قصيدة كديميس العصيمي.. في مدح عتيبة - الهيـــــــــــــلا *** منتدى قبيلة عتيبة

فرهــودي · 15-Dec-2002, 09:00 PM

احضرت لكم هذه القصيدة الجميلة جدا لكديميس بن صالح العصيمي.. ومناسبتها مناسبتين :
أولا : ان فيه ناس استنقدوا الشاعر كديميس وقالوا له بما ان شعرك جزل ليش ماتستفيد منه وتمدح فيه الامراء وغيرهم وتاخذ عليه دراهم .. احسن لك من قصيد الهجاء.. (لان كديميس وقف امام كل شعراء القبائل وتصدى لهم -واللي يبا يعرف اكثر يسأل الشيبان عن قصايده مع مطير وحرب-).

ثانيا: عندما كانت الاشعار متبادلة بين شعراء حرب والروقة .. فزع كديميس مع الروقه.
وقالو حرب: وش اللي مكلفه يفزع مع الروقه.
واليكم القصيدة التي يفخر بها كل من ينتمي لقبيلة عتيبة:

[poet font="Simplified Arabic,4,black,normal,normal" bkcolor="transparent" bkimage="backgrounds/4.gif" border="outset,4,gray" type=0 line=200% align=center use=ex length=0 char="" num="0,black" filter=""]
هات القلم ياللي تجيد القراية = واكتب على الصفحة بيان(ن)بتفصيل
للي حذف بي هرجة(ن) في قفاية = والهرج له راوي وسامع وتسجيل
وياللي تبي رايي تبيع(ن) لراية = وتقول برنامجك محتاج تعديل
قله ترى مانيب شاعر دعاية = ولا آخذ على نظم القوافي محاصيل
ومالي بترويج القصايد هواية = ومالي هدف في كثرت القول والقيل
انا اليا زادت علوم اخصمايه = وكثرت في صندوق البريد المراسيل
رفعت لي من بين الأعلام راية = وللبيت عمدان وللحرف تحليل
وضربت من بين العيون بعصاية = لابان غيض أهل القلوب المغاليل
[/poet]

حتى قال..

[poet font="Simplified Arabic,4,black,normal,normal" bkcolor="transparent" bkimage="backgrounds/4.gif" border="outset,4,gray" type=0 line=200% align=center use=ex length=0 char="" num="0,black" filter=""]
قومي هل المعروف واهل الرعاية = للواجبات اللي عليهن دواليل
عتبان يزبن لهم كبير الجناية = اليا مالقى عند القبايل مداخيل
شرقي منازلهم بلاد الفوايه = وغربي منازلهم بلد محبس الفيل
وفيهم الى شان الزمان ارتكاية = وقت القسا مثل الجمال المحاميل
اليا صار في بعض الرجال التوايه = تبينوا لمدور البن والهيل
وحير(ن) عليهن الشحم تقل صاية = وكلامنا احلى من شراب الشهاليل
ويكفي عن الشرح كثير الرواية= مصادر التاريخ فيه التفاصيل
ومدامهم قومي وساس انتمايه = وعضدي الى صكت علي المحابيل
وشلون اجنّب عن طريق اعضداية = والدرب مرفوع وعليه القناديل
ومن لا اهتدى بآثار الأقلام تايه = اللي تقص اخبار جيل بعد جيل
للمهتدي يبين درب الهداية = والمنحرف لو هو يعطى درابيل
يمشي على عمياه حتى النهاية = والى انتهى دارت عليه المحاحيل
عميت ماخصيت راعي الحكاية = وان عاد علمناه من ساري الليل
[/poet]

=-=-=-=-=-=-=-=-=-==-=-=-=-=-=-=-=-=-
المصدر احد اشرطة كديميس العصيمي

تقبلو تحياتي،،
[poet font="Simplified Arabic,4,white,normal,normal" bkcolor="transparent" bkimage="" border="groove,4,gray" type=0 line=200% align=center use=ex length=0 char="" num="0,black" filter=" glow(color=sienna,strength=5)"]
المتواصل معكم:
نسيم الليل
[/poet]

ابن مشيب · 16-Dec-2002, 06:35 PM

عزالله انها قصيدة قوية بيض الله وجهك يانسيم الليل وانا اوئيدك على ردك وكلامك صحيح.

راعي الابل · 20-Dec-2002, 04:37 AM

يعطيك العافيه على اختيارك للقصيده
وكلامك مع الاخ فكاك في محله
وعزالله صدقت في كل كلمه قلتها
وارجو من الاخ فكاك ان يتفهم الوضع

سلاطين نجد · 12-Jan-2003, 11:12 PM

اخوي نسيم الليل تسلم وصح لسانك .... وحنا هنا في منتدي يجمع ابناء عتيبة مهوب يفرقهم ....
اما بالنسبة للشاعر كديميس فهو من شعراء عتيبة اللي نفتخر فيهم وفيه قصيدة من قصايد كديميس تسمى المحدار وهي تتكلم عن نزول قبيلة عتيبه من الحجاز واستقرارها في نجد فياليت اذا كنت تعرف القصيدة او احد الا خوان يعرفها تنشرونها في المنتدى ..... والف شكرا

ولد مجري · 13-Feb-2003, 02:27 AM

الى ابناء عمومتي من روق وبرقا

اشكر اخي نسيم الليل على قصيدتة التي دلت على عدم تحيزه انما عرف

انهم كلجسد الواحد اما بنسبه الى اخي فكاك الجهامه اقول له اقدر شعورك

على ما بدر من بعض الشعراء من اساءه ولكن كان من الطرف الثاني كذلك

ولا نريد ان نقول كذا وكذا , ولكن نريد ان نقول نحن اخوه ما اجتمعنا

في هذا المنتدى الا ان نتكاتف ويصير اسم عتيبة هو الذي يجمعنا بعد

كلمة لا له الا الله .

مكان قد حدث ,قد حدث .....ننسا ولا نفرق بين روق وبرقا وهم واحد.

ولانكثر في ذلك, ونبعد قضب المشاحنات...............

فالمنتدى هذا يجمعنا على المحبه ويكبر رابطة الحمية والمعزة لربعنا

من روق وبرقا..................... والعذر باني قد اطلت عليكم , انما لمصلحة

الجميع............................................ ....

اخوكم / ولد مجري

@@@@@@@@@@@@@@@@@@@@@@@@@@@@@@@
@@@@@@@@@@@@@@@@@