قـبيلـة سـبـيـع (( الـغـلـبـا )) سـبب الـتسميـه بالغلبـا ..!

[عامر بن صعصعه]

اشتهرت بعض القبائل بلقب تحمله كعتيبـه الهيلا ومطير حمران النواظر واشتهرت قبيلة سبيع بسبيع الغلبا

و سبيع .. واحدة من اعرق قبائل العرب ذات الامتداد الضارب في عمق التاريخ ، يشغل بنــــوها مساحات جغرافية شاسعة في المملكة جنوباً وغرباً وشرقاً وفي الوسط وسمّو بهذا الأسم نسبةً إلى أفعالهم


اشتقاق اللقب ومعناه : ـ

و هذا اللقب مشتق من كلمة غلب وتعني أخذ الشيء قهرا

	جاء في القاموس المحيط ص 155 : [ والغلباء من القبائل العزيزه الممتنعة ] 000 وفي لسان العرب 1/652 : [ والسادة يوصفون بأنهم غلب ] قال الشيخ حمد الجاسر رحمه الله في معجم قبائل المملكه 2/531 : ( الغلباء لقب لقبيلة سبيع تشمل فروع القبيلة ) .

***
***
***

الشواهد الشعرية 0


قال الشاعر زنيفر العبيوي المطيري/

قلته وانا مع سبيع الغلبا = ظهور السواني للقصير صحاح

وقالت شاعره من قبيلة عتيبه وقد جلا زوجها مع سبيع /

شوقي مع الغلبا سبيع اسندوبه = وانا ورى الصخه تنحرت خنزير

الصخه وخنزير موضعان في نجد 0



قال شاعر ابن عريعر يمدح شليّل المليحي يوم حارب الترك مع إبن عريعر وشاف فعله الساطع على الجميع :

يابو حميد الفعل فعل المليحي = اللي عزل بين الخوالد و الأتـــــــراك
حوّل بشيخ الروم حيّ ٍ يصيحي = في ساعة ٍ و الخيل صولات و إعراك .
من روس ( غــلــبــا ) متعبين النطيحي = هذا و مثله دوم يصلح لشرواك

قول الشيخ تركي بن حميد /

زيزوم (غلبا ) كل يومً تجرا = واطرافها تاطا الغبا و المشاريف

و مـن بالقصائد المعاصره : ـ

قصيدة مزيد السريحي المطيري بجاره إبن صـيـّـاح العزه /

( غـلـبـا ) سبيع اللي تروي السنيني = فوق المهار اللي تسالس حذاها .
يشهد لهم عود القنا و العرينــــــــــي = على ظهور الخيل في ملتقاهـا .

و يقول الشاعر / محمد دخيل العصيمي :

ولو شفت حي يوم جيناه زوار = ( غلبا ) سبيع أهل الوجيه المسافير .
لولا الزلل لاقول في كل الأقطار = ما جابن الخفرات مثل المناعير.

و يقول الشاعر مزيد بن حسن السريحي المطيري , في قصيده ثانيه , بإبن صيـّـاح /

( غلبا ) سبيع مروّية علط الأرماح = خيّالهم بالخيل ياخذ مساريح .
( غلبا ) سبيع أهل المروّه و الأمداح = أهل بيوت ٍ شيّـدوهن مداويح .

و يقول الشاعر الكبير / عبدالله بن عبّـار الفدعاني العنزي , بالشيخ / زيد بن ناصر المليحي :-

مجناه من صلب الرجال الصناديد = الابه اللي ينطحون النطيحي .
( سبعان ) يسقون المعادي من الكيد = ( غلبا ) ليا حل النهار القبيحي .
يوم السبايا حادرات و مسانيد = هذا صويب و ذاك خلّي ذبيحي .

* ديوان ( من سوالف التعاليل ) للمؤلف ./ عبدالله بن عبار العنزي .

************************************************** ***

اللي ذكرت سابقا ً قصائد القبائل الاخرى بلقب ( الغلبا ) لسبيع , والآن قصائد شعار سبيع :


قال الشاعر فهد ابن مخشوش الصميلي /

انا من الغلبا سبيع بن عامر = اهل الشجاعة والفعول الجزايل

وقال الشاعر خدعان المشعبي /

لعيون شول للغضا دهال = تبرى له الغلبا على الزلبات

0الشول الإبل والزلبات الخيل


يوم البدع عام 1237هـ بين سبيع و الترك , اللي ورد بتاريخ إبن بشر , يقول إبن ربيش العامري :

الروم جونا من شمال ٍ بصوله = من كثرهم ضاعت جميع الفكاير .
تنحـّـروا من روس ( غلبا ) قبيله = عوامر ٍ تسقي العدو المراير .

ومن القصائد المعاصره : ـ


يقول الشاعر شـبـّـاب بن باتل الصميلي .. رحمه الله :

( غلبا ) هل الردّات لاصاح صايح = ليا غدت جرد السبايا سفايح
كم فارسً خلـّـي على القاع طايح = بــمهــنـّد ٍ يشيل راسه و الأمتان

و قال أيضا ً :

( غلبا ) ليا ركبوا مهار شواحيف = ندوس غبات الخطر ما نحودي .

