعود اخصائي تغذية , اما عادل وملفي فلا اعلم اين ذهبوا ..... وفي يوم من الايام قدر الله ان يكون هناك وظيفة في ادارة الخدمات الطبية بالقوات المسلحة أعلن عنها في الصحف , توجهت (( بعناية الله ورعايته )) في صباح ذاك اليوم توجهت الى مبنى الخدمات الطبية الواقع على طريق الملك فهد .... وعند دخولي البوابة كان في استقبالي لفوف من المواطنين (( واعضاء من السلك الدبلوماسي , والسلك العسكري .. والسلك المكهرب )) ..

اوقفني العكري الواقف امام مبنى الخدمات الطبية وقال : ابك انت وش تبا هنيا؟؟

قلت : انا جاي اتقدم على الوظيفة اللي عندكم ؟؟

قال العسكري : وش انت من لحيه ؟؟

قلت : انا لحيتي (( خليجية ... مثل لحية محمد بن راشد المكتوم))

قال العسكري : ابك ما عندنا وظايف

قلت : طيب وشو الاعلان المنشور في الجريدة ؟؟

قال العسكري : ابك ما عرف اقرا ... لحظة شوي ..... يا رجا ... يا رجا... شف هالآدمي ذيا ويش يبا

جاء رجا ( وكلي رجا ان يكون متعلم ) وقال: وش تبا ؟؟

قلت : عندكم وظيفة وجيت أتقدم عليها وهذا هو الدليل - ورقة الاعلان

قال رجا : ايه ايه تبا تتوظف ... وش شهادتك

قلت : بكالوريوس ... تخصص علوم اغذية وتغذية

قال رجا : وشو ( بقر وتيوس )؟؟

قلت له : مو بقر وتيوس ....انا اقول (بكالوريوس )....يعني ( شهادة جامعة ).

قال رجا : قد دريت انها جامعة .. ب حبيت امزح معك ..... انت تبا تتوظف في المستشفى العسكري ؟؟

قلت : نعم اريد ان اسابق علىهذه الوظيفة وعلني اكون من الحاصلين عليها وانا الان اريد مكتب التوظيف

قال رجا : لا يا الاجودي ... هنيا مافيه مكتب توظيف ... اذا تبا تقدم على الوظيفة ... اكتب معروضك لطويل العمر ادخل عليه ..

قلت له : ماشاء الله .. الامير سلطان هو المسئول عن الوظيفة ؟؟

قال رجا : وجعا .. من قال انه الأمير سلطان ؟؟

قلت له : اجل هو الامير عبدالرحمن ؟؟

قال رجا : يا وجه الله .. انت علامكم ما تفهم ؟؟ من جاب طاري الامير عبدالرحمن ؟؟

قلت له : انت تقول .. اكتب معروض لطويل العمر , وادخل قابله ..

قال رجا : ايه .. انا اقصد طويل العمر (( اللواء كتاب العتيبي )) ... اخو (( شما))

وحسب نصيحت ( رجا ) .... كتبت معروضي ودخلت مكتب اللواء (( كتاب العتيبي )) ... وسلمت على السكرتير ( عويد العتيبي ) ..

قال عويد : وش تبا هنيا ؟؟

قلت : الله يطول عمرك يا طويل العمر ... انا جاي اتقدم للوظيفة المعلنين عنها في الصحف (( اخصائي اغذية )) .

قال عويد : ايه ايه .... اوراقك زاهبة ؟؟

قلت : نعم ... جاهزة يا طويل العمر .

قال عويد: الحين يجي طويل العمر

قلت : ماشاء الله ... ما جاء ( اللواء كتاب العتيبي ) الى الان ؟؟؟

قال عويد : ابك لا ... انا اقصد ( العقيد هميل الجعيد ) مدير مكتب اللواء كتاب العتيبي

دخلت على العقيد ( هميل الجعيد ) بعد أن تكرم على المواطنين بالحضور الى مقر عمله .... وعندما نظري الى شخصي البسيط ...قال :

(( حط اوراقك هنيا ... وعقب باكر تجي هنيا للمقابله ... انت توحي ولا ما توحي ؟؟ ))

حضرت المقابلة ولم يحضر احد معي .. وقلت لنفسي ( ما فيها شي الواحد اذا سولف مع نفسه ... لا تقولون مهبول ) انا الوحيد , اذن انا الفائز .... كان اعضاء لجنة المقابلة هم (( فهد البلحطي و نجر النفيعي ومليط الروقي ))

السؤال الاول : ماهي الاشهر الحرم؟ - لاحظوا الوظيفة اخصائي تغذية

السؤال الثاني وش اللي تبا تقدمه للخدمات الطبية ؟

قال فهد البلحطي : انتهت المقابلة

فقال نجر : شف ياولد .... تجي بعد باكر وتحصل النتيجه على الجدار ذيا .. انت توحي ولا ما توحي ؟؟

اتيت على الموعد واذا بالنتيجة هي (( الحاصل على الوظيفة هم - نواف وملفي وعادل ))

غضبت غضبا شديدا اذ لم ارى احدهم في المقابلة وكذلك هم اقل مني معدلا كما انني احمل شهادات في الحاسب واللغة ..... على اثر ذلك ذهبت لرفع شكوى لمدير الخدمات الطبية اللواء (( كتاب العتيبي )) طول الله عمره , وجعله ذخرا للمواطنين ..

