كبتن عتيبه =
سلام ياهل المنتدى..وأمَّا بعد=كلاً يشب النار من ولاعتـه!!
بيني وبين سعود ميعاد وو عد=لكن قولوا له يوقت ساعتـه!!
سعود البرقاوي=
يامرحبا بك يوم زاورت البلد=يالتاجر اللي جاء يشيل بضاعته
بينك وبين سعود حبل من مسد=عبر الجهاز اوحاك من سماعته
كبتن عتيبه =
العيد قرّب مير وش لـون العـدد=وابو طراطيع اشترى طرطاعته!!
والبرق شام وفالجنوب اسمع رعد=وسعود في قلبه تزايـد راعتـه!!
سعود البرقاوي=
اقول خلك من سعيد ومن سعد = واللي رضع يقعد على رضاعته
على طريق انكاس في يوم الاحد = شفتك سواة السبع وقت سباعته
كبتن عتيبه =
اللي يجيب الحجَّه بليَّا سند=على ماقالوا فالمثل :واضاعته!!
ماحداً درى بالخبل لن قام وقعد=لا تتبعون الخبل ياتباعته!!
سعود البرقاوي=
جاك الخبر من عند مصدر معتمد = صوتك سمعته والاذاعة ذاعته
آثرك ياكبتن تستريح وتستعد = وتشوف قلبك من ملف اشاعته
كبتن عتيبه =
وأنته بعد جتني ..علومك ياولد=مير اطلب الله والتزم في طاعته!!
اللي قبل يسبح بحره جده نشد=أشوى من اللّي منزقل في قاعته!!
سعود البرقاوي=
تبغى تصرفها وآشوفك تجتهد = وانته كما الزارع يحصد زراعته
اليا جحدت آقول ،، كالعادة جحد = واليا اعترفت اقول ،، بقعا لاعته
كبتن عتيبه =
ياصاحبي ياسعود ما فالحمض أحد=والبحر مايصعب على شراعته!!
لو تقعد تثاري بعلمك للأبد=الهرج ماهو فعل ياجماعته!!
سعود البرقاوي=
في ليلة ظلما وحزم مجرهد = فارس ولا ادري كيف شكل قلاعته
ياكبتن العتبان عندي مستند = وتشوف فيه ثناوته وارباعته
« آخـــر الـــمـــشـــاركــــات »
24-Nov-2009, 05:46 PM
العرض العادي
