قصة وقصيدة العتيبي حينما استضافه الشمري بالجوف

[أبو مرحبا]

تحية طيبه للجميع ..


القصة حدثت بداية توحيد المملكة .. بعد ان انتهت الحروب والمغازي بين القبائل .. واصبح الشرع هو الفيصل بكل القضايا.

ومن المفارقات ان الشخص من ابن القبائل حينما يواجه اهانة من الوضعاء الرديئين لا يستطيع الرد المناسب عليه .. يعني اللاش صار شيخ ماتقدر تقولوه شي ان لمستوه طبق عليك الشرع سواء حد قتل او سرقه ؟

وكان فيه واحد عتيبي قادما من نجد لديار الشمال لحاله على ذلوله .. المهم وهو يطب على "الدويد" وهذي هجره بالشمال عند رفحاء وكانوا نازلين عليه الصلبه ولهم شيخ يقال له "منيف"؟

ومنيف هذا من رجال الشنيفي ، أمير لينه من هالزمان..

المهم ان العتيبي كان تعبان من الطريق وبكرته له مده ماشربت يوم اقبل على منيف وهو يطرده ؟

لاهو اللي اكرمه ولاهو اللي خلى بكرته ترد مع النياق!

زعل العتيبي ومشى وهو يطب على "عذفا" وهذي ديرة عند سكاكا واهله هم الشمروخ

يامار هذا نزل الشمروخ من الزميل من سنجاره من شمر وشيخهم "الجبيلي"

يقولون يوم وصلت الذلول على بيت الجبيلي وهي تدخل عليهم بالرفة من شدة العطش والتعب

وراعيه عليه، حاول راعيه يطلعه ، ويحلف عليه الجبيلي ان يتركه كما هي .

وقم يالجبيلي ويجر الراويه عنده بالرفة ، ويشق جنب الراويه علشان تشرب وهي باركة بالرفة.

وهم يكرمونه ويقدرونه..

المهم ان العتيبي يوم مشى قال هالهجينيه وهي من الهجينيات المشهورات بالشمال وعند شمر خاصه..

يقول :-







يابكرتي وان جفاك "منيـف"

ترديـن عذفـا علـى ليـلـه

وجهـك علـى مكرميـن الضيـف

شمـر الـيـا قـلّـت الحيـلـه

عند "الجبيلي" يطيب الكيـف

وانـتـي تريحـيـن ياشعـيـلـه

عدك على بركـة(ن) بالصيـف

من مزنة(ن) زايد(ن) سيلـه

لو ندي شيخ الصلـب مايخيـف

وراه ســطــه وتـرزيـلــه

مار البلا اللي حكم بالسيف

عقبـان نـجـد تـراعـي لــه













منقـــــــــــــــــــــــــــــــــــــــــول

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابن مشيب]

سلمت وسلم نقلك وإختيارك ياقحص , وشمر كبار الصحون وساع الطعون , وليس الكرم عليهم غريب , فهم مكرمت الضيفان واهل السنان والعنان , قصه وابيات رائعة , وتدل على اختلاف الناس , ومعاملتهم لضيوفهم


تحياتي

[ابـن نـعـيـس]

بيض الله وجهك ياقحص

لاهنت


والى الامام


تحيااااااااااااااااااااااااااااااااتي

التوقيع

[أبو صقر]

ونعم والله باهل عذفا

وسلمت يمينك ياقحص

تحيتي.........

[أبو مرحبا]

ابن مشيب

ابن نعيس

سطام روق


لاهنتوووو ياالربع على المشاركة

[منصور بن فهيد]

يعطيك الف عافيه ياقحص ..
ولاهنت يالغالي على إدراج هذه القصة الجزلة ..
وتسلم يمناك يالذيب ..
تحياتي وتقديري..

التوقيع

man.9.our@hotmail.com

[الأمــير]

لاهنت اخوي وشكرا

[عالي مقامه]

الخلوي من طبوعه عدم الكرم اما عيال الحمايل هم اهل الكرم ونعم والله في شمر

[من أخوان ميثاء]

أبو مــــــــــــرحبا .... تحياتي لك ولحرصك على نقل علوم الطيب , ولدي إعتراض

على القصه كون صاحبها شمري وبعض شهود الحادثه لازالوا على قيد الحياة , يابعد

حيي أنت ؟

أرجو تقبل إعتراضي وأن عتيبه الهيـــــــــــلا لديها من فعول الطيب والشجاعه مايملا

الكتب والدواوين فلستم بحاجة إلى إقتباس سالفه أو قصيده أو غيره من أحد ؟

أنتم والله تاريخ حافل وحافل وحافل بالشيم وصفات العرب الشٌرفـاء .

من أخوااان ميثاء ( الشمري ) .

[النمر الروقي]

تسلم يا ابو مرحبا على القصه والقصيده الطيبه
ومليون نعم بخوال جد ابوي الزميل
ونعم بكل السناعيس يرفعون الراس .. بعد حي

النمر الروقي