الف مبروك ياعبد الله القثامي

[اللجنة الإعلامية]

منتديات عتيبه الهيلا لها الفخر ان تكون في خدمة ابناء القبيله
بشكل عام وتفرح وتبتهج بانجازات اعضاءها في كل المجالات
من هذا المنطلق.

علي مدا ثلاثه اشهر اقيمت مسابقه لفن المحاوره عبر الشبكه العنكبوتيه في احدا المنتديات الصديقه
تحت اشراف لجنة تحكيم مكونه من
رشيد الزلامي
مصلح بن عياد
محمد السناني
وكان الشاعر عبدالله القثامي عضو منتديات عتيبه الهيلا
طيله هذه المسابقه مثال شاعر الميدان الحقيقي واللذي صال وجال وانتزع المركز الاول بكل جداره وكانت النتايج

النتايج النهائية لمسابقة نقض وفتل على منتدى نقض وفتل.

المركز الاول:عبدالله القثامي

المركز الثاني:موسى الهذلي

المركزالثالث:علي المري (من دولة قطر)



وهاذي آخر محاوره في مسابقة فتل ونقض بين الشاعرين عبدالهادي المنصوري وعبدالله القثامي


عبدالهادي المنصوري :


حضرنا عند ابو سلمان مزبان الكرم والجود
سلام الله لكم من هاجس ٍ للعـب مرتاحـي
بعد قاد السحاب اللي تلاعبه هبوب النـود
وش اللي صار يابحر الخليج النايم الصاحي

عبدالله القثامي :

حضرتو يارجال المعرفه وفهود عند فهود
هلا يا مرحبا يادوب براق الحيا لاحي
تخيلون المخايل تحسبون اهل الديار رقود
ترا ما عاد تنفع سالفة سارق ومزاحي

عبدالهادي المنصوري :


ترا تباعة الدجال ما يرجـى وراهـم فـود
لكن المشكله كم لقمة ٍ في فـك تمساحـي
عيونك ما تغشك لو يجي فالوقت قدح ازنود
وقرن الوعل لا حس الخطر ناصيه نطاحي


عبدالله القثامي :


سنين طوال وايام وليالي والبرا مردود
ديرنا عن ديركم كلها مسرى ومسراحي
تجمعتو تبون الزود مير الزود لهل الزود
ولا شفنا لكم يا هل المواقف زند قداحي

عبدالهادي المنصوري


تقوله مير هذي ياالقثامي حكمـة المعبـود
ياعنك ان قاله الله جايكم قصاف الارواحـي
ليا عاش الضمير اوقبت الشعله براس العود
تبا تارد علاك اسهوم بقعا فالضحى الضاحي


عبدالله القثامي :


تحلم في الليال البيض والا في الليال السود
لاكن عقال سمحه يالثبيتي عند سماحي
ترى كل البيارق تنثني مع بارق العبود
وابو وجهين لا جاء مع هل الغاره ولا راحي


عبدالهادي المنصوري :

على خدك دموع الحزن والعالم علاك اشهود
الا ياسرع ما جاء للقلوب الغلـف مفتاحـي
ولا يابيرق العبود حالف بيرق ابن سعـود
سلا حك خابره فالحـرب جنبيـه وقداحـي




عبدالله القثامي :


على كثر الخشوم العوج عيت تروح البارود
غبينه والغبينه مالها دكتور جراحي
ثلاثه واربعه واربع طعش جلمود من جلمود
يشيلون العلم مير العلم تال الدهر طاحي


عبدالهادي المنصوري :



يا عبد الله تقول الصدق والواقع سموم كبـود
متى فوق الخشوم العوج اشوف الباب من لاحي
حقيقه واضحه وش تاخذ الصفره من العبـرود
وراس المال لا عـود لنـا عـذره فالارباحـي

التوقيع

اللجنة الإعلامية