الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 28-Sep-2012, 12:25 AM رقم المشاركة : 1
معلومات العضو
محمد البرقاوي .
عضو نشيط

الصورة الرمزية محمد البرقاوي .

إحصائية العضو






التوقيت


محمد البرقاوي . غير متواجد حالياً

افتراضي سنين العمر

يالله ياللـي لطاعتـك الشهـر صمتـه
صمته وعنـدي خبربالشهروافضالـه

يـوم احتسـبتـه وبالأيمـان تمـّمـتـه
اطلب رضا خالقي وارجيـه واسآلـه

يغـفــر لعبـدٍ لحــود القبـر خــاتمـتـه
قدام يبعث وتكشـف صفحـة اعمالـه

مالـه رجــا غيـر مغـفـرتـه ومكرمتـه
وتوفيقه اللي جميع الناس تسعـى لـه

يقـولـه اللـي سنيـن العمــر عـلّمـتـه
وعاش التجارب وشاف الوقت واحواله

انـّه ولا شـي لوطـالـت مداومـتـه
يبقى على وضعه ويبقى علـى حالـه

شيٍ مـع الوقـت والخبـره تفـهّمتـه
وعشته مثل عيشة الطرقـي ومقيالـه

والشعرفالسـوق لابعتـه ولاسمـتـه
لوكان غيري يسوم ويرخـص ريالـه

الشعـر وهبه وتصـويره وترجـمته
تفـرض على الشاعـر يْصـونه ويشقى لـه

وانا قصيدي رفعت اسمـه وحشّمتـه
عـن هرجـةٍ بيـن شمّاتـه وعذّالـه

وقــدّام تقييـمـة النـقّـاد قيّمـتـه
وحدّدت نهجـه ومخراجـه ومدخالـه

من بين الابواب والاغـراض قسّمتـه
ولكل باب وغـرض طرقـه وموالـه

بـاب الفخـر فـأول الأبواب قدّمتـه
افخر بديني ونهـج المصطفـى وآلـه

وفي سكة النصح والارشـاد حكّمتـه
ما يطلـع الا معـه توجيـه ورسالـه

وان مر باب الغـزل سقتـه ونعّمتـه
لين يتسـاوى بـه المشتـاق والدالـه

وفالسـب والشتـم قيّدتـه وحجّمتـه
السـب والشتـم فـال الله ولافـالـه

والمدح له باب كـل النـاس فاهمتـه
مايمـدح الرجـل ليـن تبيّـن افعالـه

والرجل معروف من هرجه ومن صمتـه
هـرجه وصمته يحـدد ويـن منزالـه

والطيّب اللـي معـه خـيرٍ توسّمـته
اخـترته انمـوذج التوصيـف للحـالـة

تفـرح بهرجـه ليـا منـك تعلّمـتـه
الصـدق والمـعـرفة وزنه ومـكيالــه

عـلم وثقـافـة واساليبٍ مـلازمتـه
وتاصيل شرعـي واسـانيدٍ مـع اقوالـه

وتفرح بصمته لاشفت الثقل في سمتـه
اللـه عطـاه الوقـار وميّـز اشكـالـه

عقلـه و ثقلـة مـابين الناس خـادمته
واخـلاقـه الطـيّبـه وايضـا سعـة بالـه

هـذا هـو اللـي لياشفتـه تغانمـتـه
فـي مجلـسٍ فايـحٍ عـوده وفنجالـه

وان شاش شعري وجاب المدح مالمته
المـدح مطلـوب فـي هـذا وفامثالـه

محمد البرقاوي















آخر تعديل محمد البرقاوي . يوم 28-Sep-2012 في 12:37 AM.
رد مع اقتباس
غير مقروء 28-Sep-2012, 06:30 AM رقم المشاركة : 2
معلومات العضو
فيصل مطر
شــــاعــر

الصورة الرمزية فيصل مطر

وسام نخبة الشعراء 
إحصائية العضو






التوقيت


فيصل مطر غير متواجد حالياً

افتراضي

صح لسانك

شكرا

لمشاركتك الجميله

لاهنت















التوقيع
صاحبي عوده ليان أليا ثنيته=مودمين كنه الداب يتلوى
مودمين طول عمري ما لقيته=مالقيته في عيال آدم وحوى
والجديل الي عليه الياء رميته=قام يسترسل طويله ويتطوى
(فيصل مطر)
رد مع اقتباس
غير مقروء 30-Sep-2012, 10:20 AM رقم المشاركة : 3
معلومات العضو
حمود بن خيشوم العصيمي

رابطة محبي الهيلا

إحصائية العضو






التوقيت


حمود بن خيشوم العصيمي غير متواجد حالياً

افتراضي

لاجديد غير الجزاله والابداع

الشاعر /محمد الرقاوي صح لسانك















رد مع اقتباس
غير مقروء 08-Oct-2012, 01:30 AM رقم المشاركة : 4
معلومات العضو
محمد البرقاوي .
عضو نشيط

الصورة الرمزية محمد البرقاوي .

