شايب عمره 80 سنه( وقلبه خضر ) - الهيـــــــــــــلا *** منتدى قبيلة عتيبة

عبدالرحمن الهيلوم · 03-Sep-2008, 12:30 AM

بسم الله الرحمن الرحيم

السلام عليكم ورحمه الله وبركاته

بدايه القصه هي عن شايب اسمه حمدان هواوي ( قلبه خضر ) ما يشوف بنت الا ينفتن ومشهور بانه حبيب

فيه بنت مزيونه من بنات الديره الي هو فيها قالت في نفسها انا ليه ما اروح للشايب الي يقولون ان قلبه خضر ويحب البنات وامزح معه واضحكه شوي واشوف ردة فعله كيف تكون

راحت له وردت عليه السلام كيف حالك يا شايب رد السلام
وفجأه عطته ظهرها ومشت ولا استإذان ولا شي
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه

يـــقــول الــشـايــب

يا بنت خذي خاطري وارحميني =لا تجرحين العود بعيونك السـود
غضي نظرك وغطي الوجنتينـي =لعل يومٍ جدد الجرح مـا يعـود
يوم انتهى مع مرمسات السنينـي =جتني صواديفه على غير مقصود
باول شهر عشره نهـار الثنينـي =حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل

بسم الله الرحمن الرحيم

السلام عليكم ورحمه الله وبركاته

بدايه القصه هي عن شايب اسمه حمدان هواوي ( قلبه خضر ) ما يشوف بنت الا ينفتن ومشهور بانه حبيب

فيه بنت مزيونه من بنات الديره الي هو فيها قالت في نفسها انا ليه ما اروح للشايب الي يقولون ان قلبه خضر ويحب البنات وامزح معه واضحكه شوي واشوف ردة فعله كيف تكون

راحت له وردت عليه السلام كيف حالك يا شايب رد السلام
وفجأه عطته ظهرها ومشت ولا استإذان ولا شي
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه

يـــقــول الــشـايــب

يا بنت خذي خاطري وارحميني =لا تجرحين العود بعيونك السـود
غضي نظرك وغطي الوجنتينـي =لعل يومٍ جدد الجرح مـا يعـود
يوم انتهى مع مرمسات السنينـي =جتني صواديفه على غير مقصود
باول شهر عشره نهـار الثنينـي =حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل

ردت عــليه تــقــول

يا شايب الرحمن وينـك ووينـي =عزي لحالك قدمك الباب مسـدود
قلبك عطوف وجاه قلـبٍ متينـي =والبنت ما تشفق على مغازل العود
حبل الرجا مقطوع بينـك وبينـي =مثل الغليث اللي رعا قلبه الـدود
اقفى شبابـك والعـرب مقبلينـي =يا عود ما يرجع من العمر مفقود

حطمته يوم قالت له انك عود وان الشباب ما يرجع وان ما فيه امل حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يــقــول حــمــدان

يا بنت صـدي بالعيـون الظليلـه =لا صد عنـك الله نهـار القيامـه
مالي ومالك يالفـروع الطويلـه =لو فيك من رسم البـداوه علامـه
يابنت مـا لـي بالثمانيـن حيلـه =اهدف كما تهدف على البير قامـه
اقفى شبابي والدهر شفـت ميلـه =يالله حسـن الخاتمـه والسلامـه
اعطيك موجز والبضاعـه قليلـه =واخذت لك من صافي الماء سنامه

بعد فتره مرته مره ثانيه وردت عليه السلام وضيقت خاطره وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

يــقــول حــمــدان

يا بنت ما جاس الكبـر والخشونـه =وعادت شباب اليوم يجفل من الشيب
ياسرع ما وبلـك تمـزع مزونـه =يالفاتنـه يـا ام الثمـان الرعابيـب
يا بنت مـا بينـي وبينـك مهونـه =كلمة شرف نبي تحيـه وترحيـب
الله مـن عـودٍ ثقيـلـه طنـونـه =ينصاه راع المشكلـه والمواجيـب
على الكرم والديـن نفسـه حنونـه =تلقاه بالاجـواد شـرق وتغاريـب

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تــقــول الــبــنــت

العود عود وطايحـاتٍ سنونـه =من كثر ما يرقد على جرة الذيب
عودٍ مهرقل والعرب ما يبونـه =ياعود ما لك في طويل المراقيب
اقفى شباب العود راحت حتونه =مثل اليتيم اللي بكا ما له مجيب
جداه ينثر دمعـة ٍ مـن عيونـه =غريق موجٍ ما لقا له مقاضيـب

وانــتــهــت الــقــصـة عــسى ان تـنـال عـلى اعــجـابــكــم

منقووووووووووووووووووووووووووووووول