 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
09-Aug-2007, 11:44 AM
|
رقم المشاركة : 21 | |||||
|
صعصعه , التاريخ ألموثق عند ألمسبار ليتك تراجعه ودي ألقالك تفنيد لماورد فيه بما أنك تبحث عن التاريخ ألموثق , لكن ممايبدو ماتعرف تناقش نقول عطنا إثبات وتعود لكديميس ,
|
|||||
|
|
|
|
|
|
|
|
|
09-Aug-2007, 12:06 PM
|
رقم المشاركة : 22 | |||||
|
سبحان الله العظيم , ابوحمدان المقاطي , وشدليلك أنهم إمطير ناقشني بالعقل لوسمحت , وعلم إن الظلم عاقبته عظيمه , لدام عجران إبن أشرفي يقول قوم ولم يحدد هويت هالقوم يعني شي مبهم , وبن خثلان السبيعي يقول قوم , والشاعر الشمري يقول قوم , والمؤلف السبيعي يقول قوم , واحاديث السمر لعبد الله ‘بن خميس يقول قوم , ومن أدابنا الشعبيه لمنديل الفهيد يقول قوم , يعني قوم مبهمه غير معروفين بموجب هالمصادر هي ماترضيك يابوحمدان , أوسوالف هالعصر نقنع فيها وننسبها علي أللي نبي بدون مصدر , ابوحمدان القصه أنا ماجحدها لكن ألقوم ذولا ماهم مطير هداك الله يابوحمدان ,
|
|||||
|
|
|
|
|
|
|
|
|
09-Aug-2007, 10:56 PM
|
رقم المشاركة : 23 | |||||
|
بسم الله الرحمن الرحيم
والحمدلله على النبي الأمي الأمين وعلى آله وصحبه وسلم ((صل على رسول الله ياالشرقي)) .. أول شيء الظلم الله يبعده عنك وعني ونا خوك ولاهوب أنا اللي يظلم الناس ويتبهتهم .. واللي يظلم الناس ويحط علاهم شي ماهوب علاهم ..حتى لو صفقوله المهبل ماهوب معينن خير من ربه (افهم زين) وثانياالتاريخ برمته مايظلم أحد يعني تاريخنا وتاريخكم وتاريخ سبيع وغيرنا من القبايل حافظه التاريخ ومجوده عن أفكار الضعفاء من الرجال اللي ينتحلون أمجاد وأفعال الغير ويقولون حنا خلقنا الله معجزات في هالكون لهاالبشر أبد كل العلوم الطيبة مجتاحينها اجتياح أما الهزائم والغلبة ومايحصل في أيام العرب من هذا( مغلوب وهذا فيه وهذا فيه ..) فهذي معصومين منها والحمدلله ... فهل هذا يقبله عقل أومنطق ؟؟!! كلا .. ياالشرقي .. فكل قبيلة لها محاسن ولها مساويء ولايوجد على ظهر المعموره (رجلين عاقلين اثنين) ينكرون أو يجحدون ذلك.. والرجل وأنا خوك العاقل والفاهم لصغائر الأمور ولكبائرها كذلك .. يبتعد كل البعد عن الخوض في مثل هذه المواضيع ... لاأقول ذلك بأن (يخاف ويذل) أنه مايرد .. (لا ) بل أنه يترك الخوض فيها لئلا يتولد منها ماهو أدهى وأمر .. وأنت رجلوعاقل وتفهم هذا الشي أكثر مني .. ثم إذا كان الموقف حتم عليه المشاركة والرد فليجتنب (أسلوب المهاجمة والتكذيب دون أدنى دليل ..) وليكن رده وفق حنكة وسياسة الموقف وخاصة إذا كان رده حول المواضيع اللي تخص القبائل وفعولها.. ففيه مقوله حبذا أخذ العبرة منها وهي قولنا (كل قبيلة فيها حقها من رجالها) فهذه وأنا خوك قاعدة عامة ... أخيراً: يالشرقي ((أنا وأنت وغيرنا من الرجال العقّال في هذا المنتدى وغيره من المنتديات إذا مرّ علينا موضوع مثل هذه المواضيع ... نقرأها بتمعّن