محاورة بين رشيد الزلامي وتركي 2000 في مهرجان المغترة الاخيرة( ابداع )

[راع العليا]

	محاورة قمة في الابداع من الطرفين والملاحظ كيف ان صنفرة الشعراء وهزبر الساحة رشيد الزلامي يقدح البيت في الراس فيصبه كسبائك الذهب لتخرج للمتلقي بأبهى الحلل بالرغم من سرعة البديه لدي هذا الغضنفر ابوجميل حيث لم يترك الصفوف يكملون البيت الا قال خلوها حيث انه احضر البيت التالي وهكذا..... لله درك يابوجميل ولاهنت الزلامي قوم ياتركي الالفين جر اللحن= السماء فيه غيمه والبحر فيه حوت كل واحد يحب يصير شاعر وطن= المصيبه خلف هذال عيا يموت تركي 2000 العلوم الجزيلة تنشرى بالثمن= لاتصوت وأنا واصلك من غير صوت الزلامي يابوخالد ذبحة الغبن=مير لة كرت أحمر من خيار الكروت الزلامي اصل مامعك من دنياك غير الكفن= انطح القوم قدام المراجل تفوت واحمدلله بعد جاتك بتالي الزمن= اعتبرها هدية من كبار البخوت تركي2000 ماتقاد الذلول الا براس الرسن= وانت مدري تعرف العلم والا يفوت يارشيد الزلامي لاتسوق الضعن= مايجي في المناصب غير قوم البشوت الزلامي كارثة كارثة منها الخواجة رطن= قالوا اسكت ياميدر قال صعب السكوت انت حطيت راسك بين وفد اليمن= مير يحتاج لك خنجر وعمة وكوت تركي2000 هكذا الوقت والأيام ماتنضمن =كم يهدم بيوت وكم يعمر بيوت وانت في ماضي الايام رحت لعدن= رحت من غير قوت وجيت من غير قوت الزلامي اشحنوها وجاتك عن طريق الشحن= واثبتوا معك حمران النواظر ثبوت ويش تاكل حلاوة ويش تشرب لبن= جاك وقت الدداسن راح وقت الفروت تركي2000 انت سببت مابين القبايل فتن= والمصيبة ما ضويت لك غتره وكوت

اتمنى ان تنال اعجابكم

[فتى وادي الرشا]

الزلامي وماادراك ماالزلامي........

الزلامي ماندور بديله


لاهنت ياراعي العليا على النقل الرائع للمحاوره

تحيتي لك

[لافيزي]

محاورة جميلـــة ولي فترة أدورها كتابية علشان أمخمخ عليها

الله لا يهينك يا لااع العليا

[الرتوعي]

الزلامي مصيبه والي يقابله راح بمصيبه
مثل ما قال سلطان الهاجري
وتقبل مروري يا راع العليا

[ابو شرف]

الله يطول في عمرك يالصنفره علي الحرام انك صنفره من جد..

[راع العليا]

اشكر لكم مروركم

تقبلوا تحياتي لكم جميعا

[السميــــــري]

كل واحد يحب يصير شاعر وطن المصيبه خلف هذال عيـا يمـوت
.........



كارثة كارثة منهـا الخواجـة رطـن قالوا اسكت ياميدر قال صعب السكوت


هذا الزلامي ..

أبيات يتعب كثير من الشعراء يجيدونهااا ...
صح لسانه .. ولسان المطيري ..
لاهنت ياراعي العليا ... على الجهد ..

[ابو فايح]

محاوره عالميه واعتقد ان الزلامي لم يضغط على تركي كثيرا لان تركي ليس ذلك اللشاعر الذي يحمض رشيد ولكن مارايكم في قول رشيد:
اشحنوها وجاتك عن طريق الشحن ** وثبتوا معك حمران النواظر ثبوت (هل يقصد قصائده في شاعر المليون؟؟)

التوقيع

عالم تويتر abofayeh@

[راع العليا]

المشاركة الأصلية كتبت بواسطة ابو فايح

محاوره عالميه واعتقد ان الزلامي لم يضغط على تركي كثيرا لان تركي ليس ذلك اللشاعر الذي يحمض رشيد ولكن مارايكم في قول رشيد:
اشحنوها وجاتك عن طريق الشحن ** وثبتوا معك حمران النواظر ثبوت (هل يقصد قصائده في شاعر المليون؟؟)

المعنى واضح اخوي العزيز ابو فايح

والدليل البيت القائل

انت حطيت راسك بين وفـد اليمـن = مير يحتاج لك خنجر وعمـة وكـوت


والمقصود وفد الشعراء بالمسابقة حين شاركت ياتركي الفين وانت لا تستطيع مجابهة شعراء المليون الحقيقيون.

بانتظار تحاليل كبار الشعراء

[ابو شرف]

يمكن يابو فايح ليه لا..