حمود بن برجس =
ياسلام الله سلام ٍ يزيد النار نار = لين ننقض حجة البيت ولا نفتله
لو مجانين العرب دخلوها في شهار = كان ماشفنا حقوق الرجال مهمله
سعود العصيمي =
مرحبا ترحيبة تشمل الناس الكبار= من هجوسٍ كل نايف تجيه وتنزله.
ياطويل العمر بلشوا طويلين العمار = فالمجنن تفتح الباب مدري تقفله.
حمود بن برجس =
البقا .. وان كان تبغى الحقيقه باختصار = ما لمجنون العرب غير قفل وسلسله
يوم شفت القوم سوو على الديره حصار = قلت ليت سعود يرمي علاهم قنبله
سعود العصيمي =
الحقيقة واضحة كنها شمس النهار =والعوارف لالقت ميل واجب تعدله.
وانته المفروض تاقف وتصدر لك قرار ؟؟= والا انا مالي دخل كل رجلٍ وعمله.
حمود بن برجس =
انتظرت العد يصفى وطال الانتظـار=كل مايصفي يجي من يغثرب منهلـه
انت لو قلت لجحا لايجيب النا الحمار=كان مايلحقك لوم وعتب في المسئله
سعود العصيمي =
الورود تشوفها من يمين ومن يسار=كيف تبغى العد يصفي وورده مقبله.
ياحمود الثأر يبقى على اسمه ثأر ثأر=ماتغير سيرته متعبٍ حتى هله.
حمود بن برجس =
تدري انّا ماوردناه بحبال قصار=مار جتنا حملة ٍ بالحمول محمله
الوجيه الهافيه مالها قدر ووقار=رح وعلم به وجيه ٍ حياها تغسله
سعود العصيمي =
احسب إنك ياحمود الوكيل المستشار=قبل اشوفك واقعٍ في حبال المحبلـه.
لو يبور الوقت ماشفت فيه حمود بار=والوجيه الهافيـه فعلهـا مانفعلـه.
حمود بن برجس =
مستعد احط لجمالكم قيد وهجـار=مار اباك انته بنفسك تقوم وتعقله
انت رد العلم عنا ورد الاعتبـار=الكلام اللي سمعته عليك توصلـه .
سعود العصيمي =
حال مايعني الرجل خير اله منه الفـرار=وانت لو عندك عسل نحل شفنا المنحله.
ياحمـود الله يسلمـك دوّر علـم غـار=وانتبه تـرا المخيلـه عليـك مخيلـه.
حمود بن برجس =
لاتعذر دونهـم مايفيـد الاعتـذار=( لحية ماتقبل العذر ماتستاهله ) !
والله اني ما اقف الا معزه واقتدار=مار وش نعمل بمن موقفه ماجمله
سعود العصيمي =
لاجل قرب الدم وايضا لاجل حسن الجوار=ياحمود اسمح لي انـك حصلـك قلقلـه
مار سامحني وقل خار وابشر لك بخـار=العـوارف بينهـم ماتـدوم المشكـلـه.
حمود بن برجس =
من زعل في الحق يضرب براسه في الجدار=ماتكلمنـا لـجـل خـاطـرك مانزعـلـه
انت حط اللي حصل لـك بعيـن الاعتبـار=والوعـد مـن بيننـا فالليـال المقبـلـه
سعود العصيمي =
الحقيقه ماعلى وجهها الاصبح غبـار=مار انا مااقصّر الحبل للـي طوّلـه.
الرجال اللي تعرف البياض من السمار=راضيٍ باللي يقولون والفعل لاهلـه.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
07-Aug-2009, 03:32 AM
العرض العادي
