.
بسم الله والصلاة والسلام على رسول الله
وبعد : نرفع اجمل آيات التهاني والتبريكات لمقام خادم الحرمين الشريفين
والى سمو ولي عهده الامين وسمو النائب الثاني بمناسبة اليوم الوطني
وللشعب السعودي .
احبتي للوطن علينا حقوق كثيره مهما قدمنا له لن نوفيه حقه
لذا طرح الشاعر الكبير عيضه الثبيتي هذه الفكره
وصاغ ابيات بدايتها الشاعر الدكتور حمد العصيمي
هذه الفكره توضع بيتين بهذه المناسبه يكمل عليها كل شاعر ببيتين
تبعاً حتى تكتمل القصيده
وهي بعنوان الوطن في قلوب شعراء منتديات عتيبه الهيلا
المشاركه مفتوحه لكل اعضاء هذا المنتدى من ابناء قبيلتنا والقبائل الاخرى فالوطن للجميع..
الشروط
التقيد بالوزن والقافيه وعدم الخروج عن المضمون من النص .
القصيده فاليوم الوطني ومنجزات خادم الحرمين الشرفين (ابو متعب) اطل الله في عمره
على طاعته .
ابيات بداية القصيده
د حمد العصيمي
ليا هب الهوى والا ركد يا راية الاسـلام=تبا تبقين في صدر السما باالعز خفاقـة
يمرالوقت وتلف السنين وتمضي الاعوام=وبيرقنا السعودي منتصب والسارية ساقه
مرزوق حمدان العتيبي
يدوم الله عزك في ذرى اللي يسدي الاكرام=سليل المجد ابو متعب ياكثر الطيب باعماقه
زعيم ٍ ساعة الشده يقوم ويلجم الاخصـام=وفي وقت الرخاء جوده خيال ٍ زاد براقـه
سعد بن مطلق المقاطي
على حوض المنايا قد قطنا تشهدالحكـام=نبيع الروح لجلك ياوطن والدين وإشراقه
تحت راياتك اللي ماتنكس والهـدف قـدام=يغيب الخوف عنا والنصر معشوقآ اعشاقه
عيضه الثبيتي
هذا يومً من أيام السعد ومن أطيب الأيام=نجدّد للوطن عهده ولابن سعود ميثاقـه
تباهى ياسماء المجد التليد وغن للأعلام=وقل للريح تنثر عطرها لن جات منساقه
حمود بن خيشوم العصيمي
بذكرى يوم توحيد البلاد نجهز الاقلام=نبا نكتب شعر للمملكه ونعطر اوراقه
تطور ما يصدق في بلدنا يشبه الاحلام=نهضنا يوم نور العلم عم بلادنا انطاقه
ابن سرحان الثبيتي
تذري في جنوب عيالك ودوسي على الاقزام=رياجيلك خطاهـم للعـلا والمجـد سباقـه
نبا نفخر بمن عزز بناك وحطـم الارقـام=ونبرا من سقيم العقل راع الكذب والباقـه
زبون المخاسير
تحت حكم المليك العادل الزيزوم والضرغام=نهج نهج الشريعه يا عساه بحفظ خلاقه
وحنا دون حدك يا وطنا والعدو منظام=تباهى والعدو لا مس حدك جاه فلاقه
أبو الوليد
مؤسسها الملك عبد العزيز الفارس المقدام=على مبنى وثيـقٍ نفتخـر دايـم بوثَّاقـه
رفع راية نبي الله وعالج جملـة الاسقـام=وصارت مملكة بالحق والإحسان نطّاقـه
مقبول الشيباني
غلاها ساكنن في كل خافق شرق ويضا شام=سعوديه عربيه لها الاشعار مشتاقه
بلاد الدين والنخوه ودار العز والانعام=حماها الله من شر النجوس وكل بواقه
زياد الشطيطي
زرعنا يوم يزرع غيرنا الهروين والالغام = مزارع كبد واعضاء ناس بين الناس منعاقه
لجل دين الولي ثم للوطن فأرض الوطن خدام = نفادي بالنفوس وكل مانملكّه من طاقه
فهيد الرويس
وحنا ياوطنا درع من دونك وحدحسام=سعوديين مافينا لك الله قاطع الساقه
نبيع الروح فالواجب ولاننشد عن السوام=لاجل عبدالله وسلطان ونايف مفني العاقه
يناخي الإيداء
على الدين القويم وشرع ربي والبلاد اسلام=نزف اجمل تهاني للوطن واهديلهم باقه
وطنا يوطنا جعل هالفرحه تدوم اعوام=عسي راية بلادي دايم ن للعز خفاقه
يوسف العازمي
بلادي عشت في ظل الملوك اللي لهم مقام=سلامٍ لـلسلام و للعداء بالسم دفاقة
بعد وحدك أبو تركي و حطوا للسلام انظام=ماعد يغدي لكل الناس لا شاة ٍ و لا ناقة
ابو عبد الإله
نحبك ياوطنا مثل حب العاهل الضرغام=ابو متعب حبيب الشعب وسط الجفن واحداقه
وعهد منا ولك والله ماتقٌرب ولاتنضام=وتبقى رايه التوحيد فوق الكل خفاقه
محمد مذكر
تشادي دوحةٍ في ضلها ماتاجد المنظام=بها الظل الظليل وكل غصن يحن لوراقة
وفيها مبتداء الدين الحنيف وحطم الاصنام= ولهل العلم والتعليم ماباقٍ لحد فاقة
« آخـــر الـــمـــشـــاركــــات »
23-Sep-2010, 05:38 PM
هنا ستكون ملحمة شعراء منتدى الهيلا بمناسبة اليوم الوطني
العرض العادي