قال الشاعر الكبير دسمان ابن مناحي المحمدّي /

حنـا هـل الغلبـا سلايـل عامـر = ياناشـد عـن حيـنـا سبـعـان

قال الشاعر فالح ابن راشد ابن حثلان /

يـوم الحروب الطاحنه وايام ماضيـها شنـيع = عزاويّ الغلبا تدك البيـد وتهد الجـموع
ماردهـم قلة عدد اصغر فتى فيهم شجيع = يـارد حياض الموت ماعاش المذله والـخـنـوع
لاثارت الهيجا غنايمهم من عداهم قطيـع = غيـر الركايـب والمهـار اللـي علـى الصيـحـه تـفـوع

هاذي الأبيات نقطه من بحر , و الأبيات كثيره جدا حول هذا اللقـب



تحياتي لكم . ( مـنقول من منتدى سبيع )

آخر تعديل عامر بن صعصعه يوم 05-Oct-2007 في 08:26 PM.

[ابن وايل العنزي]

والنعم بسبيع.

بس سؤال وانا اخوك هل توجد علاقه بين سبيع الغلبا وسبيع الفخذ اللي

مع عنزة او بالأحرى احدى قبايل عنزة ولا مجرد تشابه اسماء انا متأكد ان

مافيه علاقه ومجرد تشابه

اسماء لكن انا ابي اتاكد زياده.

ولك الشكر.............عامر

[عامر بن صعصعه]

هلابك يبن وايل وما عليك زود يالسنافي

أمّا سؤالك عن قبيلة العنوز فهم بالأصل من القريشات من قبيلة سبيع ولكن جلا جدّهم برغش العسيلي من الهراسين من القريشات على أثر دم إلى قبيلة المصاليخ من عنزه وتزوّج من العنوز وبعد وفاته أشتاق ابنائه إلى ديارهم وعادو إليها وسمّو بالعنوز نسبةً إلى خوالهم وكان ذلك على وقت شيخ القريشات فيصل ابن ناصر ( حامي بيض الناعم في عـرق سبيع ) .

وهذي تفرعـات القريشات ومذكور فيها قبيلة العنوز وسبب تسميتهم وأنا ماخذها من منتدى القريشات :

	..( تـفـرّعـــات الـقريشــات ).. القريشات ينقسمون ويتفرعون إلى سبعة افرع رئيسيّـه وهم كما يلي : 1- الغوانمـة : ـ النواصر التركي الهزاع المنصور ــ ــ الهراسين (1) : : 7 2 ـ العنـوز :ـ الهواشين الـعـيـد الجغاثمـه البريـمـيـن { العنوز هم ذريـة برغش العسيلي من الهراسين من القريشات ، وقد جلى عن جماعته على اثر دم وعاش مع قبيلة عنزه في الشمال ، ثم تزوج امرأه من المصاليخ من عنـزه فأنجبت له أبناء عادو بعد وفاته إلى قبيلتهم وجماعتهم فلقّبو بالعنوز نسبه إلى امّـهم ، ويقال انهم عادو في بداية تولي الشيخ فيصل ابن ناصر شيخة القريشات } ــ ــ 3 ـ الـصبحـه :ـ الرمايين الخضاريين العليبات ــ ــ 4 ـ الـهوايجـه :ـ الـفـوزان الـدرمان ــ ــ 5 ـ الــشهمــــه :ـ الهماليـن القلافيـن الـسبعـان البراكين الهزازنــه البدره ــ ــ 6- المقاربة :ـ الجهايمـه العويضات السمان الهدفان الزرقـان ــ ــ 7 ـ الـعتـره :ـ المديبغ الحنيش الصقر الحنفان

اتمنّى انّي افدتك يالغالي

كل التحايا على مرورك الكريـم .

آخر تعديل عامر بن صعصعه يوم 05-Oct-2007 في 07:08 PM.

[عامر بن صعصعه]

_ ابن وايل العنزي _

لاتواخذني يالسنافي انا رحت يم عنوز سبيع احسبك تقصدهم

أمّـا سؤالك عن الصله التي بين قبيلة سبيع ( الغلبـا ) وقبيلـة ( السبعـه ) من عنـزه فهو تشابـه اسماء لااكثر ولا اقـل ولا فيه اي علاقه تربطهم ببعض

تحياتي لك واتمنّى انّي افدتك .

[ضنا ال شايب]

ونعم بالغلباء
عتيبة وسبيع من هوازن وكلهم وريثو هذا المجد
لا داعي لتفاخر بين الاخوه

[عامر بن صعصعه]

لاد سهـل _ ( ما عليك زود يالنشمي ، وشاكر لك المرور العطر والتشريف )

ونعم في ربعك السهول عيـال عمّنـا فهم كسّابة الناموس دايم

تحياتي لك .

[عامر بن صعصعه]

................................
ايقاف لمدة اسبوع وان عدت لسوء الادب فالطرد النهائي
الاداره

آخر تعديل عامر بن صعصعه يوم 06-Oct-2007 في 02:58 AM.

[النفيعي999]

.......... ايقاف لمدة اسبوع لعدم احترام المنتدى واعضاءه ....
الاداره

[شايع الهلالي]

........ انذار نهائي ....
الاداره

[ضنا ال شايب]

نفيعي وانت يسبيعي قسم بالله انكم ورعنه شاتاات عيب عليك انت وياه


الواحد منكم مفطر وشارب توت ومعبي بطنه وجاي يهايط على قبايل عزيزه قسم بالله مانيب منكم بس والله ثم والله مانرضاها لا على عتيبه ولا على سبيع الى خال والى اخو من ام والى عاني ارفعوها تكفوون


سبيع وعتيبه يكرمون عن هذي السوالف وفزعاتهم بين بعضهم تشهد

والحكي سوالف المحششين واجد هرطقات وهياط


الله يكرم عتيبه وسبيع عن هذي الاشكال