تكفى تــــــــرا تكفى تهز الرجاجيل***ولولا ظروف الوقت مــا قلت تكفى

[عتيبي معاصر]

تكفى ترا تكفـى تهـز الرجاجيـل=ولولا ظروف الوقت ما قلت تكفـى
تكفى يا مزيد ما يبا العلـم تفصيـل=المشكله كبرت على عمـاش تكفـى
ما قلت تكفى غير من فترة الحيـل=وانته ولد من يفعل الطيـب تكفـى
انخاك من كثـر العنـا والبهاذيـل=الفقر حطمني .. وانا ازريت تكفـى
غديت مثل اللي برك ضامه الشيـل=تضحك بي ضعوف الرجاجيل تكفى
يومٍ لك وقفه .. وجاه .. ومداخيـل=ما نغتني عن مثل شـرواك تكفـى
افزع ترا وقتي غـدى كنـه الليـل=والعلم مـا يخفـاك يالقـرم تكفـى
ما عاد بي شده ولا عاد بـي حيـل=ضدتني الايـام ... والقـلّ تكفـى
اروح وارجع ما حصلي محاصيـل=والرجل بادت .. يا فتى الجود تكفى
واليوم عندك يا رفيـق المشاكيـل=العذر ما ينفـع وانـا قـول تكفـى
حيثك من اهل الطيب واهل المفاعيل=يا زبن من جاله ومن قـال تكفـى
الجيب فاضي .. واليالـي مقابيـل=عجزت اعيش مع الرجاجيل تكفـى
والراتب المحدود .. يروح تحويـل=من الاداره .. لاهل الديـن تكفـى
حتى عيالي ما قدرت الهـم الكيـل=والازمه لا جات .. صديت تكفـى
ارجى الفرج والله يجيب التساهيـل=واعيش في راحه مع الناس تكفـى
والله كريم .. يبدل الحـال تبديـل=وما قلّ دلّ .. وصامل الهرج تكفى

قصيدة الشاعر ( عماش بن عبيد البديري المطيري ) من سكان هجرة العمار بالقصيم . م.ن.ق.و

[أبوصنيتان]

العمار جنب اوضاخ و هي من نجد مهيب من القصيم


صح لسان الشاعر

وسلمت يدينك.

[عتيبي معاصر]

صح بدنك وتسلم على تصحيح المعلومه

ولك كل الاحترام والتقدير

[شـ2000ـاعر]

شكرا علي النقل يالمعاصر

[أبو فيصل]

الله اكبر

قصيدة جزلة و رائعة ياخوي

صح لسانك و لسان المطاري

ولاهنت يالغالي على النقل

تحياتي

التوقيع

لا إله إلا أنت سبحانك إني كنت من الظالمين

[عتيبي معاصر]

ش2000ــا عر تشكر على مرور ك

[ذيب السبايا]

يعطيك العافية

[عتيبي معاصر]

الاخ فهد الشيباني

الاروع هو مرورك ولاهنت ياغالي

[نواف الحسيني]

عتيبي معاصر لاهنت يالغالي


وصح السانك



نحياتي

[عتيبي معاصر]

نواف الحسيني

صح بدنك ولاهنت على مرورك