رد الشاعر \ كديميس العصيمي على قصيدة الخس التي القاها في برنامج شاعر العرب

[سعد بن مطلق المقاطي]

المشاركة الأصلية كتبت بواسطة نامي

من يبي الإنصاف لايقصد رواسي = منبراً مسلوبة ٍ منه الحقيقه
العداله مالها بأرضه مراسي = والضلاله في المنصه والحديقه
والإداره وضعها غير متواسي =ولجنة التحكيم كلن مع رفيقه
صفوا الشعار من فوق الكراسي =وقتهم يحسب عليهم بالدقيقه
وصوتوا حسب النظام الدبلوماسي = وكل شاعر لاقصد يعطى وثيقه
والذي قدم على كل الجناسي =لاهو اطيبهم ولا امثلهم طريقه
قدموه بموجب الأمر الرئاسي =وحققوا له مركزن صعب اتحقيقه
وقال هذا هو قصيدي واقتباسي= وقام ينكث فالهناديب العتيقه
وصار في بعض العلاقات التماسي =والتماس السلك يبعث له حريقه
وان نظرنا فايل الخس الأساسي =له سوابق تفضح الخس وتعيقه
لا شجيع ولا كريم ولا سياسي =ولا يفرج عن رفيقه يوم ضيقه
ماذكر له موقف ٍ يجلى العماسي =وله مجال ٍ فالطواريق الرقيقه
الهوى والغي منهجه الدراسي =كم طويل ٍ مع هوا نفسه يويقه
وياصف الأجساد من تحت اللباسي = ياصف اجساد الهويه والصديقه
وفالمجابه والقسى ماهوب قاسي =لياتلاطمت الحجج يشرق بريقه
ويوم جاته من بعيدين المماسي =انحنى كنه يوايق في خريقه
علموه بقول مرشد كان ناسي = يوم سقط له خوابير ٍ عميقه
قال له ياابن خلف راسك وراسي =والوعد قدام والغبه غميقه
استعد لرجل راسه مايراسي = وان حداك الخوف جنب عن طريقه
وصار فالخس انكماشه وانتكاسي = وفضل الذله على ردت وسيقه
وشاعر المطران صلح له اركاسي =واحتمى الضلع المسمى مع فريقه
ولبسه بشت ٍ مفصل بالمقاسي =لو يموت الخس ورثه لشقيقه
وش يريد الخس لحاس التباسي = وش عليه من البحر والا غريقه
مايقول القول عن دافع حماسي =مقصده شي ٍ يحطه فالعليقه
لا حصل له مدت ٍ لو هي طفاسي =حطها فالمحفظه مدري بريقه
والمنافق دايما ً خاسر وخاسي = لو تظاهر بالعفاف عن السريقه

صح لسانه على هذي القصيده القويه
كديمس شاعر كبيرفي الدفاع عن القبيله عتيبه
والله يبيض وجه على الرد القوي
ولكن لو ترك الهجاء وتجه نحو لنصح والارشاد افضل
وان القصايد الهجائيه يتعرض صاحبها الاثام
وحيا الفتنه
والكمال الله سبحانه
مشكور على نقل القصيده

التوقيع

ديــــــــــــــــواني

آخر تعديل سعد بن مطلق المقاطي يوم 06-Aug-2008 في 01:15 PM.

[ابن مجهول]

وش يريد الخس لحاس التباسـي وش عليه من البحر والا غريقـه

لحاس التباسي
صح لسان العود والله مايستاهل انك ترد عليه كان خليته لشباب يتناهشونه

[هبداني تيماء]

بيض الله وجهك على النقل وبيض الله وجه الشاعر الكبير كديميس العصيمي

[المقــ ماجدـــاطي]

صح لسان الشاعر الكبير كديميس

وهذا واجب كل شاعر من شعارء القبيله

ان يكون نتاج فكرة مسخرا لقبيلته

لاهنت يانامي على النقل

آخر تعديل المقــ ماجدـــاطي يوم 08-Aug-2008 في 11:07 PM.

[الذيابي (العطيف)]

صح اللسان الشاعر الكبير/ كديميس العصيمي
وشكر اخ نامي على النقل الرايع
وش يريد الخس لحاس التباسـي
وش عليه من البحر والا غريقـه
مايقول القول عن دافع حماسـي
مقصده شـي ٍ يحطـه فالعليقـه
لا حصل له مدت ٍ لو هي طفاسي
حطها فالمحفظه مـدري بريقـه
لكن والله لوتعرفون الخس على حقيقه ما ذكرته اسمه في المنتدى لكن بلنا الله بها االاشكال

[مدرهم ابو كتيفه]

كفووووو يا كديميس

والله انك بطل

وهذا جزائ من يتطاول على الهيلا


نامي

لاهنت يا القرم

[الاجرب]

بيض اللة وجهك يا شاعر المناسبات كديميس العصيمى

وهذى افضل هدية لشاعر مطير محمد الخس لايمكن ينساها فى اخرحياتة

تحياتى لاعضاء الهيلا

اخوكم

مطلق الرويس

[^^العصيمي^^]

صح السان الشاعر كديميس

وبيض الله ووجهك ع القصيده

واسلمت يمناك ياذيبان ع النقل

[سفير المقطه]

الله صح لسان العلم كديميس


وتسلم يا النااقل

[ابو عبدالله]

وش يريد الخس لحاس التباسي // وش عليه من البحر ولا غريقة


ومنا إلا الخس ؟؟؟؟؟؟؟؟؟؟؟ ماذا تريد ؟