وبدراية سابقة لدينا ثم بعد إذن نحكم وأنا خوك على هذه المقول .. فبعض المواضيع بتقول لراعيها ((صدقت)) وبعضها بتقوله((كذبت وظلمت حظك يالمسيكين)).. لذا فالموضوع اللي كتبه أخونا (السبيعي) صحيح 100% وماهنا أحد يجادل فيه .. وهذا شي مفروغ منه .. تطرق إليه الكتاب (كتاب التاريخ) ودوّنت في كتب التاريخ الموثوقه "أمهات الكتب" وتناوله الشعار في أشعارهم .,. وقصّوها الشيّاب وكبار السّن في مجالسهم .. على الناس. ولا أرى جدوى الحديث فيه... ومادامك كذبت اللي قاله السبيعي ووثّقه ..بجزء يسير جداً من الوثائق .. فلاداعي للاسترسال فيه .. |
|||||
|
|
|
|
|
|
|
|
|
10-Aug-2007, 12:34 AM
|
رقم المشاركة : 24 | |||||
|
اللهم صلي علي محمد وعلي أله وسلم , وين التمعن والدرايه اللي تدعيها عن كتب التاريخ اللي ماقالت مطير بل قالت قوم ومبهمه غير معروفه , يعني بالغصب يصيرون مطير خف الله في نفسك و والله أنك مسائلن عنها يوم القيامه , تقول أمهات ألكتب أشر إلي كتاب واحد يقول اللي زبنو علي ألقبر إمطير .
|
|||||
|
|
|
|
|
|
|
|
|
10-Aug-2007, 11:59 AM
|
رقم المشاركة : 25 | |||||
|
بسم الله الرحمن الرحيم اخواني المطران بعد السلام انتم انكرتم ان الصمان من بلاد سبيع وانها والعجمان شركاء لكم فيه فمن باب اولى ان تنكروا زبنة المطران على قبر الشيخ فهيد بن مبارك الصييفي رحمه الله شيخ قبيلة النبطه من الخضران من بني عمر من سبيع بن عامر الغلباء والكذب مايهفي للاجواد ميزان ويكفي دليلا عليكم ما قاله الشعراء المحايدين من غير القبيلتين و منها قول الشاعر / الأشــعــل بن فـيـصـل الـخـريـصـي الـشـمـّـري : أهل البيوت اللي تعـز ّ العانـي = وسيوفهم سمّ (ن) على معاديها إبن الصييفي صيتهم نسمع بـه = عيال النبيطـي زبّنـت عانيهـا (اللي عقيد القـوم لاذ ببيته = قول وين فهيد ؟ يـا حاميهـا) (أنا دخيل فهيد لو هـو ميّـت = و بعض العرب ما يدخلك حييها) وكديميس العصيمي وغيرهم وذلك غير قصائد معركة البويبية وذبحت ابن زريبان و قد قال احد الشيوخ الشعراء من ال ابو اثنين شيوخ الجمالين: جونا العسوس ويذكرون المحادير قالو لقينا اللي حقوق مطرها من معرج السوبان لام العصافير واما ام عقلا مالقينا مطرها وحدر على الصمان لوقة مظاهير يوم ان كل هايب من مطرها ونط المشرف في طويل العثامير والنار في راس الطويله فقرها تغاوزنه جل ذود مغاتيـر نتبع هواها والصبي ماثبرها نرعى بها الصمان لاجا نواوير والفاطر السحجوج يزمي ظهرها وياملا حلا المسناد عقب المحادير لاطيرت غرز العشاير وبرها وتجمعوا عقب التفرق دواوير يوم الثريا دلبحت في بحرها يالله طلبتك سابق بالتياسير طويلة السمحوق هجر ظهرها سيقانها تشدا لهدف النواوير ولكن غزل الذيب يدخل شعرها وقال الشاعر المجدد محمد بن لعبون المدلجي الوائلي الصدق يبقى والتصنع جهالة والقد ما لانت مطاويه بتفال وانتم سالمين وغانمين الصدق والسلام آخر تعديل طنيان يوم 10-Aug-2007 في 12:44 PM.
