دوروا قبر 'الدجيما' وحطونـي معـه.

[شاعر زمانه]

السلام عليكم ورحمة الله وبركاته
.
أبيات أتمنى أن تنال رضاكم،
.
.
.
.

.ليتنـا والله سمعنـا كـلام العاذليـن=كود يبقى داخل العيـن دمعـن تدمعـه
مانصـدق يـوم كنـا بخيـر وطيبيـن=كل ما هب الهوى في اتجاهـه نتبعـه
لين صرنا في حساب الليالـي منتهيـن=ولعبت بالحال نظـرات كـل مبرقعـه
عقبها صرنا عـواذل سـواة الأوليـن=تجربة عمرن تضر الفتـى مـا تنفعـه
مير تبقى عبره لكـل رجالـن فطيـن=ولا تفيد اللي سواتي ليـا زاد وجعـه
ذكروا هالعاصيه في عذاب السارقيـن=ضاع صوتي دونهـا كنهـا ماتسمعـه
لينة عـود وعنيـده وعيـت لا تليـن=قلبي اللي روحت بـه لـزوم ترجعـه
كنت أقول من الهوى مايموت العاشقين=يكذب اللي قال ماتوا ثلاثـه وأربعـه
لين جاني من طرف نور عيني ضربتين=ضربتينن دكت أسوار قلبـي موجعـه
واعترفت ان النهايـه بدايتهـا الونيـن=وان أخس الطرق خط القصيم المجمعه
كان جا موتي كذا ! ماله أسبابن تبيـن=لا تودونـي طبيبـن يهمـز باصبعـه
ماش موت بلا سبب يا وجيه الغانميـن=دوروا قبر 'الدجيما' وحطونـي معـه.

[الروقي فواز]

شاعر يالغالي

وكلمة الحق تنقال


وان طعت شوري

اكتب باسمك الحقيقي

هالموهبه الجميله

لازم تقرن باسمك الصحيح

وان كتبت على هالمستوى راح يكون اسمك مع الاسماء الجميله فى

الساحه الشعريه

تقبل اصدق مشاعري

وصح الله لسانك


اخوك

فواز الروقي

آخر تعديل الروقي فواز يوم 29-May-2009 في 08:40 PM.

[المعتصم بالله]

شاعر زمانه

صح الله لسانك مبدع

تحياتي

[سلطان المفرجى]

صح لسانك والله يعين يالنشمي


تقبل مروري

[ابن صنهوت]

الله الله الله يا شاعر زمانه صح السانك مليوووووووووووووون

دورو قبر الدجيما وحطوني معه

[شاعر زمانه]

المشاركة الأصلية كتبت بواسطة الروقي فواز

شاعر يالغالي

وكلمة الحق تنقال


وان طعت شوري

اكتب باسمك الحقيقي

هالموهبه الجميله

لازم تقرن باسمك الصحيح

وان كتبت على هالمستوى راح يكون اسمك مع الاسماء الجميله فى

الساحه الشعريه

تقبل اصدق مشاعري

وصح الله لسانك


اخوك

فواز الروقي

صح بدنك أخوي فواز

ونصيحتك على العين والراس


مشكور على الاطراء

لله لا يهينك


شرفت بمرورك وشهادتك وسام وفخر


لا عدمناك

[شاعر زمانه]

المعتصم بالله


سلطان المفرجي


ابن صنهوت


صحت أبدانكم جميع


مروركم يعني الكثير

شرفتوا وآنستوا

[ابو فايح]

ماش موت بلا سبب يا وجيه الغانميـن** دوروا قبر 'الدجيما' وحطونـي معـه.


صح لسانك قصيده رائعه

[(فهد العضياني)]

صح لسانك ياشاعر زمانه


ولاهنت يالجزل

[علي فلاح العضياني]

قبر الدجيما عندنا فالحفاير


تعال ونحطّك معه تنفيذ لوصيتك ههههههههه


صح لسانك مدد بلا عدد


قصيده مؤثره و قويه


لله درك يا شاعر زمانه

التوقيع

(( رأس الحكمه مخافة الله ))