ممدوح العطياني ( نجم الهيلا ) وعيضه الثبيتي طاروق عالمي

[ابو عاتق]

عيضه الثبيتي وممدوح العطياني ( نجم الهيلا )







عيضه الثبيتي

سلام رديه تمر اصحابنا مر الســــــحاب
مر السحاب اللي من القبله بروقه ساريه

وانته نبيك تويق يا ممدوح في روس الشعاب
وتعلم العربان وش كبر السيول الجاريه

ممدوح العطياني

يامرحبا بك بالنيابه عن عزيزين الجناب
ترحيبً يمرك مثل مر الظروف الطاريه

أبشرك حنا لبسنا من الثياب أغلى الثياب
يوم المشالح ماتجملها الثياب العاريه

عيضه الثبيتي

ياربعنا العتبان ماندري خطا والا صواب
اللي يمد يديه فحلوق السباع الضاريه

الحبر الاسود لا تحطونه على جناح الغراب
والكحل الاسود لا تحطونه بعين الجاريه

ممدوح العطياني

لولا السيوف اللي تقص رقاب وتعدل رقاب
ماكان حصلت العلم مرفوع فوق الساريه

المعذرة كنت أحسب انك ماتذل ولاتهاب
أثرك تعلمني !! تحسب الناس ماهي داريه ؟؟

عيضه الثبيتي

عز الله انّي ماحسبت انك سريع الانقلاب
يالين شفتك طرت قدام الرياح الذاريه

ياكبر جنبك مير ياممدوح جعلك للذهاب
عرضت جنبك يالعتيبي للرماح الفاريه

ممدوح العطياني

ممدوح تاجر يكسب الارباح يوم الاكتتاب
وأنته تتاجر وسط سوق العاريه والهاريه

تدعي عليه والدعاء المشبوه ماهو مستجاب
هذا دليل انك تحاول والعزايم زاريه

عيضه الثبيتي

الناس والله مالحقها شك في شلفا ذياب
اللي رقاب القوم صارت عقبها متواريه

حنا لعبنا بالسيوف الحدب من فوق الركاب
وانته من اللي روسهم داخت من الاتاريه


ممدوح العطياني

لو انت مثل ذياب كل الناس تحسب لك حساب
يمديك في السيل الكبير وذكرك ف بلغاريه

أطيب فعولك يالثبيتي في تويتر والواتساب
وين انت يوم ان العدى متناصيه ومباريه

[فهيد النفيعي]

محاورة بلاشك عالمية

صحت ألسنة الشعراء ولاهنت على النقل يابو عاتق

الجدير بالذكر أن هذه المحاورة جرت في منتديات مجالس البجادية

[راشد النفيعي]

شعار مبدعين ولا احد ينكر ذلك