 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
02-Oct-2009, 12:36 PM
|
رقم المشاركة : 1 | |||||
|
الهيشان خوال بندر بن نايف بن حميد
ربما الكثير يعرف ان خوال الامير بندر بن حميد هم شمر ولكن لا يعرف منهم بالتحديد
وهنا اريد ان اعطي بعض المعلومات عنهم جد الامير بندر هو الشيخ الكاسب بن هيشان المايق من الجرذان من غفيله من سنجاره من شمر نعطيكم نبذه عن الجرذان وعن المياق وهم خواله الجرذان هم (المياق و الفروان والمعاكلة والمزيريب) تميز بهم عدد كبير من الاسماء التي اعتبر ان التاريخ ما انصفها حقها في زمانا هذا نبدا بدون تمييز بالبداية ****المياق ينتخون بالعليا **منهم من سميوا بالخياله لانهم ثلاثة فريس ردوا القوم لحالهم بدون فزّع هم (عقيل وعواد و وارد) **وعيال عواد (معزي و فرحان)فريس ماهم بسيطين للهم مغازي واكثر مالهم الحنشله ثنينهم جميع وسبحان الله كانت ميتتهم جميع حيث انهم كانوا ناوين ديار الرولة من ورى سكاكا والجوف وهم يتلاقون بسربة لاشعلان غزياية(بالشويحطية) وهم يتحامسون بالرمي تمترسوا بلهم حزم المهم نفضوا الاخوان محازمهم وخلصت ذخيرتهم من الفشق هم وسربة الرولة وردوا الفريس للسيوف !!!وهم يتظاهرون الكل منهم يفك ظهر اخوه وكل ما اهوى بهم احد جدعوه عجزوا عنهم القوم (الا بجدع الرضم قعدوا يرجمونهم لين ذبحوهم واللي سمعته ان حديهم زاحفن يم اخوه ومنبطح عليه يبي يفكه)لكم الله كل ما طرت علي هالسالفه بالذات يتطافرن دموعي غصب عني (رحمة الله عليهم) كل من سمع بذبحتهم تأثر وسمعت ان أبن جبرين شيخ المفضل من اليحيا من عبده يوم سمع بذبحت فرحان ومعزي قال :نعنبوا حيكم كل ما قضبتوا رويلي أذبحوه وسموا باسم فرحان ومعزي بالثواريات **صبحوهم مطير والنزل خالي لانهم كانوا غزوا ولا حاضرن الا عواد بن زاكي (ابو فرحان ومعزي)وهو شايب نطحهم خيال وهو يعيقهم لين جوا الفزع وكسروا مطير وبكليوم جدع عواد ذبحوه مطير بعد ما فك حلال المياق(رحمة الله عليه) **وصبحهم عوده ابو تايه والحضره عقيل(حدا الخياله اللي انا ذكرتهم سابقا)وكانت يده عايبه !!! تطابحوا القوم يقلدون الكسب لانهم يشوفون النزل خالي وممنين بنتك ياعقيل بوسط النياق وهي تركب الذلول وتصيح عليه وهي تشلع نياق ابوه وركايب القوم بعد !!على حضرت عقيل وهو يحتمي دونهن وهوياهم لين وصلوا الفزع فزع النمصان ويا حضرت السعد ويكسرون القوم والقوم عقب ماهم كل على ذلول ردوا مراديف ورجليه قال عقيل للنمصان والله الا تاخذون قلايعكم ركايب القوم يوم فكيتوا نياقي(رحمة الله عليهم جميع) **صبحواهم على (لوقه)الرولة مقدمهم ابن شعلان وخذواهم وانهزموا(أقفوا) بالكسب فزعوا شمر اللي حولهم وبنفس الوقت لحقهم الطلب من المياق والجرذان اللي بالنزل يوم وصل ابن شعلان للفيضة (العامرية) وهو ينوخ يبي المغدى الضحويه !! حذروه اللي معه قال مهم لاحقيننا ولا حولهم احد !!