نصيحة .. نايف العتيبي

[نايف العبيد العتيبي]

يالبني آدم ترى عمرك قصير = لاتحسب إنّك مخلّد للأبد
وين أبوبكر وعمر وابن الزبير = والصحابة هو بقي منهم أحد ؟
وصفوة الصفوة مع أقوامٍ كثير = ماتكل صالوا وجالوا بالبلد
لا تكابر أو تعاند أو تثير = السماء فوقك وقيعانك جلد
لو تحب الشمس أو حتى تطير = من كلاليب القدر محدٍ شرد
لو ملاذك قصر وفراشك حرير = كل ابن أنثى قراره في لحد
صل فرضك وأقضب أرضك واستخير = واطلب الله لايضيّع لك جهد
لاتحرّى من زمانك وش يصير = لو تنكّر لك زمانك أو جحد
ازرع الإحسان وابذل كل خير = أجزل المعروف لاترجي مرد
عاون اللي يرتجيك ويستجير = ساعد المحتاج لا جاك ونشد
ولا تحقْر الطيْب لو كانه يسير = ضحكة حجاجك لضيفانك تسد
والمراجل مثل ( أجا ) دربه عسير = من رقاها يدرج اسمه بالسند
صاحب الأخيار تنعم بالمسير= وانبذ الأشرار وأصحاب الحسد
وان بغيت الشور دوّر لك شوير = لا تشير الضايع الغادي أبد
انتهز زهرة شبابك ياغرير = لاتطول ابك الأماني والأمد
العمر مثل الرحى بك يستدير = كم طحن قبلك من أقوامٍ مدد
والبني آدم على نفسه بصير = والمثل قد قال : من جد وجد !!

[نياف العضياني]

ماشالله تباااااااااااااااارك الله >>تف تف بسم الله
وش هللقاء هذا ماشالله عليك قصيده طيبه وبالقاء طيب


وضبطها بعد الايقاع مير تراني مرسله رساله خاصه شفها

[محمد عويض الثبيتي]

صح لسانك وبييض الله وجهك



تقبل مروري

[ابن عقاب الشمري]

صح لسانك يالعتيبي ..

وقصيدة جزله ,, وما يحتاج لك شهادة ..

[نواف العصيمي]

..

صح لسانك ياشاعر الشعراء وساحر الشعر ..



ولاهنت وإبداع


..

التوقيع

[نايف العبيد العتيبي]

لاهنت يانياف وصح كلك
/
حضورك شرفني واسعدني

دُمت بود

[نايف العبيد العتيبي]

محمد
لاهنت وصح كلك

/

حضورك شرفني واسعدني

دُمت بود

[نايف العبيد العتيبي]

ابن عقاب
لاهنت وصح كلك

/

حضورك شرفني واسعدني

دُمت بود