كل عام وانتم بخير

[جمال منير]

السلام عليكم ،،*
وكل عام وانتم بخير

ياعيدنا اللي ننتظر جيّتك عام
باقي عليك أربع وعشرين ساعه


ونستقبلك بـ ورود وشموع وانغام
والبال مستأنس بشوف الجماعه


لـ غرّد القمري وهبن الأنسام
والصبح زاح الليل طلّة شعاعه


ونعيد حلو الماضي بـ ذيك الايام
يوم الوفا مزروع فينا زراعه


ونسامح المخطين ونواصل ارحام
لابارك الله فالهجر والقطاعه


ونزاور المرضى ونحسن للأيتام
واللي عليه الكون ضاق اتّساعه


حنا عرب نمشي على دين الإسلام
للمصطفى تبّاع نرجي الشفاعه


العمر فاني .. غير ربي فلا / دام
يارب نرفع لك كفوف الضراعه


يامحيي عظام ومميتٍ لك عظام
اجعل خواتمنا على حسن طاعه*


وسلامتكم ،،

[محمد الذيابـــي]

صح لساااانك



وكل عام وانت بخير

والامه الاسلاميه بخير

التوقيع

التوقيع محمد الذيابـــي

[فهد العازمي العتيبي]

صح لسانك ولاهنت

وعيد مبارك على الجميع.

[جمال منير]

السلام عليكم

،
استعجلت فالنشر .. هذه القصيده بعد الاضافه ،،،

ياعيدنا اللي ننتظر جيّتك عام
باقي عليك أربع وعشرين ساعه

ونستقبلك بـ ورود وشموع وانغام
والبال مستأنس بشوف الجماعه

لـ غرّد القمري وهبّن الأنسام
...والصبح زاح الليل طلّة شعاعه

ونعيد حلو الماضي بـ شوق وهيام
يوم الوفا مزروع فينا زراعه

أكبر طماعه نلبس شماغ بسّام ،
وساعه وخاتم فضي اصغر طماعه

ماعندنا ضيقات وهموم واحلام
ولـ حدٍ شكى محتاج فحصٍ واشاعه

الله ياسرع الليالي والأيام
عشرين عام وكنّها نصف ساعه

ياما صدفنا من محبين واخصام
على الثرى واليوم من تحت قاعه

ياناس: انا منصح وعندي خبر هام
قدّام يقرب وقتنا من ضياعه

نسامح المخطين ونواصل ارحام
لابارك الله فالهجر والقطاعه

ونزاور المرضى ونحسن للأيتام
واللي عليه الكون ضاق اتّساعه

حنا عرب نمشي على دين الإسلام
للمصطفى تبّاع نرجي الشفاعه

العمر فاني .. غير ربي فلا / دام
يارب نرفع لك كفوف الضراعه

يامحيي عظام ومميتٍ لك عظام
اجعل خواتمنا على حسن طاعه


وسلامتكم ,,

آخر تعديل جمال منير يوم 18-Aug-2012 في 10:49 AM.

[فيصل مطر]

وانت بخير وصحه وسلامه


وصـح لـسـانـكـ

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[راعي القوافي]

صح لساااااانك مليون ولاتهون