ماهي اجراءات اضافة الفخذ؟

[عتيبي وراسي مرفوع]

السلام عليكم ورحمة الله وبركاتة يا ابناء عمي الاحرار،

في بطاقة الاحول اسمي الرباعي واسم القبيلة "العتيبي" وارغب باضافة اسم الفخذ الحمادي او الروقي فماهي الاجراءات والاثباتات المطلوبة وهل تختلف الاجراءات اذا رغبت اضافة الحمادي عن الروقي؟

شكرا للجميع

[خلف العتيبي]

الله حيه...

وانا اخوك لازم تروح الأحوال المدنيه وتسأل...

بعدين أنت ترغب أنك تحذف كلمة العتيبي وتضع الحمادي أو الروقي؟

عموما الله يختار لك الي فيه الخير وترى اسمك زين محليته كلمة العتيبي...

تقبل وجهت نظري...

خلف الدعجاني...

[عبدالله الجـــذع]

خلها على العتيــبي ازيــن لكـ ..


ههههـ<<ملقوف

يابن العــم اتوقع انهم يطلبون دفتر العايله والبطاه الاولــه اللي هي الحاليه اللي معكـ الحين وبــس ..

بــس تأكــد..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عتيبي وراسي مرفوع]

خلف الدعجاني
عبدالله الجذع

مروركم شرفني وبيض الله وجيهكم على ردودكم.


للتوضيح انا ابغى اكتب في البطاقة الحمادي العتيبي او الروقي العتيبي ولا ارغب بحذف العتيبي لانها منورة البطاقة.

عندي سؤال.. هل كل عتيبي لازم يحط اسم الفخذ في البطاقة واللي ما يحط اسم الفخذ يعتبر شي مستنكر؟

شكرا للجميع

[البقعاوي الهاوي]

لا مهب لازم يحط اسم العتيبي انا ي بطاقتي مهب مكتوب العتيبي


سعود الحمين مه مكتوب ببطاقته العتيبي

[عتيبي وراسي مرفوع]

المشاركة الأصلية كتبت بواسطة البقعاوي الهاوي

لا مهب لازم يحط اسم العتيبي انا ي بطاقتي مهب مكتوب العتيبي


سعود الحمين مه مكتوب ببطاقته العتيبي

مشكور يابن العم وبيض الله وجهك.

انا اقصد اسم الفخذ. يعني اللي يكتب العتيبي بدون اسم الفخذ؟

[البعيـد النـايف]

على ما اعتق انه لازم تجيب واحد من اصولك (( ابوك , او جدك ابو ابوك)) او اعمامك او اخوانك يكون واحد منهم في بطاقته الحمادي العتيبي علشان يعدلون بطاقتك عليه اما سالفة تجي وتعدل من غير وثايق تثبت انك من الفرع الفلاني فعندي خبر انه ما يعدلون لك لو وحصلة عند واحد من عيال العم

هذا ودمتم

[عتيبي وراسي مرفوع]

المشاركة الأصلية كتبت بواسطة البعيـد النـايف

على ما اعتق انه لازم تجيب واحد من اصولك (( ابوك , او جدك ابو ابوك)) او اعمامك او اخوانك يكون واحد منهم في بطاقته الحمادي العتيبي علشان يعدلون بطاقتك عليه اما سالفة تجي وتعدل من غير وثايق تثبت انك من الفرع الفلاني فعندي خبر انه ما يعدلون لك لو وحصلة عند واحد من عيال العم

هذا ودمتم

مشكووور يابن العم وبيض الله وجهك

[المرهق]

اخذ العلم بلا برقاوي بلا روقي خلها العتيبي وبس

[عتيبي وراسي مرفوع]

المشاركة الأصلية كتبت بواسطة المرهق

اخذ العلم بلا برقاوي بلا روقي خلها العتيبي وبس

مشكور يالمرهق على النصيحة، والله ما حدني على اضافة الفخذ الا اني كل ما شاف احد بطاقتي قال وين الفخذ؟

يعني انت ما حطيت اسم الفخذ في البطاقة؟ او تعرف احد ما حطها؟

شكرا لك مرة اخرى