|
|||||
|
|
|
|
|
|
|
|
|
10-Aug-2007, 01:44 PM
|
رقم المشاركة : 26 | |||||
|
ياطنيان ألشاعر المحايد يقول قوم هو فيه قبيله من مطير أسمها{ قوم }, ألقوم أسم شامل ومبهم وغير معروف لجميع الناس وبعدين ترجع وتقول كديميس , لدام سبيع أنفسهم وهم أهل الشأن في ذلك ألموقف واللي عايشوه ما قالو مطير , تعود وتقول كديميس يقول مطير هو أعرف من اللي عفو عن القوم , كديميس حي يرزق ونت أستنكرت علي أحد الاخوان في الموضوع السابق وقلت فلان حي يرزق لاعبرة لكلامه , مع العلم بأنه ماتطرق له بأي شي ولكن من التاريخ اللي ماهو معجبك , ياطنيان هداك الله قبيلة سبيع غنيه بمواقفها وأفعالها ولا تحتاج إلي تلصيق شي مبهم بقبيله عزيزه غنيه لاتمت للموقف هاذا بصله لا من بعيد ولا من قريب , ذكرتلك كتب وشعار من سبيع ماذكرت فبيله بعينها بل ذكرت وقالت قوم يعني شي مبهم , هل لديك جواب حول ألموضوع هاذا هاته ,
|
|||||
|
|
|
|
|
|
|
|
|
10-Aug-2007, 02:20 PM
|
رقم المشاركة : 27 | |||||
|
بسم الله الرحمن الرحيم ياالمطيري بعد السلام ارفع خشمها و لا تهايط انت و ربعك علينا سبيع بن عامر الغلباء متوارثة اب عن جد ان القوم هم مطير و مطير هم اقرب القبائل لقبر الصييفي و هم جيران سبيع من شمال و حدادهم و انا سالت الشيخ عبدالله بن خميس و قال القوم هم مطير زود على ما ورثناه و لا زلتم على طبعكم بالتدليس ففي منتداكم جعلتم القوم الفضول و قبيلة اخرى لم تسموها و جعلتموهم زابنين على قبر الشيخ ابن لامي قرب اللهابة و انكم فكيتوهم اكراما لابن لامي و سميتوا المكان رجم الفضول و اقول ان الذي ذبح ابن عروج شيخ بني لام هو الشيخ ابو اثنين قبل ان تنزلوا الصمان بزمن وهجرة الفضول عام 1150هجرية فارجوك كفاية تزوير و رد مهابيلكم عن تاريخنا و الا بيننا اللي ما تبونه يظهر و الشاعر كديميس العصيمي اخذ الخبر من سبيع و من القبايل المجاورة ما هو من بطنه و رفيقك المطيري يستشهد بالهطله و هو مطيري اما انا فاقبل الاستشهاد بكديميس لانه عتيبي و ليس سبيعي و كل القصائد اللي انا استشهدت فيها لفريس سبيع الغلباء اللي رعوا الصمان غصب على الزعلان و الحسيد كما قال الفارس الشيخ محمد بن حيلان الادغم الصميلي و هذه القصيدة للشاعر الشيخ صنيتان بن فيصل أبو اثنين يذكر فيها فعول ربعه سبيع بن عامر الغلباء مع الاعداء و هو فارس من فرسان الغلباء المشهورين الذين لايشق لهم غبار و يسندها على عبيد بن سعد أبو اثنين و يذكره بفــعـــول ربعه و جـــــدانه و القصـــــــيده يقول فيها ياعبيدهات من الدفاتر و الأقلام و اكتب تواريخ الجدود الكرامي تاريخ يبقى لليالي و الأيام للي رقوا بالمجد راس السنامي جدك مبارك شيخته قبل الأيتام من عقب تكسير الدلال الشوامي جدك مبارك شيخته مابها اوهام ابو اثنين اللي عليه الكلامي هو من ذبح بالسيف مقدم بني لام بسيف لابن ميثا شطير حسامي عن البن يانسل الكرام قد صام و افطر بابن عروج عقب الصيامي و على العوازم قدم الخيل قدام ثار لملفي و ادركه بالتمامي و اخذ ابثاره و ادركه عقب ماقام لين اهتنا عقب السهر بالمنامي ياعبيد هو من حارب الترك الأروام على قليب رماح صار الزحامي من ماكره أظهر زحازيح اصرام هم الشيوخ مسنعين الجهامي منهم صنيتان اللي للعدا دام حربه الين أدوا الكحيله ودامي تسعة عشر كون و هو يضرم اضرام نار الحروب و لاقبل بالسلامي يقود