مرثية ولي صاحب السمو الملكي الامير/سلطان بن عبدالعزيز
رحمه الله..
ياضيق صدري يوم اجر التناهيد=وياقو جرح الشعب شامه ويامه
ضاق الفضاء والبحر من ضيقة البيد=والحزن فـ ارض الصدر بناء خيامه..
يوم اعلن الديوان بالعلم الاكـيد=علمٍ مطر حزنه يسابق غمامه
وفاة نور الخير زبن المضاهيد=(اللي بلغ بالطيب ذروة سنامه)
مرحوم يانسل الكرام الاجاويد=مرحوم ياطود النعم ..والزعامه
مرحوم يارمز الفخر والتماجيد=مرحوم ياساس الوفا والشهامه
مرحوم يالعادل ,صدوق المواعيد=مرحوم يانبع العطاء والـكرامه..
مرحوم يالراهي بعيد المقاصيد=يابحر جودٍ مايقل احتدامه
مرحوم يامحنك وساطي وصنديد=مرحوم يالجازم عدو الرخـمامه
مرحوم يامخلد على الصيت تخليد=مرحوم ياابو الخـير والابتســامه
مرحوم ياسلطان سقم الحواسيد=مرحوم من قلبٍ قسى الضيق ضامه..!!
انعزي انفسنا بفقدك تراديد=ودمع السعودية يسيّل عدامه
نبكي ولو ان البكى ماجنى فيد=وندعي عسا الفردوس مسطن عظامه
وعسا العوض فـ آلـ السعود الصناديد=وسلطان ذكره حي..حتى القيامــة
..
عناد الشيباني
آخر تعديل عناد الشيباني يوم 23-Oct-2011 في 12:41 AM.