إحصائية العضو






التوقيت


محمد البرقاوي . غير متواجد حالياً

افتراضي

اقتباس:
المشاركة الأصلية كتبت بواسطة فيصل مطر مشاهدة المشاركة
صح لسانك

شكرا

لمشاركتك الجميله

لاهنت
صح بدنك
تشرفت بمرورك الكريم وإطراءك العطر















رد مع اقتباس
غير مقروء 12-Oct-2012, 11:32 PM رقم المشاركة : 5
معلومات العضو
عثمان الثبيتي
شــــــاعــــر
الوسام الذهبي 
إحصائية العضو






التوقيت


عثمان الثبيتي غير متواجد حالياً

افتراضي

محمد عجزت اقتبس بيت كل بيت يقول انا هنا

لله درك ايها المبدع

هكذا الشعر والا فلا


لافض فوك















التوقيع


انكان طاب الوقت وانكان ماطاب=مايختلف نهج الشجيع وطموحه

اما اقبلوني هكذا سلب وايجاب = والا ودعاً والعذر والسموحه

اذا انقفل باب انفتح غيره ابواب = وكلً على ما قالوا ادرى بروحه
آخر تعديل عثمان الثبيتي يوم 12-Oct-2012 في 11:36 PM.
رد مع اقتباس
غير مقروء 13-Oct-2012, 01:02 AM رقم المشاركة : 6
معلومات العضو
حاكم الغنامي

مشرف منتدى المحاوره

إحصائية العضو






التوقيت


حاكم الغنامي غير متواجد حالياً

إرسال رسالة عبر مراسل Yahoo إلى حاكم الغنامي
افتراضي

صح لسانك يامحمد

جزل ولاتجيب الا جزل















التوقيع
سبحــــان الله وبحمدهـ

hakem81@live.com
رد مع اقتباس
غير مقروء 13-Oct-2012, 08:16 PM رقم المشاركة : 7
معلومات العضو
عبدالرحمن المبطي
عضو نشيط
إحصائية العضو





التوقيت


عبدالرحمن المبطي غير متواجد حالياً

افتراضي

بـاب الفخـر فـأول الأبواب قدّمتـه
افخر بديني ونهـج المصطفـى وآلـه


محمد البرقاوي صح لسانك حتي ترضي

كل بيت اجمل من الذي بعد ه ولكن عند المقارنه

وجدت الدين هو الجامع لذالك كله وهو اصل الفخر وسنامه

تقبل مروري















رد مع اقتباس
غير مقروء 16-Oct-2012, 08:41 PM رقم المشاركة : 8
معلومات العضو
محمد البرقاوي .
عضو نشيط

الصورة الرمزية محمد البرقاوي .

إحصائية العضو






التوقيت


محمد البرقاوي . غير متواجد حالياً

افتراضي

اقتباس:
المشاركة الأصلية كتبت بواسطة حمود بن خيشوم العصيمي مشاهدة المشاركة
لاجديد غير الجزاله والابداع

الشاعر /محمد الرقاوي صح لسانك
صح بدنك
تشرفت بمرورك الكريم ياﻷمير















رد مع اقتباس
غير مقروء 19-Oct-2012, 02:33 AM رقم المشاركة : 9
معلومات العضو
محمد البرقاوي .
عضو نشيط

الصورة الرمزية محمد البرقاوي .

إحصائية العضو






التوقيت


محمد البرقاوي . غير متواجد حالياً

افتراضي

اقتباس:
المشاركة الأصلية كتبت بواسطة عثمان الثبيتي مشاهدة المشاركة
محمد عجزت اقتبس بيت كل بيت يقول انا هنا

لله درك ايها المبدع

هكذا الشعر والا فلا


لافض فوك
مرور كريم من شخص عزيز
شكرا شكرا على اﻷطراء
تحياتي















رد مع اقتباس
غير مقروء 22-Oct-2012, 09:45 AM رقم المشاركة : 10
معلومات العضو
شفاي ابن بشيّر
عضو
إحصائية العضو





التوقيت


شفاي ابن بشيّر غير متواجد حالياً

افتراضي

صح لسااانك يامحمد البرقاوي

قصيده روحانيه من شاعر جزل

تقبل مروري















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:44 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي