راشد السحيمي وسفر الدغيلبي

[أحمد المويعزي]

السلام عليكم



راشد السحيمي
سلام يالطامة العايل ليا عند وعال=قوم"ن"تحط مفطحات الحيل فوق صحونها
والله يالولا القدس ماوجهت وجهي للشمال=حتى يالو القدس ليه مصلحه من دونها

سفر الدغيلبي
يامرحبا ترحيبة"ن"ماتنتثمن بالريال=ماينتحدد شكلها ماينتحدد لونها
وجهت وجهك يمها والقدس تحت الاحتلال=معنين نفسك ولا ودي تخيب ضنونها

راشد السحيمي
يالله لعلك للبقا تعال اسولف لك تعال=قبل تحدد شكلها حدد لنا مضمونها
ما احبكم شياب عاد احبكم وانتم عيال=اجامل العتبان ماهو من سواد عيونها

سفر الدغيلبي
حنا نسوق الكيف الاشقر حسب مقدار الرجال=من فرها ياحرب لابده يعرف سنونها
لو حبكم كبر الجبال وبغضكم كبر الجبال=نبقى جبال المملكه واوتادها وركونها

راشد السحيمي
ما نسمع الا طقة الفنجال بحلوق الدلال=غلقتم القهوه علينا وانتم تذوقونها
هذا جزاي اني ذخرتك للمهمات الثقال=واليوم مانقدر نغسل يديك عن صابونها

سفر الدغيلبي
ماهي غريبه لو نجي قدامكم في كل حال=ارضو بالامر وقدرة المولى عظيم"ن"كونها
جدي خذاها يالسحيمي يوم ضرب"ن"بالسلال=وجدك يسوق الضان مع بدو"ن"تسوق ضعونها

راشد السحيمي
انتم مشيتو قدمنا لكن مافيكم ظلال=ناس تحرى منك خير الله يكون بعونها
جدك تراه ابن حلال وجدنا راع الحلال=واليوم حتى كلمة انته زين ماتبغونها

سفر الدغيلبي
اللي بعيد عن القمر يمكن يقول انه هلال=البعد هو ذبح ليلى على مجنونها
تربط مواثيق الكلام اشد من ربط الحبال=عطيتني كلمه وطاعه وش بلاك تخونها

راشد السحيمي
ترا القمر موجود مافيها جواب ولا سؤال=لكن دنيانا تقل متغير"ن"قانونها
عطيتكم كلمه واكررها عليكم لايزال=ان كان تبغون العرب يعطونكم تعطونها

سفر الدغيلبي
لو هي بكيفي بيني وبينك قطعت الاتصال=ازعجتني في شون ناس"ن"مايخصك شونها
انا عرفك حربي بعيد من الغدر والاحتيال=لكن كثير من الحروب قلوبها فبطونها

[سعيد مرزوق العبد]

يوم شاب ودوه الكتاب

صح السان سفر

[ماجدالخنفري]

عزالله ان سفر شاعر العصر وشاعر له شان كبير في ساحات القلطه


ياسلالالالالالالالالالالالالام يابوسعد


ماشاء الله تبارك الله


لاهنت يا احمد علي نقل هذا المحاوره

[قاسي العتيبي]

أحمد المويعزي
لاهنت وبيض الله وجهك
متميز دائما في انتقاءك للمحاورات القوية
صحت ألسنت الشعراء العمالقة راشد وسفر
أبو سعد ماشاء الله كل ماطال الطاروق تزداد قوة شاعريته

[عزارم]

سفر الدغيلبي
ماهي غريبه لو نجي قدامكم في كل حال=ارضو بالامر وقدرة المولى عظيم"ن"كونها
جدي خذاها يالسحيمي يوم ضرب"ن"بالسلال=وجدك يسوق الضان مع بدو"ن"تسوق ضعونها


سفر الدغيلبي
اللي بعيد عن القمر يمكن يقول انه هلال=البعد هو ذبح ليلى على مجنونها
تربط مواثيق الكلام اشد من ربط الحبال=عطيتني كلمه وطاعه وش بلاك تخونها

سفر الدغيلبي
لو هي بكيفي بيني وبينك قطعت الاتصال=ازعجتني في شون ناس"ن"مايخصك شونها
انا عرفك حربي بعيد من الغدر والاحتيال=لكن كثير من الحروب قلوبها فبطونها





ياسلالالالام رد صارم



صح لسانه ولسان راشد


شكر لك ياطيب

[الشوردي]

حتى الشعار بدو يحسون بالحرية والدمقراطية

طاروق ومعنى فايف ستار

[العنادي تو]

راشد السحيمي

ما احبكم شياب عاد احبكم وانتم عيال=اجامل العتبان ماهو من سواد عيونها سفر الدغيلبي

لو حبكم كبر الجبال وبغضكم كبر الجبال=نبقى جبال المملكه واوتادها وركونها

الله اكبر ياسفر الدغيلبي بيت فخر وعز مافيك حيله الله يعين الشاعر اللي يلعب معك

راشد السحيمي

ما نسمع الا طقة الفنجال بحلوق الدلال=غلقتم القهوه علينا وانتم تذوقونها سفر الدغيلبي

ماهي غريبه لو نجي قدامكم في كل حال=ارضو بالامر وقدرة المولى عظيم"ن"كونها

لكل من يشكك في العتبان وشعارهم يشوف رد سفر الدغيلبي وشلون


وانا اقول سفر الدغيلبي وبكل امانه مافيه الان شاعر يقدر يتفوق عليه


شوفو محاوراته مع السناني والهاجري كيف يكون خصم عنيد ومايقدرون عليه

الله لايلوم الشعراء يوم يتهربون منك

[محمدالنفيلي الحربي]

ما نسمع الا طقة الفنجال بحلوق الدلال=غلقتم القهوه علينا وانتم تذوقونها


يالربع ماهو تفسير هذا البيت

[ابو فايح]

مهما قلت عن الطاروق لن أوفيه حقه


طاروق عمالقه


طاروق فايف ستار


مبنى ومعنى

طاروق يسجل بمداد من ذهب في مسيرة الشاعرين


أبدع السحيمي في الفتل وقابله نقض قوي من سفر


لله درهم هذا اللعب والا بلاش
لاهنت يا احمد على النقل

[منصر الناصري]

انتم مشيتو قدمنا لكن مافيكم ظلال ههههههههههههههه يسرقون المعانني يالسحيمي
الله يسامحك بس محاوره فايف ستار بدع ورد شعار عمالقه لاهنت على الطرح يالطارح