حاكم الغنامي
يامرحبا ترحيب يمشي ليـن ياصـل منتهـاه=في غبة البحر الغزير وياخـذ اللولـو منـه
الموت بالسيف الحدب ياسعود اخير من الحياه=لاصار حاديك الزمن للقـوم والديـرة سنـه
سعود العصيمي
دام البقا ياشاعر ٍ فالشعر عـال ٍ مستـواه=والله يبارك في رجال ٍ صفهـم فالميمنـه.
الموت محد ٍ يقبله والعـز متعـوب عـلاه=والثانيه ليش العر ب دار الرجع تقفي عنه.
حاكم الغنامي
انته كبير المشرفين وكل رجلٍ لـه مـداه=والرجل مايلقا كرامه في وطن غير وطنه
بني هلال اللي تخايل ضوح برقٍ في سماه=مامنهم اللي مع لميع البرق ماساق ضعنه
سعود العصيمي
نبي نصدر حكم ياحاكم على روس الجناه=واللي يخالف منهج الدستور سيره ندهنه.
انا سمعت ان البلا من قدركم مدري غطاه=اللي يشب النار ويحـط اللحـم مازينـه.
حاكم الغنامي
الحكم لامنه صدر دارت على الحب الرحاه=وانا انتظر متى تدور ابه الرحاه وتطحنه
قال المثل ياسعود من دور على شيء لقاه=واليا لقيت العلم طلـع للرجـال البينـه!
سعود العصيمي
انته قريب من الدواء والجرح تعرف وش دواه=قل للطبيب ايعيـد لائحتـه وحقـه يضمنـه.
كل السبايب ياولد غنـام مـن حكـم القضـاه=واولهم اللي صار معه إ لسان مثل الالسنـه؟
حاكم الغنامي
كل اشقرٍ في القافله يالصاحب شداده زهاه=وانته تعرف انا نسكّن كل رجل بمسكنـه
الطيب اللي طاب صيته بين ربعه واخوياه=ماهوب لاجار الزمن دور لظلـع يزبنـه!
سعود العصيمي
الواجب ان الشعب لملوكه مايخلف عن ولاه=والريس ليااخطى لابد الشعب يبدون اعفنه.
من يغلي الغالي محد ينقص ياحاكم من غلاه=انا معك وانته معي والسمن عانه بصحنه.
ابوعيد
صح لسااانك وصح بدنك
وانا المستفيد بلا شك
والى لقاء اخر ان شاء الله.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
20-Mar-2011, 02:55 AM
العرض العادي
