معاذيرالسماح..

[عيضه الثبيتي]

إليكم عشاق حرفي

بدون مقدمات

حمامة أشعاري على البعد ناحتك=على ضلوع ٍ مثل لَدن الغصوني!!
وحروف شعري يوم قفّيت صاحتك=صيحة صويبٍ ذاق حرّ الطعوني!!
أنا أشهد أن القلب كلّه مساحتك=ولا ضاقبك قلبي/ولو ضاق كوني!!
ياما معاذير السماح أستباحتك=هوّنتها لكن عيّت تهوني!!
أرجع لتفكيرك /وراجع رجاحتك=حتى جنونك يستوي مع جنوني!!
و كان الهبوب لطاري البعد ماحتك=وعيّت ضعونك لا تلايم ضعوني!!
أقرب..وأبي أسولف معك قبل راحتك=وأسْمعْ لاهنْت/وخاطري مايهوني!!
خلّك على خبري طليقه فصاحتك=أمون فوقك وأنت مثلي تموني!!
بأصارحك وأسمع كذلك صراحتك=ماهو صحيح..أبي بشر ما يبوني!!
و مدام همّي في هذا الوقت راحتك=باريّحك كانك تريِّح بدوني!!
وتعال أبا اكتب لك على كف راحتك=بيت ٍ يخلّد لي/ ويشفي غبوني!!
ماتذبحك من قمّة طويق طاحتك=تذبحك والله طاحتك من عيوني!!

أخوكم/عيضه الثبيتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[مرزوق حمدان العتيبي]

..

خـلّـك عـلـى خـبـري طليـقـه فصاحـتـك
أمــون فـوقـك وأنــت مثـلـي تـمـونـي!!
بـأصـارحـك وأسـمــع كـذلــك صـراحـتـك
ماهو صحيح..أبي بشر ما يبوني!!
و مدام همّـي فـي هـذا الوقـت راحتـك
بـاريّــحــك كــانـــك تـــريِّـــح بـــدونـــي!!

.
هنا التميّز هنا الدرر التي لايجلبها الا ابو فيصل
صح الله لسانكـــ


....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عناد الشيباني]

صح السانك

ودائما مبدع يالثبيتي..

[وصل الشهيب]

الأخ الشاعر

عيضه الثبيتي


صح لسانك والله

كل القصيده جميله ختامها مسك

ماتذبحك من قمّة طويق طاحتك=تذبحك والله طاحتك من عيوني

بيت ذو أبعاد

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[حسن إبراهيم الدجيماء]

ماتذبحك من قمّـة طويـق طاحتـك = تذبحك والله طاحتك مـن عيونـي!!

..
خلّه هو الخسران 100% ..
..
عيضه : صح لسانك وسلم بنانك
..
شاعر فوق النقد ومعاييره .. ماشاء الله
..
لاتحرمنا الجديد الله لايحرمك العافيه
..
في انتظاره بشغف وتلهّف
..
إحترام خاص لـ / عيضه !!

[محمد النخيش]

ابو فيصل لله دررررك لله دررررررك


والله انك تكتب الشعر على اصوله


والبيت هذا لحاله يكفي عن قصيده كامله


ماتذبـحـك مــن قـمّـة طـويــق طـاحـتـك
تذبـحـك والله طاحـتـك مــن عيـونـي!!



صح لسانك صح لسانك حتى ترضى يامبدع

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[ابن عقاب الشمري]

صح لسانك .. يا عيضه ..

مبدع مبدع بمعنى الكلمة ..

[فهيد مقعد الرويس]

وتعال أبا اكتب لك على كف راحتك
بيت ٍ يخلّد لي/ ويشفـي غبونـي!!
ماتذبحك من قمّـة طويـق طاحتـك
تذبحك والله طاحتك مـن عيونـي!!

صح لسانك ملاااااااااااااااايين

يابوفيصل

وسجلني واحد من جمهورك >>>بطل يقول شعر

لله درك هكذا الابداع ولافلا

تحيتي وتقديري

[عيضه الثبيتي]

مرزوق




شرفتنا الله يشرف مقامك

[ابو فايح]

ماتذبحك من قمّـة طويـق طاحتـك**تذبحك والله طاحتك مـن عيونـي!!



ماتذبحك من قمّـة طويـق طاحتـك**تذبحك والله طاحتك مـن عيونـي!!



ماتذبحك من قمّـة طويـق طاحتـك**تذبحك والله طاحتك مـن عيونـي!!




دره فريده


صح لسانك مليون

مبدع بكل ما تحمله الكلمه من معنى

التوقيع

عالم تويتر abofayeh@