سند العتيبي
سلام فيه اعلوم وعلوم ما تعرف=في منتدىً نصه عساكر وشرطه!!
اجتمعوا الهيلا والنيه المشرف=يمكن يردونه عضو ٍ بلا سلطه
معجب العتيبي
يامرحبا باللي يمشي وراه الصف=في منتدى الهيلا بتصيبه الجلطه
على كلامك قوم ياصاحبي واحلف=قدام لاتصبح يافلان في ورطه
سند العتيبي
يا معجب الروقي دام البقا والطف=خل العلوم اخفاف لا تزيدها شطه
ما ني بحالف لك يا مشرف مكلف=عقب العشر تقضي.. اتدور القطه
معجب العتيبي
مما عطاك الله يافلان قم واصرف=لاترجع بدربك وتكرر الغلطه
في نفعة اخواني اقوم واتشرف=يوم ان بعض الناس في سبهم مطه
سند العتيبي
اثرك متلقف... اثرك متلقف=وانا احسبك واعي لا تخرب الخلطه
من يوم صرت بصف امطير لاتنكف=ربعك يخلونك...ابضاعه بشنطه
معجب العتيبي
اثرك متكلف اثرك متكلف=والحزم فالموقف ماجبتلي شرطه
ياليت صاحبنا ياناس يتسلف=والا يجيب لحاف ويروح في غطه
سند العتيبي
ثلاث مرات ٍ تسلم من الموقف=يا معجب الشاعر يا شاعر القلطه
واللي عطاك الصيت وش علته طرف=عود لابن عمك لكن وش حطه؟!!
معجب العتيبي
فالموقف الغصاب ماني بمتكتف=واللي يعاندني لاقمت ابا ابطه
رقيت بأفعالي يالصاحب المرهف=وانته حداك السيل ماتقدر تنطه
سند العتيبي
القادم المضمون ركنتك فوق الرف=من عقبها ريّح والصوت لا تعطه
رقيت بالتلفيق ... مرزوق لك يهتف=ومن عقب صيتك رحت صاحبت (منحطه)
معجب العتيبي
كلامٍ مزور بالكذب ومغلف=باين من اسلوبه واسلوب من خطه
مرزوق عدلكم وانته تحب اللف=واللي يحب اللف بالحبل له زنطه
سند العتيبي
يا معجب الديره صاير هواها صلف=تبغى صقور احرار ما تقبل البطه
مرزوق حرٍ طار بجناحه ورفرف=اغد بمصيرك وانت محطوط فالخطه
معجب العتيبي
دام الهوا ماعجبك وراك تتفلسف=رح دور العيشه والسمن والحنطه
غيرك يطير وراح وجناحك منتف=وتراقب العالم والصوت ابه شحطه