ياسارح البال وين مسرح البال ؟؟؟؟؟

[سلطان الجـذع]

..
..
..

ياسارح البال وين مسّرح البال؟ =واكثر حضوره معك والا غيابه ؟
اخذ إلك من كيفنا المعروف فنجال =في مجلس للعرب ماصك بابه

[قوي العزوم]

الله الله
صح اللسانك
يالجذع شاعر ومبدع
وابنتظار
سارح البال

[مرزوق حمدان العتيبي]

اخذ إلك من كيفنا المعروف فنجال
في مجلس للعرب ماصـك بابـه
الله اكبر صح لسانك ياسلطان
وننتظر ابو سلطان وصح لسانه ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مرجح الميزان]

الله الله الله


ياسلطان؛؛

صح لسانك وصح لسان سارح البال مقدما



والوكاد اني في صفكككككككككك

[معجب العتيبي]

انشغلت مع المحاوره الثانيه يشهد الله مانتبهتلك ياسلطان

اعذرني وانا خوك واستلم لاهنت:

البال ياصاحبي سلطان ميال=ميال في دربه اللي ماغدابه
ولاجيت في مجلس اهل الجود مامال=خصاً لياصار واحد من عتابه

[معجب العتيبي]

قوي العزوم
مرجح الميزان
شرفتوني بمرورك وصحة ابدانكم

مرزوق العتيبي الشكر كل الشكر للمشرفين امثالك المتابعين
ومرورك شرف طال عمرك


سلطان الجذع والله اني افكربك من صلاة العشاء امس (وش دراك عني)

[سلطان الجـذع]

سارح البال /القلوب حول بعضها انا من البارح وانت على بالي
..
..

شفت الك فمعيسر الصمان مدهال =دار من الشر مايسقا ترابه
ان كان تبغى الخبر ياطيب الفال =عان الحياء من عفيف أليا الغرابه

[معجب العتيبي]

اللي يحب القنص والصيد يشتال=يشتال في جنبه الايمن زهابه
ويختارله من هل الميقاف عيال=حتى وحوش الفلا دايم تهابه

[سلطان الجـذع]

عذراً على التاخير يااستاذي

مااشوف في سدره الغرمول مقيال =وانته من اللي لهم قدر ومهابه
ويوم الزلامي وقف جنب بن هذال =هم الرفيعه شكت منه اللهابه

[معجب العتيبي]

هلا بسلطان
والله ياخوك الاسامي منوره وحنا برا
لكن القلوب هنا
استلم لاهنت:

ماحط في سدرة الغرمول منزال=لكنّ من مر في دربٍ مشابه
طريق الاجداد يمشي فيه الاشبال=كلام صدق ولد عمك درابه