يا سلامي عليكم بعد طول الغياب

[علي فلاح العضياني]

يا سلامي عليكم بعد طول الغياب=من هجوسٍ يسر البال تعبيرها
بعد ما غبت كيف اخباركم يا شباب=والعلوم الثمينه ما نبا غيرها

التوقيع

(( رأس الحكمه مخافة الله ))

[ناصر المرشدي]

خلوهاااااااااااااااا

[أبو نجر النفيعي]

بعد ما غبت كيف اخباركم يا شباب
والعلوم الثمينه مـا نبـا غيرهـا

يامرحبا ومسهلا يالفالح ..

وحنا بخار ابشرك

وصح لسانك وصح لسان ناصر المرشدي مقدما ..

.

متابع

التوقيع

.....

[ناصر المرشدي]

استلم

مرحبا يالمسلم عد وبل السحاب=بعد ماودعت نفسك مشاويرها
نحمد الله نلبس من جديد الثياب=مايتعب يدينا غير ازاريرها

[ناصر المرشدي]

ابو نجر


يامرحبا ومسهلا وصح بدنك



لاعدمناك

[علي فلاح العضياني]

ابو نجر النفيعي


الله يبقيك ويسلمك




ولاهنت يالغالي

[علي فلاح العضياني]

البقا بك وطاب القاف والليل طاب=مار دنياك لا تامن مقاديرها
بعد ابو زيد غاب وغاب عنكم ذياب=اليدين البخيله لا كثر خيرها

[ناصر المرشدي]

استلم

طاب ليلي وليلك ياعزيز الجناب=في ميامينها والا مياسيرها
لو نحط النقط على حروف الكتاب=كل لحيه نقدرها بتقديرها

[علي فلاح العضياني]

كان ما انته بذيب اشهب كلتك الذياب=معظم الخلق مدري كيف تفكيرها
اكثر الناس ما نحسب عليهم حساب=كل سلعه نسعرها بتسعيرها

[ناصر المرشدي]

استلم

كم وطيت بقدم رجلي حيه وداب=والشياطين لاتنفخ مزاميرها
كان بينك وبين الشوف حال الضباب=اترك الضاميه تارد على بيرها