تطاول المقحم على شيوخ قبايل نجد وهنا رد بن مغيرق عليه

[الرتوعي]

بسم الله الرحمن الرحيم

السلام عليكم ورحمة الله وبركاته

في الاونة الاخيره انتشر مقطع عبر الجوالات بالبلوتوث مقطع لشاعر يتهكم على البادية
متسترا بالملك عبدالعزيز طيب الله ثراه متجاهل الاخوة فالاسلام والوطنية


هذه القصيده لعبدالعزيز المقحم

يقول فيهآ..

يامحسن اخبر واحد مالقيناه=اللي يقول اترك علوم الحضاري
قله زلابه لا يكثر مطاطاه=يبلش بهرج مثل روس الشباري
ياللي تبون العلم الأول يابوياه =رحتو على البيدا حفاه عواري
ترا الفخر للي حكمها بيمناه =يوم انها بين السباع الضواري
عبدالعزيز اللي بسيفه وشلفاه=خلا سلاطين القبايل حباري
جته تحبي على ركبها ترضاه=معروف والمري يقص الاثاري
انشد عتيبه شيخهم وين وداه =وانشد عناقر ثرمداء عن مشاري
وابا الكلاب اللي طروقه مخلاه =حده من الايام غبن وحساري
وفيصل دويش امطير مافادت ارياه =ردوه لبن سعودحمرالعتاري
والجلد مدري وين ناخت مطاياه =معاد يذكر له على نجد طاري
والفرم تدري حرب وين الله اغداه=جرح على الشيخان مهوب باري
والشيخ ابن لامي بعد كنه اياه=ابذكره لو اكثر الناس داري
وكم واحد غيره ذبح ذبحه الشاه=وخلي على مثواه ماله مثاري
واللي تنحو عنه عدوان واعصاه=راحو عشاء السرحان ذيب الغداري
يوحا قريش غرورهم من سواياه=في روضه تذرا عليها الذواري
واعيالهم عقب السيوف المحناه=رضيو بخرجيه وختم وسفاري
وحسبو احساب رعيه من رعاياه=وقامت تخوفها العصي والعجاري

وهذآ رد الشآعر وليد بن مغيرق العصيمي

سمعت لي قافٍ مضآمين معنآه..=حقد وضغينه من ضعيفٍ يثآري
غلّه دفين و لو سكت مآ غوينآه..=لأنه بوجهه يتضح له موآري
المقحم اللي مآحدٍ جآب طريآه..=يوم الوطن جوع وبه الامن عآري
ويوم الرخآ كبّر طحآله وعلبآه..=أنكر رجآلٍ يسترون العذآري
وآمن وشبعآنٍ ببيته مع نسآه..=ومن الفرآغ اصبح يخوض الهذآري
يوم الوطن مآبه تعآميم بأرجآه..=فبآهرك نغرس زقوم الشبآري
يوم الحدب مهيوب والكل يقنآه..=سلاحك الحيله وهلّ العبآري
بظل الامن بيدمر النآس بغنآه..=وحط الغدآري في مكآن القمآري
و يوم انهآ بالسيف عرضه وطينآه..=ونسآه لنسآنآ ترآهن جوآري
يوم انهآ بالعنجهيه خبرنآه..=دآيم مع الثيرآن بآيع وشآري
مآله دخيل ولا فرآسه ولا جآه..=ولا يكرم الضيفآن لا جو عبآري
نشفق عليه منولٍ لا ولينآه..=واليوم بيصوب علينآ السوآري
لكن بنرده لحجمه ومربآه..=كآنه نسى وش كآن يوم المسآري
مآلك ومآل شيوخ نجد المسمآه..=اللي لهم تشهد حيود الصحآري
حنآ قبآيل نجد والضيم نجلاه..=عن الكبود اللي بهآ المرّ جآري
النآ مهآبه دآيم الهآ مدآرآه..=معروفةٍ مآ بين سآمع وقآري
والنآ وجيه دخيلنآ دوم تحمآه..=وسلوم اهلنآ دآيم أبهآ نمآري
وعبدالعزيز امآمنآ مآ جحدنآه..=جينآ وبآيعنآه بالاختيآري
النآ موآقف معه من وقت منشآه.=.وخضنآ معآه الخوف صبح وعصآري
والنآ مكآنه عآليه عند أبنآه..=أهل الوفى ستر المدن والبرآري