نمرا فعلها بالعدا سام زيزومها يزمي اليا جاه زامي ماهوب عن كثر المغازي بنوام قد قالها العجمي برد العلامي و ابن منيخر ذاكر فعل الاكرام قصيدته تشهد و فيها الأسامي ركبا لجا بالقبر عن أخذهم شام لجوا لقبر فهيد عند الزحامي لجوا لقبره موقنين بالأعدام و افتكهم حشمة لربع حشامي و ابن سعد فعله جلاء للاظلام أمجوز العزبان بأم الزمامي ماياخذ العقبه عليهم الياحام شيخ الفعول المتعبات الجسامي يا عبيد هو من صبح اعداه بحسام فوق أربعين و لارجع بانهزامي يابن سعد خذا الكحيلات باحكام بحكم السيوف اللي تفك اللحامي ياعبيد كان الطيب مقسم اقسام جدانك اخذوا منه خيار القسامي ياعبيد أبوجراح مافيه لوام و الصدق مايدخل عليه الملامي أمثبت فعله ولعداه لطام فعله ينور مدلهمات الظلامي لا جاء نهار فيه للموت سوام و ثار الدخن و الجو جاله عسامي يفرح به اللي طايح حدر الأقدام ليا صار ابو جراح عنه المحامي فكه بضرب يطرح الراس و الهام عن المتون وعادة له اشمامي هم ذمموا شايبهم الحكم بذمام و حكم لابو جراح عند الذمامي ليا جاء نهار فيه صولات و صدام يبين فعله في نهار الصدامي يا بن سعد خذلك براهين واعلام به يشهدون أهل الذمم والكرامي جدك محمد هو من فعل فعل غشام كم من طريح طاح من دون رامي أبو الشوش اللي على الخيل دحام هو مشبع طير السماء يوم حامي هات القلم واكتب ثمانية عشر عام بعد الثلاث ميه و الألف عامي يوم الصريف وقعة فيها الإمام فدا بروحه دون ولد الإمامي يشهد على فعله زحازيح حكام ابن صباح و الضيغمي بالمقامي كل شهد له بالعرب شرق و شام ياسعد من بالضيق هوله احزامي فعل لابوه و جده العود قدام ووريث مجد من خوال و عمامي ياعبيد هاجوسي على الشعر زوام لا شد في كور الذلول المسامسي أكتب و انا أملي لك تواريخ الأعمام اللي تعلوا فوق سحب الغمامي رغوان عمره سته وعشرة أعوام قاد الجموع و لا ألتفت للخمامي يقدم على جمع المعادين بحزام نمرا بها ربعه و نعم الحزامي شبل ظهر فعله و هو توه غلام يكسب و ياهب صيرمي قطامي متسلسلن من راس قادة و زعام اهل الخيول مروبعات الهوامي كم جمع روح من عقب فعله أحطام شيخ عداه تروح منه انحطامي ياما قصر من رايم دون مارام يدقم شباة اللي له مراد ومرامي شيخ عطيب الضرب للخصم زحام أبن الزحول مهجيين الهمامي شيخ على كسب النواميس عزام لينه تعالا فوق روس العدامي ياعبيد جدانك زحازيح وحشام معطيهم التاريخ كل أحترامي و لابن شبيب وثالث الربع ضرغام ثالثهم ابو عضيب ذاك الغلامي استشهدوا تحت البيارق والأعلام ورادة للموت ورد الحيامي هم من هل التوحيد و جنود الأسلام مع الملك في ضرب ذيك اللهامي أكتب تواريخ طويلات وجسام لربع رقوا في المجد لأعلى مقامي لابن شبيب فعول ماهيب بأحلام هم شنوا الغاره بكل اهتمامي من دفن شيوخ مثل ظلع الاسنام هم دفنوهم يوم صار احتدامي وراعي المنيصف ذايع الصيت همام عبيد المنعور راعي الكمامي يوم اللصافه رجع الطرش جزام و راح الخييلي عن يمينه عدامي قول لابن سرحان يبقى للاعوام يومن شهد لعبيد ماهوب كامي أسمع ترى فعوله كثيرات واعظام الصيعري نحره من الضرب دامي سجل تواريخ جديدات و قدام ترى الخلف مثل السلف بالتمامي و آخر جوابي يابن الأبطال و اختام أقبل تحياتي و صادق سلامي و يا مال الصدق يامطيري و انت سالم و غانم السلامة و النجاة و السلام آخر تعديل طنيان يوم 10-Aug-2007 في 03:00 PM.
