قصيده ترحيبيه لها مناسبه

[سعد حميد الثبيتي]

هذه القصيده الترحيبيه قلتها في حفل خاص بمناسبة قدوم ربعنا الروسان وبصحبتهم الشغار في عزيمة خاصه لهم

يالله يامنزل على صحصح البيد = غر المزون اللي رعدها زهمها
غر المزون اللي مطرها تراديد = وجه البسيطه من غزيره وسمها
استبشرت كل الحزوم الجلاميد = بعــــد ان خلاق البرايا رحمها
نطلبك للاسلام عز(ن) وتمجيد = مكه وطيـــبه عز منهو خـــدمها
ونطلبك تهلك زمرة الشر والكيد = اللي على الاسلام طايش سهمها
اللي لهم عبر المحطات تهــديد = بركانها ثاير ويقــذف حـــممـــها
احد(ن)ليا منه غزى يكسب الفيد = غزيزته لن شافها مارحمـــهــــا
واحد(ن) يروم المجد ماله مناجيد = ضعيف من حاله وروحه سقمها
وانا غزيت وجبت من شرد الصيد = وعيني على الجزله وربي قسمها
رجلي مضريها على رقية الحيد = ودايم على الطالات محفي قدمها
هاضت هجوسي بالبيوت الشواريد = من شرد الافكار فكري رسمــها
جبت القلم والفكر حر(ن) بلا قيد = وصغت البيوت وفكري اللي نظمها
في ليلة(ن)تحسب كما ليلة العيد = واللي حضر فيها محلي طعــــمها
يامرحبا مليون ترحيب وازيد = باسمي واسم ربع(ن) شهيره حكمها
بقدوم قوم تفعل الطيب والجيد = روس الرجال اللي رفيــــــعه هممها
واخص من هو سدد العلم تسديد = وانهى جميع المعضلات وحسمها
محمد عريب الجد قرم الاواليد = السابقه فالمــــــــــــجد طيبه خطمها
فعله ينومس مالحق به مناقيد = فتل صعيبات الامـــــــور وبرمها
وفيحان ذخر الطيبين الاماجيد = من قوم يبطي خصمها ماخصمها
ياطيبهم حزات فتل السواعيد = والنار من مقباس رجل(ن) شعمها
فعـولهم قدم البرايا شواهـــيد = على الجبال الشم رفرف علـــمها
يفرح بهم من حز في رجله القيد = من عضته سود الليالي بفمـــها
ويفرح بهم من جا بصدره مناكيد = تبرى جروحه باستشاره قلمهـــا
البيض للشجعان صدر ومواريد = تنشر لهم فوق الجبـــــال وقممها
ومن دون قاصر فالنشاما وتعديد = اهل الوفا اللي دوم سابق كرمـــها
الله يعديهم عيـــــــــون الحــواسيد = اللي على الاجـــــواد زايد حدمها
وعداد ماورق سجع له بتـــــغريد = صـــــــــلوا على من بالرساله ختمها

آخر تعديل سعد حميد الثبيتي يوم 01-Dec-2010 في 09:45 AM.

[الصويت الثبيتي العتيبي]

صـــــــــح السانــــــــك يا ابو وسام

تقـــــــبل تحيـــــــتي وتقـــــــــديري

[سعد حميد الثبيتي]

شكرا لك اخي الصويت الثبيتي على مرورك العطر المشرف تقبل تقديري

[عناد الشيباني]

صح السااااااانك

قصيدة جزلة
من راس جزل

احترامي

[الفارق]

صح الله السانك

[سعد حميد الثبيتي]

الفارق وعناد لكما مني كل التقدير والاحترام دمتم بخير

[شاكر الثبيتي]

صح لسانك ياابوفواز

[وصل الشهيب]

الأخ الشاعر
سعد حميد الثبيتي

صح لسانك

كفو الضيوف والمضيف

تستاهلون

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[سعد حميد الثبيتي]

صح بدنك ياشاعر ثبيت لك مني كل التقدير والاحترام

[عزارم]

صح لسانك ياطيب