والله يلولا القصر والزرع والبير

[محمد الذيابـــي]

هذة احدى روائع الشاعر عبد المعين الثعلي العتيبي رحمه الله..

لاضاق صدري قلت يا قاسمت خير=سج القدم يمشي على غير داعـي
عديت للعالـي بعالـي النواضيـر=وادله ليا شفته على الحزم اشاعي
واسهر وساهرت النجوم الزواهيـر=لامايـجـي للفجر نور وشعـاعـي
قالو لي ادله قلـت ياهـل التفاكيـر=هاذي علوم اهل العـلوم الضياعـي
وانا مغير مولع القلـب يـا بديـر=اشري وابيـع مشترايـه وباعـي
والله مغير اصخر القـاف تصخيـر=تصخير مادوب العصا لين اطاعـي
ومن دق به مثلي هجوس وحواشير=يضيق به لـو الطريـق اتساعـي
امقابلـن خضـر الوداياالمهاجيـر=على حفافن بيـن حـره وقاعـي
والله لو ان الغرس والقصر والبيـر=تمشي على مافي هوايـه وناعـي
عن ديرتن فيهـا تـدب الجعاريـر=وفيها الدجاج وماشبه لـه يعاعـي
لشدوانزل فـي مـرب الخواويـر=وامشي مع الحزم السماح الوساعي
ليااختلـط نبـت الزهر والنـواويـر=غزيت في العبله عمود الشراعـي
غربن من النفرا جنوب المخاضيـر=شرقن من الفيضه شمال الكراعـي
ياويـل مرباعـن بهـاك النهابيـر=وياوي سلفانن بها القلـب ياعـي
تلقا بها سمـر البيـوت الدواويـر=سمر البيـوت مثولثـات الرباعـي
بأطرافهـا كنـه قصابـة جزازيـر=يفرح بها الطرقي لياأضرم وجاعي
واهي بيوتن متيهييـن المعاشيـر=ألاد روق أهل الطعـون الوساعـي
اللي ابهم شقـح البكـار المغاتيـر=ترعا بهم فالخوف من غيرراعـي
تلقابهـا شقـر البنـي الغنـاديـر=زرع القلوب لكـل قلبـن ولاعـي
اللي لهـن بمولـع القلـب تاثيـر=قسمٍ مـن البنـك الكبيرالزراعـي
واللي لهن من طب الامراض تقرير=تقريـر طـبٍ للقلـوب الوجاعـي
اخذتلي معهـم مطيـر ومشاويـر=ركضة جهل يوم الهلـع والدلاعـي
واليوم عنه اقفيت لوهـن مناحيـر=حسم ٍلحـل المشكلـه والنزاعـي
واقفيت عنه اقفاي ركب المعاييـر=واخذت من تالي المحبـه وداعـي
الا بحـب اللـي بنـاري مصاييـر=سمرن على جال المنـاره مقاعـي
يازيـن شبـت نارهـا للمساييـر=لجالهـم عنـدي عليهااجتماعـي
اخـذ بهـم زال الحيـاة التعابيـر=والا انها ماغيـر عبـر ومتاعـي
واسند عليهم في ليـال المعاسيـر=ويروح شبري في محطـة ذراعـي
والاهـي الدنيابربـح ومخاسـيـر=يـومٍ حدورويـومٍ الهـا ارتفاعـي
ولا كل طيرن ينتقلـد علـى طيـر=ولا كل من هام الشجاعه شجاعـي
ماينتقلـد بالـحـرار العصافـيـر=ولاينتقلـد بالقـرمـب الافـاعـي
لو قلدواشـيٍ علـى شـي تغييـر=مايتقلـد بالطبيـعـي صنـاعـي

التوقيع

التوقيع محمد الذيابـــي

[سنان الرمح]

الله يرحم عبد المعين


مشكور

[محمد الذيابـــي]

لا هنت يالغالي

[نيزك]

ولا كل طيرن ينتقلد علـى طيـر = ولا كل من هام الشجاعه شجاعي
ماينتقلـد بالحـرار العصافـيـر = ولاينتقلـد بالقرمـب الافاعـي
لو قلدوا شيٍ علـى شـي تغييـر = مايتقلـد بالطبيعـي صنـاعـي

هذا الصحيح

ياجعلك تسلم يالذيابي على نقل هذه الرائعه للشاعر عبد المعين الثعلي العتيبي

[محمد الذيابـــي]

مشكووور يانيزك,,,

[ذعير العالي]

صح الساااااااااااااااااااااانه

وسلمت يمينك يامحمد وشكراً

[مطر حمود]

والله لو ان الغرس والقصر والبيـر=تمشي على مافي هوايـه وناعـي
عن ديرتن فيها تـدب الجعاريـر=وفيها الدجاج وماشبه له يعاعـي
لشدوانزل فـي مـرب الخواويـر=وامشي مع الحزم السماح الوساعي
ليااختلط نبت الزهـر والنواويـر=غزيت في العبله عمود الشراعـي
غربن من النفرا جنوب المخاضيـر=شرقن من الفيضه شمال الكراعـي
ياويـل مرباعـن بهـاك النهابيـر=وياوي سلفانن بها القلـب ياعـي

الله يرحم عبد المعين


ويبيض وجهك يامحمد على النقل الطيب

[الغضنفر]

عـــن ديــرتــن فـيـهــا تــــدب الـجـعـاريـر وفـيـهـا الـدجــاج ومـاشـبـه لــــه يـعـاعــي


الله الله الله يامحمد اهجر هذي الاماكن واهلها وعليك بلبيت التالي


لـيـااخـتـلـط نــبـــت الــزهـــر والـنــواويــر غـزيـت فــي العبـلـه عـمــود الـشـراعـي

ودئماً رائع تنقل وتقدم كل ماهوا رائع

[محمد الذيابـــي]

ذعير العالي لاهنت,,

[محمد الذيابـــي]

,,


بيض الله وجهك على المرور المشرف يامطر,,