وهو يذبح له جزور قال غداكم ياقوم !! الا القوم بظهورهم (الطلب) اولهم سعيد الظيف الله المايق وهموياهم ضرب مخلص لين شلع سعيد ابن شعلان وجدعوه قتيل وخذا البيرق منه الا الفزع من شمر يكتب عليهم من كل اتجاه وهم يذبحونهم جميع ولا يرد منهم رطب الحلق الا اللي ارسله ابن شعلان يوم ينوخ ارسل له مرسال للربعه انهم كسبوا يقال ان المبشر ما امداه يبشرهم الا خبر ذبحتهم واصلٍ لهم وهي به قصيده لاكن صارللي كم يوم احاول اتذكر شي منه عجزت الظاهر اني شيبت ولاني قاضبن منه الا هالشطر ليت من يجيبه كامله او بعضه عساني اتذكره نوخوهم لابتي بالعامرية ((((سعيد بن ظيف الله هو وعواد بن زاكي وعقاب بن عجل أرحام خالهم ابن زويمل )))((والبيرق اللي خذاوه هو ثاني بيرق للشعلان مع شمر ولاول ماني متئكد من اللي خذاوه)) وشيخت المياق حاليا للاسود العصمان المايق (الله يطول بعمرة ولا يخلي من أمثاله) ****الفروان بهم اسماء مهي بسيطه من فريس وعقدا ما حاضرن ذاكرتي الا روضان عقيد ودليله وبوه قصيده هو ودبوس المايق: ليا مد المايق وابن فروان ذود المعـادي يشلونـه عاداتهم جيبت القطعـان ورجم الوعد مايتيهونـه ****المعاكله منهم خزعل عقيد واشتهر بانه دليلة قوم ومنهم سعيد المعكلي عقيد سجن بالعراق بسبب المغازي وهو من من لم يستجيبوا وغزى ومسك وسجن قصد وهو بالسجن يو شاف له طير يحوم بالسما وبعد يوم او يومين وهو يموت (رحمة الله عليه) ياطير ياللي من طيورٍ قرانيس وقع لنا ياطير وفهم وصاتـي أنخا لنا زوبع هم والسناعيس الكل منهم يحـرج الطايلاتـي تر الوجاهه عندهم مابها بيس توجهـوا بعيالهـم والبناتـي مشت شيخان شمر يبون اغديهم يطلقونه يوم جوهم الا هو ميت له مدة ****المزيريب منهم الشقاوي بن مزيريب فارس وقع صويب بحدى المغازي على الرولة وهو منيع للبن شعلان عالجوه لين طاب بعد مده مهي قليله سمحوا له بانه يرجع للشمر(اللي ما أدري هلي هي بتبادل ربطا او بفدوو او انه سماحه بدون هذي وهذي) المهم من تميز هالرجل بالاخلاق والمرجله وكذالك الوسامه عاشقته له بنت من الروله يوم ارخصوا له بالرحيل وهي تقصد ماحاضرن الا بيت مجبوع حط البيت بقصر البيت لاتبعد يالشقاوي احط ؟؟؟؟ عبدٍ لـك و؟؟؟؟لـك فـداوي ومن مارثت الشقاوي خليف الضبيان له علم غانم وكذالك منهم العقدا شوردي ودمنان ****وهالقصه خليته للاخير لان القصيده تعدد اغلب عقدا الجرذان وهي ان الجرذان اغلب مغازيهم شمال على الحويطات والروله وغيرهم من نزالة الشمال وكل ما غزى عقيد منهم يمر على شخص من اهل الجوف بله مكان متطرف على له ماء يسقون ركابهم ويكملون دربهم وبرجعة يمرونه ويبركون عنده من الكسب ناقة من اطيب الكسب وباحد مغازيهم يوم تعدوا من عنده وحسب وقت رجعتهم على المعتاد قال للعبد أرقب غديك تشوف الربع !! أرقب العبد وقال للعمه ما اشوف الا زول ردفا(اي اثنين مترادفين ذلول وحده)وهذي اشاره اول ما يتبادر للذهن انهم منكسرين اي مهزومين وان هازول هم الشريده(الناجين فقط) خاف وارتبك صاحب القصر خوي الجرذان وهو ينطح الزول الي جاي من بعيد ضننا منه انوه من الغزاة يوم تلقاهم الا هم رجال مردفن له مرة خلفه (ارتاح خوينا وتطمن ان ربعه مابهم خلاف)وهو يسلم على الرجل وينشده من انت ومنين انت جاي؟؟ قال انا اسمي عيد وجاي من حوران (وادي بسوريا يمتد من جنوبها والاردن الى شمالها للاكراد) وهالمرأه هي مرتي من اهل ا***لاد(من اهل حوران) وينشده وش اسمه قال اسمه عسيلة (الا عسيله بنيت حلال حليل قوم على قولتهم وهذا عاني كل هالعنوه وصيدته عسيله) المهم صاحبنا طلع شاعر وتقل من السويد بتنكيتهم وهو يقصد له قصيده ما حاضرن منه الا كم بيت: يا عيد وا كسبك صوابر عسيلة لا عاد يومن كنت به يم حوران وينك عن المايق ما تجود شليله ولا تولّج نادر العين روضـان لا صار ربعك كاسبين النفيلـه يا شين ماتتبع شوردي ودمنان نعود للكاسب جد الشيخ بندر بن حميد هذا غزا النوري بن شعلان وخذا حلال هيشان واقفابوه راح الكاسب واخوه مناور لبن شعلان وطلبوا منه يرد حلالهم لكنه رفض وكان عنده الفارس عوده ابوتايه ضحك يتشفى بالمايق فقال وش يضحكك يابوتايه قال اضحك منك اللي تطلب من النورى حلال فغضب مناور وقال البل بترجع اما رضى والا غصب اما منك والا منه رجع مناور واخوه وبطريقهم خذوا حلال للشعلان ونهبوا خيل طيبه وعجز عنهم ابن شعلان ودعا عليهم وفي يوم غزا مناور واخوه الكاسب ومعهم جماعتهم المايق واخذوا ابل لعوده ابو تايه وكذلك فرسه السوداء ويقولون ان ابوتايه بكا من الجزع وقالوا وش يبكيك قال فراق السوداء العام اضحك على مناور الهيشان وقال ان ان حلالي بيرجع اما منك والا من النوري وهالحين هاللي تشوفون . خال الامير بندر بن حميد هو الشيخ هطليس بن الكاسب بن هيشان المايق نزل بالقرب من خبرا شمر بالقرب من لينه وهو شيخ كريم شجاع على دين عظيم وكان كريم النفس عفيف ولا يجامل كائن من كان خطب منه الامير عبدالرحمن بن عبدالعزيز بنته ورفض يزوجه وارسل له الامير اكثر من مره ولكنه رفض بيع بنته مهما كان الثمن والبنت اسمها ترفه وعندما اصر الامير عبدالرحمن لانه يريد البنت لسمعه اولدها الطيبه وبالخير قام الشيخ هطليس بتزويج بنته من ولد عمها ندا بن منور المايق وعاشت مع زوجها سعيده وهو ما كان يريده والدها ورفض ان تكون بنته سلعة وهذا يدل على الانفه والعزة وعدم الخضوع والخنوع جاء رجل من شمر يشكوا على الشيخ هطليس قله ذات اليد وان ليس لديه سياره ولم يكن عند الشيخ هطليس سوى سياره واحده فاعطاها الشمري رغم حاجته اليها رحمه الله في احد السنين ذهب الشيخ هطليس الى الرياض ونزل عند بنت اخته شيخه بنت نايف بن حميد واتصلت باخيها بندر واخبرته ان خالها جاء من الشمال وانه عندها وكان الشيخ بندر عند الامير خالد الفيصل فطلب منه خرجيه لخاله فقال الامير خالد هذي خمسين الف لكن لا تقول انها من الامير خالد لكن الشيخ بندر خاف انه يكذب على خاله ويعرف انه يرفض المال رغم حاجته له وكان معه خوي اعطا المال لخاله فقال والله انه من الامير خالد الفيصل فقال(( لاصار من خالد مقبول)) في احدى الايام ذهب الى زياره ولده محمد بالرياض وجلس في بيت الامير بندر بن حميد وعرف ابن حميد ان خاله محتاج للمال فقدم له مبلغ كبير جدا جدا ولكن؟؟؟؟ رفض الشيخ ان ياخذ المبلع وكان الامير بندر يمشي معه ويقول ياخالي ياخالي والله ان تاخذه ولكنه رفض بشده وقال ان جيت اسلم عليك والدنيا ما بيها واخذ مبلغ بسيط من ولده محمد ورجع للشمال اي عزة نفس يحمل هذا الرجل توفي رحمه الله في مستشفى عرعر وعمره ستين عام والامير بندر بن نايف بن حميد وضع خرجيات توزع على جميع الهيشان خواله بعد وفاة خاله وتوزع عليهم في رمضان من كل عام فجزاه الله كل خير ولا يستغرب الطيب من امثال الامير بندر بن حميد والله الموفق |
|||||
|
|
|
|
|
|
|
|
|
|
02-Oct-2009, 01:08 PM
|
رقم المشاركة : 2 | |||||
|
طيب الفتى من طيب خاله
مليون ونعم والله بشمر الطنايا ولا تكفي ولهم معزة عندي شخصيا ولاتهون القبايل الباقية لكن موضوعك ليس في قسمه انما قسمه هو (( مشاهير القبيلة )) وجده الكاسب هل الكاسب المذكور هو الشلاقي؟ لاهنت ومشكووووور |
|||||
|
|
|
|
|
|
|
|
|
|
|
02-Oct-2009, 01:31 PM
|
رقم المشاركة : 3 | |||||||
|
بسم الله الرحمن الرحيم
السلام عليكم ورحمة الله وبركاته والله ونعم بالشمر الطنايا والسناعيس وشمر قبيله عزيزه ومشهوره بالكرم والعلم الغانم اشكرك على هذا التوضيح والطيب وليس غريب من اهل الطيب والشيخ /بندر بن نايف بن محمد بن هندي فى هو اسد من اسد والداهيه محمد بن هندي يشهد له عدوه قبل صديقه بالفروسيه النادره في وقته لذا يجب ان نعرف عن خوال الشيخ بن بندر الكثير والحقيقه انك ماقصرت وشكرك جزل الشكر
آخر تعديل سعد بن مطلق المقاطي يوم 02-Oct-2009 في 01:35 PM.
|
|||||||
|
|
|
|
|
|
|
|
|
|
|
02-Oct-2009, 09:20 PM
|
رقم المشاركة : 4 | |||||
|
مشكور اخوي مشاري
يعلم الله اني ما انافق وقولها في كل منتدى ولو لم اكن شمري لتمنيت ان اكون من الهيلا ومعظم ربعي من عتيبه اما بخصوص سؤالك فمالك لوا الكاسب بن هيشان المايق جد الامير بندر من الجرذان من غفيله من سنجاره اما الكاسب الشلاقي فهو من فخذ اخر وهم شخصين مختلفين اخي سعد المقاطي يعلم الله انا نفتخر اننا خوال هرم من اهرام الجزيره العربية ونعتز به وانا مستعد افيدك باللي تبي وتقبل شكري على مرورك العطر |
|||||
|
|
|
|
|
|
|
|
|
|
|
03-Oct-2009, 01:32 AM
|
رقم المشاركة : 7 | |||||
|
مليووون نعم بالطناياا
لااهنت ويعطيك الف عافيه |
|||||
|
|
|
|
|
|
|
|
|
|
|
03-Oct-2009, 06:39 AM
|
رقم المشاركة : 8 | ||||||
|
اقتباس:
ومشكور على الاجابة على السؤال ............... وانت ياهايس حشيم عن النفاق واهله ولاهنت واقولها مرة اخرى مليون ونعم بشمر الطنايا ........... |
||||||
|
|
|
|
|
|
|
|
|
|
|
06-Oct-2009, 01:32 PM
|
رقم المشاركة : 9 | |||||
|
حاكم
مالك فيض المشاعر ما عليكم زود ومشكورين على مروركم الكريم |
|||||
|
|
|
|
|
|
|
|
|
|
|
06-Oct-2009, 02:28 PM
|
رقم المشاركة : 10 | |||||
|
ونعم بالطنايا خوال ابن حميد تقبل تحياتي
|
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