|
|||||
|
|
|
|
|
|
|
|
|
10-Aug-2007, 05:49 PM
|
رقم المشاركة : 28 | |||||
|
بيض الله وجهك يالشرقي حشر في الزاويه للااخ طنيان
ياطنيان محد جحد انكم في الصمان حنا نجحد كلام المهبل اللي يقولون لمطير ( ربع الصمان ) بعدين التدليس والتحريف ماهو لمطير يالطيب لنا فعلنا وذكرناه يومنك شفت مطير تفخر بفعلها قلت تهايط ؟؟؟ لكن هذا ماهو موضوعنا هالحين الموضوع هو هل في قصايد السبعان ذكر ان قوم من مطير زبنو قبر الصيفي الله يرحمه هل في مصادر التاريخ الاخرى ذكر ان القوم المذكورين من مطير عندما تثبت هذا الكلام بدليل او قصيدة ثق اننا سنقول كفو ياسبيع وانا اقولها هالحين كفو ياسبيع بلا منه بس عطنا دليل وعطنا دليل من ابن خميس يسند كلامه في اي مصدر عشان تكون الصوره بينه وواضحه |
|||||
|
|
|
|
|
|
|
|
|
10-Aug-2007, 06:26 PM
|
رقم المشاركة : 29 | |||||
|
الأخوان ( عـونـي وخوالـي روق  الـشرقـي ) ..انـتـم مـالكم ألا قـصيـده تـثـبـت الـسالفـه ،،، وجـعلهـا وحـده أهم شي ذكرت مطير بـالأســـم : كـديمـيـس الـعصيمي يقول في قـصيـده ثـانيـه :أيضـاً كـديميـس : وإذا مـنـت مـقتنـع يـالمطيـري مـن هـالقصايـد ،، فـأنا الظاهر أحـاج وراعيـن جـبتلكم قصيده في اول رد لي عليكم وقلتو لا القصيده مهيب عاجبتنا وجب غيرها ثانيه وقلتو لا مهيب عاجبتنـا يعنـي تـصريـف لا اقـل ولا اكـثـر وجاب اخوي تالي الأوليـن قصيـدة الشمـري وهو شاعر محايد وقلتو هو يقول قوم الـسالفـه ذي حـتـى لو قالـو الـشعّـار قوم فالمقصود بهالكلمه ( مطيـر ) لأن كـل الـنـاس تـوارثـت هـالسالفـه من ابوانهـم وجدانهـم انهـا هالقبيله هي اللي زبـنـت على قبر الصييفي فالظاهر مـعاد يمديـك تلف بذيلك وتلعب بالتاريخ اللي راح واللي زبنو على القبر بـالتحديـد هم (((الـجبـلان مـن مـطيـر وعلى راسهـم الـشيخ ./ صاهود ابـن لامـي))) وارجـع اقـول الـمقصـود بـكلمة الـقوم هـم ( مطيـر ) والـكل يعرف هذا الـكلام .. وحـنّـا جـبنـا لـكـم كـم قـصيـده لــشعـراء مـحايديــن إضافـه على قصيـدة الـشاعر فـالح ابن حـثلان وبـالإضـافـه ايضـاً للـكتــب اللي ذكرهـا اخوي تالي الأوليـن والحيـن إذا انتـم على نفس كلامـكم فطقـو راسكم بالجدار والسالفه مثبته غصبن عليكم بالقصايد والكتب تحياتي .. آخر تعديل عامر بن صعصعه يوم 11-Aug-2007 في 07:25 PM.
|
|||||
|
|
|
|
|
|
|
|
|
10-Aug-2007, 06:43 PM
|
رقم المشاركة : 30 | |||||
|
وخـوذو مـعكـم هـالبيتيــــن اللهم لا شـمـاتــــــــــــــه آخر تعديل عامر بن صعصعه يوم 11-Aug-2007 في 07:24 PM.
|
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
