محاكمة ... المرشدي .... ؟؟؟

[علي فلاح العضياني]

على المرشدي بندر مشاريه و عتاب=( أنا أشره على الطيّب و يشره عليّه )
قضاة الحقوق اللي يفكّون الانشاب=لا تنشدهم إلاّ عن حلول القضيّه

[النّاشي]

قضاة الحقوق اللي يفكّـون الانشـاب
لا تنشدهم إلاّ عـن حلـول القضيّـه

ياسلام. وصح لسانك ياعلي وصح لسان بندر مقدماً

[بندر المرشدي]

الله... الله..

ترا المرشدي عن واجبه يوم ماغاب=ورجله على دوس المخاطر جريه
ولا ياعلي ويش الدوافع والأسباب=إنا واثق إني ما فعلت الخطية

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[زيد الرايز]

علي وبندر

صحت الالسن والقلوب واتحاد الموقف

[نايف بن ملحق الثعلي]

علي العضياني صح السانك

بندر المرشدي صح السانك

التوقيع

ما هوب لازم توقيع00

[سلمان الروقي]

على العضياني

بندر المرشدي

صحت السنتكم


تحيااتي,,,

[علي فلاح العضياني]

لو انّ القضيّه ضرب دبسا و مشعاب=تميدح بفعلك يا زبون الونيّه
ترى الله نهاك عن التنابز بالالقاب=يا قشر الخويّ اللي يعاير خويّه

[بندر المرشدي]

ترا كل جسم مفصّلاً قده ثياب=تبا التالية والا تبا الأولية
تبا الحق فسمح لي اقول لك كذ..=ابن روق ما باقي لي إلا هاذية

[علي فلاح العضياني]

نبا نرفع الشرهه لعكفان الاشناب=رجالٍ تمثّل عزوة المرشديّه
انا اقول ظنّي فيك يا صاحبي خاب=و لا انته على قدّ الهدف والحضيّه

[بندر المرشدي]

طيب طيب

أظن القضاء عنده قوانين وحساب =ولا يلتفت لحكامك العنجهيه
كبير الدقن ياقوم لكن نصاب=وما يضحك الرجال شر البلية