وعندما دخلت المكتب قابلني عويد العتيبي وقال : وش تبا ؟؟

قلت : ابغا اقابل اللواء( كتاب العتيبي ) حفظه الله من كل مكروه

قال عويد : اللواء مسافر يم عفيف

قلت : متى يرجع ؟؟

قال عويد : تعال باكر

اتيت حسب الموعد ودخلت على اللواء ( وبشق الانفس ) وشكوت اللجنة وقلت له (( انها غير نزيهة ...وان هناك تلاعب ... اكتشفت انهم يعلنون عن وظيفة محجوزة لقريب لهم وكذلك انهم وظفوا اناس لا يستحقون ))

قال اللواء : ابك ابك انت مجنون ؟؟ ولا بك ( صرع في دماجتك ) ؟؟ هذي اللجنة انا اللي حطيتها ......... انززززلع يالتيسس لاعااااااااد اشوف وجهك ....... يا عقيد هميل .... يا عقيد هميل ... (( من اللي دخل الخبل ذيا ؟؟ ))

قال العقيد هميل : ياطويل العمر ازعجنا يبي يشوفك

قال اللواء : انزززلع انت وياه

واخرجني العقيد هميل الجعيد وذهبت وانا ابكي وانا مقهور من هذا الظلم وتلاشت حقيقة هذه الادارة التي جعلها اللواء كتاب العتيبي مأوى لجماعته

وفي الختام اسرد لكم بعض الجقائق

1- (( عادل العتيبي )) الفائز بالوظيفة هو صديق لأبن فهد البلحطي

2- (( نواف العتيبي )) الموظف في جامعة الملك سعود هو ابن اخت اللواء كتاب ويملك وظيفتين ويحصل على راتبين في جامعة الملك سعود وادارة الخدمات الطبية على بند الاجور

3- اما ((ملفي العتيبي )) فهو مرسول من شيخ الدوادمي ..

اما انا لازلت طريد الشوارع وأفكر حاليا في (( طرق سبيل الغناء )) و (( قيادة السارة على كفرين )) .... وقد تطابق معي تفكيري .. اخوي سعد ... واصبحنا نعقد جلسات الطرب حول استاذ الملك فهدالرياضي ونغني ونرقص (( واقفا علينا البعير انا واخويه سعد ... و ياليت بجنبي عصيده واربع صواني مرق .. والا بطاست عريكه .. أكلها حتي يسيل العرق ))

غرمان بن مسعود

(( هذه قصه واقعيه لي مع الخدمات الطبية ارجو منك يابو البرادع انت تضيف اليها تمليحاتك الحلوه وتنشرها)) ولا تنسانا من الذكر في النشر يابو البرادع وختاما لك تحياتي

ملاحظات ابو البرادع من المعروف عن اللواء (( كتاب العتيبي )) انه غير جدير بالادارة .. فقد كان مدير مستشفى العسكري بمدينة الرياض ... وعلى عهده .. انهار المستشفى ( ماليا وتنظيميا ) ... ولكن الأمير سلطان ( كافأه ) بترفيع منصبه الى مدير الخدمات الطبية ..

وختاما ( قبل لا تتقدم للوظيفة .. لابد ان تعرف ..(( وش انت ملحية )).. )

من درر البرادعي في السياسية

الله لا يسلط عليكم أحد قطاع الطرق.)

الله يسلط على هذا الكذاب وان يشغله فى نفسه اللهم امين

وهذا الرابط حق موضوع السفيه

http://alsaha.fares.net/sahat?128@23...wS.0@.1dd49dae

ونبي تعليقكم على الموضوع والرد عليه بالرد المناسب|4||4||4||4|

[عضو فضي]

زين سوو فيه العتبان
ويرفع لاجل هوازن

[ابن فرحان]

الاخ العزيز عريب الساس .. الف شكر يا الطيب على ايراد هذه المشاركة

بخصوص هذا الموضوع الحقيقة نحن لا نعلم مدى صدق راوي هذه القصة !

هل فعلا لة حق والمسؤل العتيبي صادر حقة لصالح ابن عمة ام انة متبلي على

المسؤل ويريد ان يبرر فشلة في الحصول على الوظيفة ؟؟ الله اعلم بالصحيح

وعلى كل حال اذا كانت مساعدة ابن العم والقريب لا تضر الناس وتصادر حقوقهم

فهي من اعمال المعروف المامور بها .. وشكرا لك يا عريب الساس مرة ثانية ..

[ابن مشيب]

كلام النت ماعليك منه , والمقاله هذي بين عليها انها , تأليف في تأليف , وعلى ماقال المثل: ( تموت الحيه وسمها فيها.

[طلال الثعلي]

اخوي عريب الساس

مشكور

اما المذكور محترف تأليف

ولاعلى كتاب منه

(القافله تسير وهذاك ينبح)

[@عريب الساس@]

الاخوان /عضو فضي وابن فرحان وابن مشيب وطلال الثعلي مشكورين على

المرور والتعليق،،،،،،،،،،،،،

((ولا يرمى بالحجر الا الشجره المثمره))|4||4||4|

ودمتم سالمين،،،،،،،،،،،،